ArmeniaMobile.net - Armenian mobile news & reviews » Մոբիլ նորություններ

Highscreen – Jet Duo Երկու SIM-քարտով աշխատող բյուջետային Android-սմարթֆոն

Administrator — Fri, 27 Jan 2012 09:46:20 +0000

Ներկայացնում ենք Highscreen — Jet Duo բյուջետային սրամթֆոնը, որն աշխատում է Android 2.3 օպերացիոն համակարգի վրա: Սմարթֆոնն առանձնանում է իր համեստ տեխնիկական բնութագրերով, ինքնարժեքով և 2 SIM-քարտով հագեցած հնարավորությամբ:

Տեխնիկական բնութագիր Highscreen – Jet Duo

Օպերացիոն համակարգ Android 2.3 Gingerbread
Բջջային ցանցեր` – GSM/GPRS/EDGE ( 850/900/1800/1900 ՄՀց); UMTS ( 900/2100 ՄՀց)
3,2 դյույմ ծավալով սենսորային դիսփլեյ` HVGA թողունակությամբ (320×480 պիքսել)
Պրոցեսոր` Qualcomm MSM7227-1 800 ՄՀց տակտային հաճախականությամբ
Օպերացիոն հիշողություն` 512 ՄԲ
Հիմնական հիշողության ծավալը` 512 ՄԲ
microSD հիշողության քարտի մուտք (SDHC-ի հնարավորությամբ), մինչև 32 ԳԲ հիշողությամբ քարտի տեղադրման հնարավորությունով
տեսախցիկ` 2 Մպիքսել
FM-ռոդիո, ներդրված GPS ընդունիչ
3,5-mm աուդիոելքի բնիկ
Անլար կապ` Bluetooth 2.1 EDR, Wi-Fi (802.11 b/g/n)
2 SIM-քարտերի հնարավորություն (Dual SIM Dual Standby), G-սենսոր, թվային կողմնացույց, մոտեցման տվիչ
Լիթիում-իոնային մարտկոց` 1200 մԱժ
Սմարթֆոնի չափերը` – 107,5 x 58 x 11,9 ՄՄ
Քաշը` – 110 գրամ
Գինը ռուսական շուկայում` մոտ 75.000 AMD

General Motors. պատուհաններ և iPad

Administrator — Fri, 20 Jan 2012 10:28:38 +0000

Ամերիկյան General Motors կոնցեռնը մշակել է բոլորովին նոր կողային պատուհաններ: Թե ինչ են դրանք իրենցից ներկայացնում` երկու բառով բացատրելը դժվար կլինի: Այն մի միջին տեղ է գրավում սովորական, մեզ արդեն հայտնի ապակիների և նորագույն iPad-ի միջև: Ըստ էության` այն ինտերակտիվ սենսորային էկրան է, որտեղ կարելի է ցուցադրել ամենատարբեր պատկերներ, հավաքել տեքստ, խաղալ խաղեր, նկարել և այլն: Կարճ ասած, այս էկրանների կիրառման դաշտը շատ ընդարձակ է: Ամենայն հավանականությամբ, դրանց միջոցով հնարավոր կլինի նաև մուտք գործել համացանց:

«Սովորաբար ինտերակտիվ էկրանները ավտոմեքենաներում հասանելի էին միայն վարորդին և առջևի նստատեղի ուղևորին: Մենք այս նոր տեխնոլոգիան ստեղծել ենք հատուկ ետևի նստատեղերի ուղևորների համար:

Հոգեբանների ուսումնասիրությունների համաձայն` երկրորդ շարքում նստած ուղևորները հաճախ իրենց միայնակ և մեկուսացված են զգում: Հենց այս պատճառով ուղևորները ավելի հաճախ նախընտրում են նստել առջևի նստատեղին», -նշել է այս նախագծի ղեկավար Թոմ Սեդերը:

Ոչ ոք չի ասել, որ նոր պատուհանները մեքենաներում կհայտնվեն այս տարի: Սակայն, եթե դրանց թողարկման ինքնարժեքը լինի ընդունելի մակարդակում, ապա կարելի է վստահ լինել, որ երեքից հինգ տարուց այս հրաշք պատուհաններով ավտոմեքենաները կարող են հայտնվել ավտոճանապարհներին:

