«РосТелеком»ը $22,5 մլն-ով ձեռք է բերել «GNC-Alfa»-ի 75% բաժնետոմսերը

Ինչպես հաղորդում է ռուսական Gazeta.ru կայքը, ռուսական ընկերության նախագահ Ալեքսանդր Պրովոտորովն ասել է, թե «GNC-Alfa-ի նկատմամբ վերահսկողության ձեռքբերումը «Ռոստելեկոմին» թույլ կտա զարգացած ենթակառուցվածք ձեռք բերել աճի զգալի ներուժ ունեցող Հայաստանի հեռահաղորդակցության շուկայում` ծառայություններ մատուցելու համար»:

GNC-Alfa ընկերությունը ժամանակակից օպտիկամանրաթելային մագիստրալի միջոցով (ավելի քան 1500 կմ երկարություն) ծածկում է Հայաստանի տարածքի 70 տոկոսը և ունի ելք դեպի Իրան և Վրաստան ու ապահովված է երեք միջազգային  կապուղիներով. մեկը` հարավում (հարավային հատվածը` Երևանի և Հայաստան-Իրան սահմանի միջև, շահագործման է հանձնվել 2009թ), երկուսը`  հյուսիսում (ցանցի հյուսիսային հատվածները` Երևանի և Հայաստան-Վրաստան սահմանի միջև, գործում են 2010թ. մարտից):

2011թ. GNC-Alfa-ի հասույթը 12 մլն դոլարի է հասել, իսկ մաքուր պարտքը, գործարքի պահին, 1 մլն դոլարից պակաս:

Այն, որ «Ռոստելեկոմը» պատրաստվում է ձեռք բերել GNC-Alfa-ի բաժնետոմսերի փաթեթը, հայտնի դարձավ 2012թ. հունվարի 13-ին: Ռուսական լրատվամիջոցները գրել էին, թե ռուսական ընկերությունը ցանկանում է գնել Հայաստանի հեռահաղորդակցության ոլորտի մեկ այլ  պրոդուկտ` անկախ ինտերնետ մատակարար Ucom ընկերությունը, իսկ դա նշանակում է, որ Հայաստանի լայնաշերտ ինտերնետ հասանելիության շուկայում ապագայում «Ռոստոլեկոմի» մասնաբաժինը կարող է մոտ 13 տոկոս կազմել:

Աղբյուրը` ԹԵՐԹ.am

Mozilla Firefox-ի 10-րդ թարմացումը հնարավոր է օգտագործել հայերեն լեզվով

Mozilla ընկերությունն ընդամենը երկու օր առաջ հայտնեց 10-րդ տարբերակի թողարկման մասին: Այն իր մեջ ներառում է լուռ թարմացման մեխանիզմ, այսինքն բրաուզերն ավտոմատ կերպով անջատում է անհամատեղելի հավելումները (add-ons) և նշում մնացյալ բոլոր հավելումները որպես համատեղելի;

Բոլոր այն հավելումները, որոնք աշխատում էին Firefox 4-ի հետ, այսուհետ համատեղելի կլինեն Firefox 10-ում, նշում է ընկերությունը։ Firefox 10-ը նախագծողներին ազատում է հավելյալ աշխատանքից և այդ գործընթացը տեղի է ունենում ավտոմատ կերպով։

Հայերեն Firefox 10-ը կարելի է ներբեռնել հենց Mozilla-ի պաշտոնական կայքից։

«Մոզիլլա Հայաստան» թիմի նպատակն է հայաֆիկացնել Մոզիլլա կազմակերպության ծրագրերը` հասանելի դարձնելով հայերեն լեզվով, և տարածել հայերենը տեղի ՏՏ ոլորտում: Աշխատանքը ղեկավարում են Mozilla Foundation-ի 2 կամավոր աշխատակիցներ (Contributor)` Արմեն Զամբրանո Գասպարյանը և Ռոբերտ Սարգսյանը, իսկ կամավոր թարգմանիչները 11-ն են։

«ՄՏՍ կոնեկտ անսահմանափակ+» փաթեթի բաժանորդները ներբեռնման համար նախկին 10ԳԲ-ի փոխարեն կստանան ամսական 20ԳԲ գերարագ ինտերնետ:

