Orange Armenia ինտերնետ բաժանորդների օգտագործած ծավալը 6-7Gb ամսական
February 22, 2010 | Բաժիններ` Հայկական ինտերնետ, Վերահրապարակումներ
Orange Armenia-ի բաժանորդների կողմից ինտերնետի օգտագործան ծավալը միջինը ամսական կազմում է 6-7 գիգաբայթ (Gb), շաբաթ օրը Ծաղկաձորում «Արդյունավետ մենեջմենթ հետճգնաժամային կառավարման պայմաններում» կլոր սեղանի ընթացքում ասել է ընկերության մարքեթինգի գծով մենեջեր Արամ Մկրտչյանը:
Նրա խոսքերով՝ Հայաստանում ինտերնետից օգտվողները բավականին զարգացած են, ինչի մասին վկայում են նրանց սպառման բարձր ցուցանիշները, որոնք նույնիսկ գերազանցում են ինտերնետ ռեսուրսների օգտագործման համաշխարհային ռեկորդները: «Թվերը վկայում են այն մասին, որ ընկերության մուտքը դրական է անդրադարձել շուկայի վրա՝ բարձրացնելով մրցակցությունը, իսկ սպառողին տրամադրելով ավելի մեծ հնարավորություններ», – ասել է Մկրտչյանը:
Նա նաև ընդգծել է, որ ճգնաժամը չի ազդել ընկերության ներդրումային ծրագրերի վրա: «Ճգնաժամը թույլ տվեց Հայաստանում զարգացնել ավելի հետաքրքիր ապրանքներ և մշակել ընկերության ավելի արդյունավետ ռազմավարություն», – ասել է Մկրտչյանը:
«Orange Armenia»-ն France Telecom-ի 100 տոկոսանոց դուստրն է (ապրանքանիշը՝ Orange): Ընկերությունը Հայաստանում 140 մլն եվրոյի ներդրումներ է կատարել, ինչի հաշվին ապահովել է ցանցի 83-տոկոսանոց ծածկույթ՝ ապահովելով բջջային կապի և ինտերնետի հասանելիությունը հանրապետության 500 քաղաքներում և գյուղերում։
Աղբյուրը` Arka Telecom | Telecom.Arka.am
Այլ նորություններ
Նյութի դիտումների քանակը` 623