Աղբյուրը` AutoWeek Ավտո նորություններ

Ամերիկյան շուկայում Android և iOS սմաթֆոններ վաճառվել են հավասարաչափ

Administrator — Wed, 18 Jan 2012 20:43:10 +0000

2011 թվականի առաջին եռամսյակում ամերիկացիները Android և iOS սմաթֆոններ գնել են հավասարաչափ: Այս մասին հայտնել է Nielsen վերլուծական ընկերությունը:

Ամերիկյան շուկայում Android և iOS սմաթֆոններ վաճառվել են հավասարաչափ

Ինչպես գրում է lenta.ru-ն, Android–ը վաճառքի առումով iOS-ի նկատմամբ ձեռք է բերել առավելություններ՝ 2.4 %-ով:

Բայց առաջին եռամսյակում iOS-ի սմարթֆոնների վաճառքն ավելացել է, իսկ Android-ի վաճառքը՝ նվազել:

Ամերիկայում ամենաշատ վաճառված սմարթֆոնների մեջ երրորդ տեղն է զբաղեցնում RIM BlackBerry-ն:

Մասնագետները նշում են, որ iPhone-ի հեղինակությունը 4-րդ եռամսյակում ավելացել է, և դա կապված է iPhone 4S-ի թողարկման հետ:

Ներկայումս ԱՄՆ ում կարելի է ձեռք բերել Apple–ի 3GS, 4 և 4S մոդելները: Իսկ նոր iPhone-ը հնարավորություն տվեց բարձրացնել գնորդների թիվը 57 %-ով:

PowerTrekk բջջային հեռախոսների լիցքավորիչն աշխատում է ջրի միջոցով

Administrator — Sat, 14 Jan 2012 09:02:07 +0000

SiGNa Chemistry and myFC ընկերությունները բջջային հեռախոսների, տեսախցիկների համար ստեղծել են մի լիցքավորիչ, որը կարող է շատ քիչ ջրի միջոցով էներգիա տրամադրել սարքերին:

The PowerTrekk-ը ստեղծվել է հատուկ այն մարդկանց համար, ովքեր շատ ժամանակ են անցկացնում այնպիսի վայրերում, որտեղ էլեկտրականություն չկա:

PowerTrekk բջջային հեռախոսների լիցքավորիչն աշխատում է ջրի միջոցով

Լիցքավորիչի համար ընդամենը մեկ ճաշի գդալ ջուր էլ բավարար է, որպեսզի այն հեռախոսները և տեսախցիկները լիցքավորի 10 ժամանոց մարտկոցային կյանքով: Daily Mail-ը գրում է, որ սարքն աշխատում է ցանկացած տեսակի ջրով` ներառյալ աղի ջուրը: Սարքն աշխատում է քիմիական ռեակցիայի շնորհիվ, որի ժամանակ ջուրը ռեակցիայի մեջ է մտնում սարքում պարունակվող նատրիումի սիլիցիդի հետ` արտադրելով ջրածնային էներգիա:

Կանխատեսվում է, որ սարքը Եվրոպական շուկաներում կհայտնվի այս տարվա հունիսին և կարժենա մոտ 200 Եվրո:

Android Ice Cream Sandwich on Xperia Play

Administrator — Tue, 10 Jan 2012 11:29:33 +0000

Sony Ericsson-ը ներկայացնում է իր Xperia Play սմարթֆոնը` Android 4.0 օպերացիոն համակարգի հիման վրա:

Sony Ericsson Xperia Play running leaked Android 4.0 ICS Ice Cream Sandwich Build.

HTC-ն գրանցել է սմարթֆոնների վաճառքի անկում

Administrator — Sat, 07 Jan 2012 13:35:25 +0000

Թայվանական սմարթֆոններ արտադրող HTC ընկերությունը հայտնել է, որ 2011-ի 4-րդ եռամսյակում գրանցել է եկամտի 25% անկում, որը հետևանք է շուկայում հսկայական մրցակցության։ Այս մասին հայտնել է BBC-ն։

HTC-ն գրանցել է սմարթֆոնների վաճառքի անկում

HTC ընկերության մաքուր շահույթը 2011թ. 4-րդ եռամսյակում նվազել է՝ կազմելով 11 միլիարդ թայվանական դոլար (364 միլիոն ԱՄՆ դոլար)։ Այս ցուցանիշը 2010-ի 4-րդ եռամսյակում կազմում էր 14,8 միլիարդ թայվանական դոլար։

