Apple iAd. մոբիլ գովազդային պլատֆորմ
April 10, 2010 | Բաժիններ` Մոբիլ կոմերցիա
Երեկ Apple ընկերության ղեկավար Սթիվ Ջոբսը (Stve Jobs) ներկայացրեց մոբիլ ներդիրների համար նախատեսված iAd գովազդային պլատֆորմը: Նրա խոսքերով` ներկա դրությամբ աշխարհում թողարկված են ավելի քան 50 հազար խաղային և ժամանցային ներդիրներ iPhone, iPhone Touch և iPad մոբիլ ապարատների համար, մոտ 4000 խաղային ներդիրներ` Nintendo DS և ավելի քան 2500ն էլ Sony PlayStation portable ապարատների համար: Այս թվերով սկսվեց Apple iAd համակարգի ներկայացումը Սթիվ Ջոբսի կողմից:
«Անձնական համակարգիչների համար գովազդային լավագույն տարբերակը հանդիսանում է որոնումը», – ասել է Ջոբսը, «Սակայն բջջային հեռախոսներ օգտագործողների շրջանում որոնումն այնքան էլ տարածված չէ, փոխարենը նրանք առավել շատ են օգտվում մոբիժամանցային ներդիրներից, այդ իսկ պատճառով բջջային գովազդի լավագույն տարբերակը հանդիսանում են ներդիրները»:
Վերլուծաբանները համաձայնվում են Ջոբսի հետ առ այն, որ բջջային հեռախոսների շուկան տարբերվում է համակարգչային շուկայից: Մասնավորապես, բջջային հեռախոսից օգտվողն իրեն այլ կերպ է պահում, քան մարդը, որն աշխատում է համակարգչով` սեղանի առջև: Այդ պատճառով գործընթացները, որոնք վերաբերում են անձնական համակարգչային սեգմենտին, ոչ միշտ են կարողանում նույն արդյունավետությունը ցուցաբերել մոբիլ ոլորտում:
Փաստորեն iAd համակարգը հանդիսացավ պատասխան հարված Google ընկերությանը, որը թողարկելով Android օպերացիոն համակարգը, այժմ ճնշում է մոբիլ շուկայում Apple-ին: Այժմ ամենա հետաքրքիրն այն է, թե ինչ է աշխարհին սպասում. տեսնել, թե ինչպես Google-ը կարձագանքի iAd համակարգին, և ոչ խոսքերով, այլ գործնականում: Google ընկերությունը կարող է թողարկել անալոգային լուծում, որն այս անգամ դժվար կլինի պատկերացնել բաց կոդով, ինչպես սովոր է ներկայացնել Google-ը:
1 մեկնաբանություն Apple iAd. մոբիլ գովազդային պլատֆորմ հոդվածին
Tweets that mention Apple iAd. մոբիլ գովազդային պլատֆորմ | ArmeniaMobile.net - Armenian mobile news & reviews -- Topsy.com
April 11th, 2010 at 6:40 am
[...] This post was mentioned on Twitter by Vardan Papikyan, armenia mobile. armenia mobile said: Apple iAd. մոբիլ գովազդային պլատֆորմ http://armeniamobile.net/archives/188 #ads #mobile #apple #google #iad [...]