Աղբյուրը` iTel.am

QIWI Դրամապանակ է գործում Ռուսաստանում, Ղազախստանում, Ուկրաինայում, Մեծ Բրիտանիայում, Վրաստանում, Իսրայելում, Ղրղզստանում, Լատվիայում, Լիտվայում, Մոլդովայում, Պանամայում, Տաջիկստանում, Թայլանդում, Թուրքիայում, Ուզբեկստանում եւ Ճապոնիայում:

Բոլոր այս երկրների բանկիչները համակարգից  օգտվելու համար կարող են օգտագործել Visa եւ վճարային քարտեր, ինչպես նաեւ վճարել ողջ աշխարհում  հասանելի ապրանքների եւ ծառայությունների դիմաց, գրում է News.am-ը` հղում անելով Lenta.ru-ին:

ArmenTel-ը սկսում է տրամադրել հատկացված վիրտուալ սերվերներ` VDS ծառայությունը

«ԱրմենՏելի» մամուլի ծառայությունից News.am-ին հայտնել են, որ 512 ՄԲ հատկացված օպերատիվ հիշողությամբ «VDS 10 GB» ծառայության ամսական բաժանորդավճարը կազմում է 10000 դրամ: Սկավառակի ծավալի (HDD) հավելյալ յուրաքանչյուր 1 ԳԲ-ի համար ամսական վճարը կազմում է 500 դրամ, իսկ օպերատիվ հիշողության (RAM) լրացուցիչ յուրաքանչյուր 128 ՄԲ` 1000 դրամ: Ռեսուրսների հասանելիությունն ապահովվում է արտաքին կապուղիների համար` 20 Մբվ, իսկ ներքին կապուղիների համար` 100 Մբվ արագությամբ:

Նշենք, որ «ԱրմենՏել» ընկերության տվյալների կենտրոնը խոշորագույնն է երկրում եւ հագեցված է ամենաժամանակակից սարքավարումներով, կապի արագագործ կապուղիներով` սեփական օպտիկամանրաթելային գծերի միջոցով: Մոնիթորինգի ավտոմատացված համակարգերն ապահովում են աշխատունակության շուրջօրյա դիտարկումը, իսկ տեխնիկական ու ծրագրային ապահովումն երաշխավորում է ընկերության եւ նրա գործընկերների համակարգերի կայուն աշխատանքը:

Աղբյուրը՝ News.am

Հայաստանի 107 ավագ դպրոցներում 2012-ին կլինի Wi-Fi ինտերնետ

«Նախատեսում ենք ինտերնետը հասանելի դարձնել 1403 դպրոցներում։ Դիմել ենք և աշխատում են ՎիվաՍել-ՄՏՍ ընկերության հետ, որի շնորհիվ 107 ավագ դպրոցներում ինտերնետը հասանելի կլինի Wi-Fi-ի տեսքով»,-ասաց նախարարը։

Նրա խոսքով, սա հնարավորություն կտա ինտերնետը հասանելի դարձնել ողջ դպրոցի տարածքում։

Արմեն Աշոտյանը հավելեց, որ բոլոր դասարանների ուսումնական դասագրքերը կհավաքվեն մեկ նոր էլեկտրոնային շտեմարանում։ Դասագրքերը կլինեն ներբեռնվող, որով աշակերտները ավելի լայն հնարավորություն կստանան դասագրքերից օգտվելու։

Աղբյուրը` PanArmenian.net

«Ռոստելեկոմը» հետաքրքրված է Հայաստանի ինտերնետ-շուկայով

Բացի այդ, «Կոմերսանտ» թերթի տվյալներով` «Ռոստելեկոմ»-ը նաեւ նախատեսում է գնել Ucom ինտերնետ- պրովայդերին, ինչը  GNC-Alfa-ի հետ կապահովի ռուսաստանյան ընկերությանը Հայաստանի  ինտերներնետ լայնաշերտ մուտքի շուկայի 13 տոկոսով:

Ենթադրվում է, որ ակտիվի գնորդն է լինելու օպերատորի դուստր ձեռնարկությունը` կիպրոսյան Teleset Networks Ltd-ն, որը կգնի Filor Ventures Ltd-ի`  բաժնետոմսերի 75 տոկոսը` հանած 1 բաժնետոմսը, որը հանդիսանում է  GNC-Alfa-ի 100 տոկոսանոց սեփականատերը, եւ կվճարի 22,5 մլն դոլար: Այսինքն օպերատորն ամբողջապես գնահատվել է 30 մլն դոլար: Այլընտրանքային տարբերակը. ձեռք բերել նույն փաթեթը անմիջապես GNC-Alfa-ից.  Մնացած 25 տոկոսը եւ 1 ակցիան, կոլոպցիոնի շրջանակում կարող են գնվել Teleset-ի կողմից ավելի ուշ:

«Թրաֆիքի տրանզիտը պարսկական ուղիով դեպի Եվրոպա, բավականին խոստումնալից է: Ճանապարհի մի մասն անցնում է Հայաստանով, եւ տեղական մայրուղային օպերատորի գնումը պետք է ամրացնի «Ռոստելեկոմ»-ի դիրքերը»,- ասել է «Կոմերսանտ»-ի աղբյուրը:

Բացի այդ, նրա խոսքով, GNC-Alfa-ի հենքային ցանցը լավն է, ինչը հնարավորություն կտա զարգացնել ընկերությունը նաեւ Հայաստանի արագ զարգացող ինտերնետ լայնաշերտ մուտքի շուկայում: 2011 թվականի վերջին Հայաստանի ինտերնետի լայնաշերտ մուտքի շուկայի ծավալը գնահատվել է 40 մլն դոլար:

Աղբյուրը` News.am

Նախագիծն իրականացնելու SASGroup-ի որոշումը պայմանավորված է Հայաստանում ինտերնետ օգտագործողների թվաքանակի սրընթաց աճով և ոլորտի հետագա զարգացման փայլուն հեռանկարով:

SAS.am-ը ոչ միայն արդի տեխնոլոգիաները բիզնեսում կիրառելու լավ օրինակ է և Հայաստանում էլեկտրոնային առևտրի զարգացմանը նպաստող կարևոր քայլ, այլև համացանցում հայկական բովանդակության բացառիկ նմուշ:

Մի քանի պարզ քայլով կատարվող գնումների դիմաց մեր հաճախորդները կարող են վճարել ինչպես էլեկտրոնային առևտրի համար ավանդական օնլայն տարբերակով, այնպես էլ պատվերը ստանալիս` պլաստիկ քարտով կամ կանխիկ: Կորպորատիվ հաճախորդների համար գործում են հատուկ պայմաններ:

Առաքումն իրականացվում է ոչ միայն Երևանի, այլև ՀՀ և ԼՂՀ տարածքում` անկախ պատվիրված ապրանքի քանակից, գնից և ծավալից:

Այսպիսով, շնորհիվ SAS.am-ի ընձեռած հնարավորությունների` SAS-ը դառնում է ամենալայն ծածկույթով սուպերմարկետների ցանցը Հայաստանում և հասանելի է լինում յուրաքանչյուր սպառողի` յուրաքանչյուր վայրում:

Հարթակը տարբերվում է բոլոր հարթանկներից նրանով, որ յուրաքանչյուր ոք կարող է տեղում լուսատեսանկարել և SMS կամ MMS հաղորդագրության միջոցով նկարածը միանգամից հրապարակել սեփական միջավայրում։

Գործակվել է Orange-ի բլոգը` OrangeBlog.am

«Մենք շեշտը դրել ենք պարզության վրա, այն մատչելի է բոլորի համար։ Orange-ի բոլոր աշխարհագրական երկրների շարքում Հայաստանն առաջինն է, ուր նման բան է հիմնում։ Մենք ցանկանում ենք խթանել հայերեն լեզվով էլեկտրոնային բովանդակության զարգացումն և տարածումը։ Դրա վառ օրինակներից էր Armnet 2011-ը, իսկ հիմա էլ այս նոր Orange Բլոգ բլոգային հարթակը»,-նշեց Orange Արմենիայի գլխավոր տնօրեն Բրունո Դյութուան։

Orange բլոգային հարթակում յուրաքանչյուր Orange-ի բաժանորդ ունի 2 ԳԲ անվճար ծավալ, իսկ ոչ Orange բաժանորդները 100ՄԲ։ Orange-ի բաժանորդները 2564 կարճ համարին կարող են SMS կամ MMS ուղարկել, այդպես կատարվում է լուսանկարի, գրառման կամ տեսանյութի վերբեռնում Orange բլոգային հարթակում և թարմացվում բաժանորդի էջը բլոգային հարթակում։ Յուրաքանչյուր ուղարվող SMS-ները և MMS-ներն անվճար են Orange-ի բաժանորդների համար։