Վաճառքը դեկտեմբերին ընկել է 20,3%-ով։

Հիշեցնենք նաև, որ արդեն հոկտեմբերին ընկերությունը հայտնել էր, որ 4-րդ եռամսյակում սպասում է ցածր եկամտի արդյունքներ։ Սակայն վերջին արդյունքները ցույց են տալիս, որ HTC-ի 2011-ի ողջ մաքուր շահույթը աճել է 57%-ով՝ կազմելով 62 միլիարդ թայվանական դոլար։

HTC-ն աշխարհում սմարթֆոն արտադրողներից 4-րդ է, որը զիջում է միայն Samsung-ին, Apple-ին և Nokia-ին։

Aakash պլանշետների գինը կարող է իջնել մինչև $10

Administrator — Thu, 05 Jan 2012 13:08:28 +0000

Աշխարհում ամենաէժան Aakash պլանշետի արտադրող Datawind ընկերությունից հայտնում են, որ Aakash պլանշետի գինը կարող է հասնել 35, նույնիսկ 10 դոլարի` չնայած նրա վաճառքից երկու շաբաթ հետո արդեն ընկերությունը չի կարող հաղթահարել պատվերների մատակարարումը: Այս մասին հայտնում է Cnews.ru պորտալը:

Պետք է նշել, որ այսպես կոչված «աշխարհում ամենաէժան Aakash պլանշետ» մշակվել է Հնդկաստանի կառավարության պատվերով` որպես «լայն զանգվածների համար համակարգիչներ»: Առաջին հերթին այն ձեռք էին բերելու Հնդկաստանի բուհերի ուսանողները:

Aakash պլանշետն աշխատում է Android 2.2 օպերացիոն համակարգով, ունի 7 դյումանոց էկրան, 256 մեգաբայթ օպերատիվ հիշողություն, երկու USB-ինտերֆեյս և մեդիանվագարկիչ: Այն կարող է առանց լիցքավորման աշխատել 3 ժամ:

Պլանշետները վաճառքի են հանվել 2011 թվականի դեկտեմբերի 14-ին, և մինչ այս պահը նրա գինը արհեստականորեն պահվում էր 41 դոլարի սահմաններում: Վաճառքի առաջին երկու շաբաթվա ընթացքում ընկերությունը ստացել է 1.4 միլիոն պատվեր:

Kodak-ը շուտով կսնանկանա

Administrator — Thu, 05 Jan 2012 12:39:17 +0000

Eastman Kodak ընկերությունը մոտ օրերս հայտարարություն է տալու վարկատուներից պաշտպանվելու մասին (ԱՄՆ օրենսգրքի 11 հոդված` սնանկացում): Այս մասին հայտնում է The Wall Street Journal-ը` վկայակոչելով մի քանի անանուն աղբյուրների:

Պարբերականի տվյալներով՝ ընկերության ղեկավարները դեռ հնարավորություն ունեն խուսափելու սնանկացման գործընթացից, սակայն Kodak-ում սկսել են պատրաստվել օրենսգրքի 11 հոդվածի կետերին: Մասնավորապես, ընկերությունը բանակցություններ է վարում մի քանի բանկերի հետ` գործընթացի ֆինանսավորման վերաբերյալ:

The Wall Street Journal-ի փոխանցմամբ՝ սնանկացման մասին հայտարարվելու է փետրվարի սկզբին: Ընկերությունում մեկնաբանություն չեն տալիս այս հարցի վերաբերյալ:

11-րդ հոդվածի պաշտպանության տակ ընկերությունը կարող է աշխատել և հաճախորդների հանդեպ կատարել իր պարտականությունները: Այնուամենայնիվ, Kodak-ը մտադիր է կենտրոնանալ 1,1 հազար արտոնագրերի վաճառքի վրա: Նման դեպքում հարցականի տակ է դրվում ընկերության ապագան, որտեղ աշխատում է 19 հազար մարդ:

Kodak-ն արդեն մի քանի տարի է՝ համարվում է կորուստներ ունեցող ընկերություն, այդ պատճառով բորսայում նրա բաժնետոմսերը անընդհատ էժանանում են:

Ընկերության ֆինանսական դժվարությունների մասին լուրերը սկսել էին տարածվել 2011 թվականի վերջից: Այսպես, հոկտեմբերին հայտնի է դարձել, որ Kodak-ը փորձում է ստանալ 900 միլիոնի լրացուցիչ ֆինանսավորում:

Աղբյուրը` 1in.am

iPen գրիչներ՝ հատուկ iPad-ի համար

Administrator — Fri, 16 Dec 2011 09:28:54 +0000

Cregle ընկերությունը թողարկել է iPen աքսեսուար-գրիչը, որը թույլ է տալիս նկարել, գրել, կատարել գծագրեր iPad պլանշետային համակարգչի վրա: Այն ունի բավական բարակ ծայր, ինչը թույլ է տալիս ստանալ հստակ գծեր:

iPen for iPad

Գրչին կից փոխանցիչի միջոցով iPen-ն ազդանշան է ուղարկում էկրանի վրա կատարած գործողությունների մասին, իսկ պատկերը հայտնվում է վայրկենապես:

iPen-ն աշխատում է հետևյալ հավելվածների հետ՝ Ghostwriter Notes, My Notebook!, iWriteWords, GoodNotes , որոնք կարելի է գտնել itunes.apple.com-ում: Նշենք, որ iPen-ն արժե $79:

Շուտով iPen-ի հետ համատեղելի կլինեն նաև հետևյալ ծրագրերը՝ ArtRage, forScore, ibisPaint, Notes Plus, pdf-notes, Sketch Club, SpeedText, TacticsView, TouchDraw, Writing Kana:

Գործակվել է Orange-ի բլոգը` OrangeBlog.am

Administrator — Wed, 14 Dec 2011 20:54:06 +0000

Այսօր Orange Armenia ընկերությունը ներկայացրեց Orange Բլոգը՝ իր նոր բլոգային հարթակը՝ orangeblog.am-ը, որտեղ յուրաքանչյուր ոք կարող է իր սեփական միջավայրը ստեղծել՝ հրապարակելով այնտեղ նկարներ, տեսանյութեր և կատարել գրառումներ։

Հարթակը տարբերվում է բոլոր հարթանկներից նրանով, որ յուրաքանչյուր ոք կարող է տեղում լուսատեսանկարել և SMS կամ MMS հաղորդագրության միջոցով նկարածը միանգամից հրապարակել սեփական միջավայրում։

Գործակվել է Orange-ի բլոգը` OrangeBlog.am

«Մենք շեշտը դրել ենք պարզության վրա, այն մատչելի է բոլորի համար։ Orange-ի բոլոր աշխարհագրական երկրների շարքում Հայաստանն առաջինն է, ուր նման բան է հիմնում։ Մենք ցանկանում ենք խթանել հայերեն լեզվով էլեկտրոնային բովանդակության զարգացումն և տարածումը։ Դրա վառ օրինակներից էր Armnet 2011-ը, իսկ հիմա էլ այս նոր Orange Բլոգ բլոգային հարթակը»,-նշեց Orange Արմենիայի գլխավոր տնօրեն Բրունո Դյութուան։

Orange բլոգային հարթակում յուրաքանչյուր Orange-ի բաժանորդ ունի 2 ԳԲ անվճար ծավալ, իսկ ոչ Orange բաժանորդները 100ՄԲ։ Orange-ի բաժանորդները 2564 կարճ համարին կարող են SMS կամ MMS ուղարկել, այդպես կատարվում է լուսանկարի, գրառման կամ տեսանյութի վերբեռնում Orange բլոգային հարթակում և թարմացվում բաժանորդի էջը բլոգային հարթակում։ Յուրաքանչյուր ուղարվող SMS-ները և MMS-ներն անվճար են Orange-ի բաժանորդների համար։

Orange Արմենիայի Մարքեթինգի տնօրեն Արամ Մկրտչյանի խոսքով, բոլոր նրանց համար, ովքեր չունեն համակարգիչներ, բլոգային հարթակի շնորհիվ նույնպես կարողանում են իրենց բլոգն ունենալ։ «Հարթակը նախևառաջ սեփական լուսանկարները, նոթերն ու տեսանյութերը պահուստավորելու տեղ է, ապա կիսելու հանրության հետ»։

Orange Բլոգ բլոգային հարթակ նախագծի ղեկավար Սուրեն Ազատյանը ներկայացրեց հարթակի ֆունկցիաներն ու հնարավորությունները։ «Բլոգը եռալեզու է։ Այստեղ կան բլոգային հարթակներին բնորոշ բոլոր հնարավորությունները՝ մեկնաբանություններ թողնելու, ջնջելու, որոնելու, սիրելի բլոգ ընտրելու և այլն»,-նշեց նա։

PanArmenian.net