ArmeniaMobile.net - Armenian mobile news & reviews » Ինտերնետ ինդուստրիա

Փետրվարի 7-ը անվտանգ ինտերնետի օրն է

Administrator — Tue, 07 Feb 2012 08:27:35 +0000

Ամբողջ աշխարհում համացանցի օգտվողներն այսօր նշում են անվտանգ ինտերնետի միջազգային օրը:

Այս տոնը, որը կոչված է նպաստելու օնլայն տեխնոլոգիայի անվտանգ և պատասխանատու օգտագործմանը, հատկապես երեխաների շրջանում, ամենամյա է ու անվտանգ ինտերնետի եվրոպական ցանցային Insafe կենտրոնի կողմից անցկացվում է փոտրվարին։

Ամբողջ աշխարհում համացանցի օգտվողներն այսօր նշում են անվտանգ ինտերնետի միջազգային օրը:

Այս տարի անվտանգ ինտերնետի միջազգային օրը կանցկացվի «Միասին և անվտանգ բացահայտենք ինտերնետի աշխարհը» կարգախոսի ներքո:

Այն կնվիրվի սերունդների փոխազդեցությանը ու հնարավոր փորձի փոխանակմանը Համաշխարհային գլոբալ ցանցի օգտագործման հարցում:

Այսօր հիմնական վտանգը, որ երեխաներին սպառնում է ինտերնետից, շարունակում է մնալ պոռնոգրաֆիկ բնույթի տեղեկատվությունը, թմրամիջոցների ու էքստրեմիզմի քարոզչությունը:

Վտանգը չափազանց մեծ է հատկապես մանկական պորնոգրաֆիայի քարոզչության տեսանկյունից, և կենտրոն բողոքները ստացվում են հենց մանկական պոռնոգրաֆիայի գանգատներով: Անվտանգ ինտերնետի կենտրոն զանգում են նաև ինտերնետի միջոցով ռասայական և ազգային պատկանելության հիմքով մարդկանց միջև կրքեր բորբոքելու, նաև ինտերնետի միջոցով թմրամիջոցների տարածման բողոքներով:

Աղբյուրը` 1in.am

«РосТелеком»ը $22,5 մլն-ով ձեռք է բերել «GNC-Alfa»-ի 75% բաժնետոմսերը

Administrator — Fri, 03 Feb 2012 07:28:35 +0000

Հայաստանի ինտերնետ շուկայում նոր բաժնետեր է հայտնվել. Ռուսաստանի հեռահաղորդակցության ոլորտի առաջատար ընկերություններից մեկը՝ «Ռոստելեկոմը», 22,5 մլն դոլարով ձեռք է բերել GNC-Alfa հայաստանյան մագիստրալային ինտերնետ օպերատորի «75%՝ հանած մեկ բաժնետոմս» բաժնեմասը:

«РосТелеком»ը $22,5 մլն-ով ձեռք է բերել «GNC-Alfa»-ի 75% բաժնետոմսերը

Ինչպես հաղորդում է ռուսական Gazeta.ru կայքը, ռուսական ընկերության նախագահ Ալեքսանդր Պրովոտորովն ասել է, թե «GNC-Alfa-ի նկատմամբ վերահսկողության ձեռքբերումը «Ռոստելեկոմին» թույլ կտա զարգացած ենթակառուցվածք ձեռք բերել աճի զգալի ներուժ ունեցող Հայաստանի հեռահաղորդակցության շուկայում` ծառայություններ մատուցելու համար»:

GNC-Alfa ընկերությունը ժամանակակից օպտիկամանրաթելային մագիստրալի միջոցով (ավելի քան 1500 կմ երկարություն) ծածկում է Հայաստանի տարածքի 70 տոկոսը և ունի ելք դեպի Իրան և Վրաստան ու ապահովված է երեք միջազգային կապուղիներով. մեկը` հարավում (հարավային հատվածը` Երևանի և Հայաստան-Իրան սահմանի միջև, շահագործման է հանձնվել 2009թ), երկուսը` հյուսիսում (ցանցի հյուսիսային հատվածները` Երևանի և Հայաստան-Վրաստան սահմանի միջև, գործում են 2010թ. մարտից):

2011թ. GNC-Alfa-ի հասույթը 12 մլն դոլարի է հասել, իսկ մաքուր պարտքը, գործարքի պահին, 1 մլն դոլարից պակաս:

Այն, որ «Ռոստելեկոմը» պատրաստվում է ձեռք բերել GNC-Alfa-ի բաժնետոմսերի փաթեթը, հայտնի դարձավ 2012թ. հունվարի 13-ին: Ռուսական լրատվամիջոցները գրել էին, թե ռուսական ընկերությունը ցանկանում է գնել Հայաստանի հեռահաղորդակցության ոլորտի մեկ այլ պրոդուկտ` անկախ ինտերնետ մատակարար Ucom ընկերությունը, իսկ դա նշանակում է, որ Հայաստանի լայնաշերտ ինտերնետ հասանելիության շուկայում ապագայում «Ռոստոլեկոմի» մասնաբաժինը կարող է մոտ 13 տոկոս կազմել:

Աղբյուրը` ԹԵՐԹ.am

Իրանում ձերբակալվել են Facebook-յան գեղեցկության մրցույթի կազմակերպիչները` «կոռուպցիայի եւ անամոթության» համար

Administrator — Thu, 02 Feb 2012 09:23:03 +0000

Իրանում ոստիկանության աշխատակիցները, ովքեր պատասխանատու են կիբերհանցագործությունների համար, ձերբակալել են Facebook սոցիալական ցանցում խմբերից մեկի 4 ադմինիստրատորների (group admins):

Իրանում ձերբակալվել են Facebook-յան գեղեցկության մրցույթի կազմակերպիչները` «կոռուպցիայի եւ անամոթության» համար

Խմբում գեղեցկության վիրտուալ մրցույթ է կազմակերպվել, որի պատճառով նրա ղեկավարներին մեղադրել են «կոռուպցիայի եւ անամոթության» համար:

Ձերբակալվածներից երկուսը կին են, երկուսը` տղամարդ: Նրանց խմբում ընդգրկվել են շուրջ 25 հազար իրանցի աղջիկներ ու տղաներ, ովքեր ադմինիստրատորների կոչով հրապարակել են իրենց լուսանկարները: Հիմա բոլոր նրանց նկատմամբ հնարավոր է հետապնդում սկսվի, հաղորդում է Gazeta.ru-ն:

Նշենք, որ Իրանում Facebook սոցիալական ցանցի հասանելիությունը սահմանափակված է, սակայն շատերը եղանակներ են գտնում արգելքը հաղթահարելու համար, օգտագործելով տարբեր ծրագրեր:

Աղբյուրը` News.am

Mozilla Firefox-ի 10-րդ թարմացումը հնարավոր է օգտագործել հայերեն լեզվով

Administrator — Thu, 02 Feb 2012 08:30:18 +0000

Mozilla Firefox բրաուզերի նոր` 10-րդ թարմացումը հասանելի է արդեն հայերեն լեզվով։ Այս մասին PanArmenian.Net ի թղթակցին տեղեկացրել է «Մոզիլլա Հայաստան» թիմի անդամ Հրանտ Օհանյանը։

Mozilla Firefox-ի 10-րդ թարմացումը հնարավոր է օգտագործել հայերեն լեզվով

Mozilla ընկերությունն ընդամենը երկու օր առաջ հայտնեց 10-րդ տարբերակի թողարկման մասին: Այն իր մեջ ներառում է լուռ թարմացման մեխանիզմ, այսինքն բրաուզերն ավտոմատ կերպով անջատում է անհամատեղելի հավելումները (add-ons) և նշում մնացյալ բոլոր հավելումները որպես համատեղելի;

Բոլոր այն հավելումները, որոնք աշխատում էին Firefox 4-ի հետ, այսուհետ համատեղելի կլինեն Firefox 10-ում, նշում է ընկերությունը։ Firefox 10-ը նախագծողներին ազատում է հավելյալ աշխատանքից և այդ գործընթացը տեղի է ունենում ավտոմատ կերպով։

Հայերեն Firefox 10-ը կարելի է ներբեռնել հենց Mozilla-ի պաշտոնական կայքից։

«Մոզիլլա Հայաստան» թիմի նպատակն է հայաֆիկացնել Մոզիլլա կազմակերպության ծրագրերը` հասանելի դարձնելով հայերեն լեզվով, և տարածել հայերենը տեղի ՏՏ ոլորտում: Աշխատանքը ղեկավարում են Mozilla Foundation-ի 2 կամավոր աշխատակիցներ (Contributor)` Արմեն Զամբրանո Գասպարյանը և Ռոբերտ Սարգսյանը, իսկ կամավոր թարգմանիչները 11-ն են։

«ՄՏՍ կոնեկտ անսահմանափակ» եւ «ՄՏՍ կոնեկտ անսահմանափակ+» փաթեթների բաժանորդները կստանան կրկնակի ծավալի ինտերնետ

Administrator — Thu, 02 Feb 2012 08:17:40 +0000

2012թ. փետրվարից մինչև մայիս ամիսներին Վիվասել-ՄՏՍ-ի «ՄՏՍ կոնեկտ անսահմանափակ» փաթեթի բաժանորդները միեւնույն գումարի դիմաց ներբեռնման համար կստանան ամսական 10ԳԲ գերարագ ինտերնետ` նախկին 5-ի փոխարեն:

«ՄՏՍ կոնեկտ անսահմանափակ+» փաթեթի բաժանորդները ներբեռնման համար նախկին 10ԳԲ-ի փոխարեն կստանան ամսական 20ԳԲ գերարագ ինտերնետ:

Աղբյուրը` iTel.am

Facebook-ը դիմում է IPO-ի` $5 մլրդ-ի ակնկալիքով

Administrator — Thu, 02 Feb 2012 07:11:38 +0000

Աշխարհում խոշորագույն Facebook սոցիալական ցանցը բորսայում բաժնետոմսերի առաջնային տեղադրման (IPO) դիմում է ներկայացրել: Ծառայությունը ակնկալում է ներգրավել առնվազն 5 միլիարդ դոլար, այս մասին հայտնում է Associated Press գործակալությունը:

ԱՄՆ Արժեթղթերի և բորսաների հանձնաժողով (SEC) ներկայացված փաստաթղթում ասվում է, որ Facebook-ի ամենաշատ բաժնետոմսերը պատկանում են ծառայության հիմադիրներ Մարկ Ցուկերբերգին (28,2%) և Դասթին Մոսկովիցին (7,6%), Accel ներդրումային հիմնադրամին (11,4%), ինչպես նաև Ալիշեր Ուսմանովի և Յուրի Միլների DST ներդրումային հիմնադրամին (5,5%):

Դիմումի մեջ նշվում է, որ ամեն ամիս Facebook սոցցանցից օգտվում է ավելի քան 845 միլիոն օգտատեր, իսկ Facebook-ի գրառումները ամեն օր ունենում են 2,7 միլիարդ «Like» և մեկնաբանություն:

Ինչպես նշում է Wall Street Journal-ը, Facebook-ը ցուցադրում է աճի բարձր տեմպ, սակայն փորձագետները սպասում էին ավելի բարձր ցուցանիշներ: Անկախ գնահատականներով՝ Facebook-ի եկամուտը 2011 թվականին կազմել է 4,27 միլիարդ ԱՄՆ դոլար:

Աղբյուրը` 1in.am

1.001.619 մեկնաբանություն` Facebook-յան հաղորդագրության տակ

Administrator — Wed, 01 Feb 2012 21:28:57 +0000

Fox40.com կայքը հայտնում է, որ ռեկորդակիր ստատուսի դիպվածն ունի այս պատմությունը. ամեն ինչ սկսվել է այն ժամանակ, երբ FrontierVille խաղի երկրպագուների էջում հոկտեմբերի 30-ին մի հաղորդագրություն է տեղադրվել: Այնուհետև 100 երկրպագուներից բաղկացած խումբը որոշել է, որ չափազանց մեծ թվով պատասխան մեկնաբանություններ պետք է գրվեն, որի շնորհիվ հնարավոր կլինի հայտնվել համաշխարհային ռեկորդների գրքում:

Խումբը կարողացել է կատարել երազանքը և հաղորդագրության տակ 1.001.619 մեկնաբանություն թողնել: Սա նշանակում է, որ յուրաքանչյուր օգտատեր պետք է որ էջում առնվազն 9500 անգամ մեկնաբանություն գրած լինի:

Fox40-ը խոսել է խմբի անդամներից մի քանիսի հետ, և նրանք ասել են, որ ցանկացել են ցույց տալ, թե ինչքան ուժեղ կարող է լինել խումբը և ինչերի կարող է հասնել, եթե նրա անդամները միասին աշխատեն:

Աղբյուրը` 1in.am

Բազմաթիվ պրոբլեմների պոտենցիալ աղբյուր

Administrator — Tue, 31 Jan 2012 18:23:57 +0000

Դիտարկիչների (browser) համար նախատեսված նոր հավելվածը Facebook սոցիալական ցանցի օգտատերերին զգուշացնում է, եթե ինչ-որ մեկը ցանցում նրանց հեռացրել է իր ընկերների ցանկից: Այն նաև տեղեկացնում է օգտատերերին նաև, երբ ինչ-որ մեկը չի ընդունում կամ արհամարհում է ընկերության առաջարկը:

Ըստ Daily Mail-ի՝ հավելվածը, որը կոչվում է Unfriend Finder, անվճար է և արդեն իսկ շատ հայտնի է աշխարհում: Այն ներբեռնվել է ավելի քան 44 մլն անգամ:

Ծրագիրն աշխատում է գրեթե բոլոր բրուզերների հետ: Այս լուրը, սակայն, կարող է սարսափեցել սոցիալական ցանցի շատ օգտատերերի, քանի որ Facebook-ն ինքը չի տեղեկացնում, երբ ինչ-որ մեկը որոշում է մյուսին հեռացնել սոցիալական ցանցի իր ընկերների շարքից: Այն կարող է բազմաթիվ պրոբլեմների պատճառ դառնալ սոցիալական ցանցերում և իրական կյանքում:

Աղբյուրը` 1in.am

Yahoo!-ի համահիմնադիր Ջերրի Յանգը ազատվել է ընկերությունում զբաղեցրած բոլոր պաշտոններից

Administrator — Wed, 18 Jan 2012 21:10:27 +0000

Ամերիկյան Yahoo! Ընկերության համահիմնադիր եւ նախկին գլխավոր տնօրեն Ջերրի Յանգը (Jerry Yang) հեռացել է ընկերությունից: Նա դուրս է եկել տնօրենների խորհրդի կազմից եւ ազատվել ընկերությունում զբաղեցրած բոլոր պաշտոններից: Նա նաեւ հեռացել է Alibaba Group ընկերության տնօրենների խորհրդի կազմից: Այդ մասին ասվում է ընկերության պաշտոնական հաղորդագրության մեջ:

Յանգի խոսքով, նա պատրաստվում է զբաղվել նոր նախագծերով Yahoo!-ից դուրս: Յանգն ընկերությունը հիմնադրել էր Դևիդ Ֆայլոյի հետ 1994թ. Սթենֆորդի համալսարանի ասպիրանտուրայում սովորելու տարիներին: Ընկերությունը տիրապետում է հեղինակավոր որոնողական համակարգին եւ լայն ծառայություններ է մատուցում: Այն 500 մլն-ից ավելի օգտվողներ ունի: Ընկերության կենտրոնակայանը գտնվում է Սանիվեյլ քաղաքում (Կալիֆորնիա, ԱՄՆ):

2011թ. 3-րդ եռամսյակում Yahoo!-ի մաքուր հասույթը կազմել է 298 մլն դոլար, ինչը գրեթե 25 տոկոսով ցածր է նախորդ տարվա ցուցանիշից:

Աղբյուրը` News.am

«Ռոստելեկոմը» հետաքրքրված է Հայաստանի ինտերնետ-շուկայով

Administrator — Sat, 14 Jan 2012 09:30:03 +0000

Ռուսական «Ռոստելեկոմ» ընեկրությունը մտադիր է ձեռք բերել հայկական մագիստրալ օպերատոր GNC-Alfa-ի բաժնետոմսերի 75 տոկոսը` հանած 1 բաժնետոմս:

«Ռոստելեկոմը» հետաքրքրված է Հայաստանի ինտերնետ-շուկայով

Բացի այդ, «Կոմերսանտ» թերթի տվյալներով` «Ռոստելեկոմ»-ը նաեւ նախատեսում է գնել Ucom ինտերնետ- պրովայդերին, ինչը GNC-Alfa-ի հետ կապահովի ռուսաստանյան ընկերությանը Հայաստանի ինտերներնետ լայնաշերտ մուտքի շուկայի 13 տոկոսով:

Ենթադրվում է, որ ակտիվի գնորդն է լինելու օպերատորի դուստր ձեռնարկությունը` կիպրոսյան Teleset Networks Ltd-ն, որը կգնի Filor Ventures Ltd-ի` բաժնետոմսերի 75 տոկոսը` հանած 1 բաժնետոմսը, որը հանդիսանում է GNC-Alfa-ի 100 տոկոսանոց սեփականատերը, եւ կվճարի 22,5 մլն դոլար: Այսինքն օպերատորն ամբողջապես գնահատվել է 30 մլն դոլար: Այլընտրանքային տարբերակը. ձեռք բերել նույն փաթեթը անմիջապես GNC-Alfa-ից. Մնացած 25 տոկոսը եւ 1 ակցիան, կոլոպցիոնի շրջանակում կարող են գնվել Teleset-ի կողմից ավելի ուշ:

«Թրաֆիքի տրանզիտը պարսկական ուղիով դեպի Եվրոպա, բավականին խոստումնալից է: Ճանապարհի մի մասն անցնում է Հայաստանով, եւ տեղական մայրուղային օպերատորի գնումը պետք է ամրացնի «Ռոստելեկոմ»-ի դիրքերը»,- ասել է «Կոմերսանտ»-ի աղբյուրը:

Բացի այդ, նրա խոսքով, GNC-Alfa-ի հենքային ցանցը լավն է, ինչը հնարավորություն կտա զարգացնել ընկերությունը նաեւ Հայաստանի արագ զարգացող ինտերնետ լայնաշերտ մուտքի շուկայում: 2011 թվականի վերջին Հայաստանի ինտերնետի լայնաշերտ մուտքի շուկայի ծավալը գնահատվել է 40 մլն դոլար:

Աղբյուրը` News.am