Orange Արմենիայի Մարքեթինգի տնօրեն Արամ Մկրտչյանի խոսքով, բոլոր նրանց համար, ովքեր չունեն համակարգիչներ, բլոգային հարթակի շնորհիվ նույնպես կարողանում են իրենց բլոգն ունենալ։ «Հարթակը նախևառաջ սեփական լուսանկարները, նոթերն ու տեսանյութերը պահուստավորելու տեղ է, ապա կիսելու հանրության հետ»։

Orange Բլոգ բլոգային հարթակ նախագծի ղեկավար Սուրեն Ազատյանը ներկայացրեց հարթակի ֆունկցիաներն ու հնարավորությունները։ «Բլոգը եռալեզու է։ Այստեղ կան բլոգային հարթակներին բնորոշ բոլոր հնարավորությունները՝ մեկնաբանություններ թողնելու, ջնջելու, որոնելու, սիրելի բլոգ ընտրելու և այլն»,-նշեց նա։

PanArmenian.net

Հայաստանում առաջին անգամ տեղի կունենա «Start-Up Weekend Yerevan» նորարար նախագծերի մրցույթ-միջոցառումը

StartUp Weekend Միջոցառումները աշխարհում նորարարական նախագծերի ստեղծման բավական տարածված ձև են, իսկ Հայաստանում սա նոր ձևաչափ է, որը տեղի կունենա առաջին անգամ։

«StartUp Weekend Yerevan»-ի նպատակն է մի հարկի տակ միավորել նախագծողներին, դիզայներներին, ինտերնետ ոլորտի էնտուզիաստներին և բոլոր նրանց, ովքեր լի են նորարար գաղափարներով։ Վերջիններս էլ 3 օրում կփորձեն առաջադրել գաղափարներ, մշակել դրանք և ստեղծել նոր նախագիծ, նորարարական պրոդուկտ՝ սկսած կայքերից մինչև բջջային ծրագրեր։

«Իր ֆորմատով այն նման է Սոցիալական նորարարական ճամբարների (SICamp)։ Սակայն, եթե SICamp-երի ժամանակ ստեղծվող նախագծերը կոմերցիոն չեն դիտվում, ապա StartUp Weekend-ի արդյունքում ստեղծվում են նոր ընկերություններ, նոր կոմերցիոն նախագծեր»,- նշել է Ժիրայր Թերզյանը։

Armnet մրցանակաբաշխության կազմակերպիչներն ակնկալում են «StartUp Weekend Yerevan» միջոցառմանը ներգրավված տեսնել 70-ից 100 մասնակցի, որոնք էլ կստեղծեն 5-ից 7 նախագիծ։

«StartUp Weekend Yerevan»-ին մասնակցելու համար անհրաժեշտ է գրանցվել միջոցառման կայքում՝ yerevan.startupweekend.org-ում։

Նշենք նաև, որ «StartUp Weekend» գլոբալ միջոցառումների գլխավոր հավոնովարը վերջերս դարձավ Google ընկերությունը: Ընկերության միջնորդությամբ որոշվել է նաև, որ այն քաղաքներում, որտեղ կան GTUG (Google Technology User Group) խմբեր, կազմակերպվեն Startup Weekend-ի ներկայացման միջոցառումներ (Bootcamp): Երևանում այն կկազմակերպվի GTUG Armenia & Subchapters խմբի կողմից, որի մասին կհայտարարվի շուտով:

Armnet Awards 2011, Yerevan december 2-4

Դեկտեմբերի 2-4-ը Երևանում կկայանա Armnet 2011 մրցանակաբաշխությունը։ Armnet 2011-ի շրջանակում կանցկացվեն երեք միջոցառումներ՝ «Armnet Awards 2011» hայկական ինտերնետ-կայքերի մրցանակաբաշխություն, Armnet Կոնֆերանս և «Start-Up Weekend Yerevan» նորարար նախագծերի մրցույթ։ Armnet Awards մրցանակաբաշխության համար գրանցումն արդեն սկսված է` http://armnetawards.am/pages.php?al=add_site

Armnet նախագծի կազմակերպիչներն են SPMS, Orange Armenia ընկերությունները և Հայաստանի Ինտերնետ Ասոցիացիան (ISOC)։