«Դ-Լինքը» հանդիսանում է ցանցային եւ հեռահաղորդակցության սարքավորումների մշակման եւ արտադրության մեջ մասնագիտացած համաշխարհային առաջատարներից: Ընկերության 127 տարածաշրջանային գրասենյակներն իրականացնում են համակարգչային և հեռահաղորդակցության սարքավորումների վաճառք եւ սպասարկում ավելի քան 100 երկրներում:

2011 թ. «Դ-Լինքը» մուտք գործեց հայաստանյան շուկա` հաստատվելով Գյումրիում եւ նախնական փուլում վերապատրաստելով 8 մասնագետների: Այդ մասնագետների հաջողություններն ու առաջարկած ինքնատիպ լոծումները խթան հանդիսացան, որպեսզի «Դ-Լինքը» կարեւոր ռազմավարական որոշում կայացնի` հայաստանյան ստորաբաժանման թիվը ավելացնել մինչեւ 50 հոգու, կառուցել նոր շենքային պայմաններ: Փաստորեն` Գյումրիում ստեղծվելու է «Դ-Լինքի» տարածաշրջանային հետազոտական կենտրոնը (հետազոտությունների եւ թեստավորման կենտրոն): ՀՀ կառավարությունն այսօր` արիլի 26-ին հավանություն տվեց «Դ-Լինքի» ներդրումային ծրագրին, ու ընկերությանն անհատոյց հանձնեց գույք եւ հողամաս` շինարարության նպատակով;

«Դ-Լինկ» հետազոտությունների կենտրոնը Գյումրիում հագեցված է լինելու ժամանակակից սարքավորումներով եւ հնարավորություն է տալու մշակել եւ թեստավորել ցանցային եւ հեռահաղորդակցության տեխնոլոգիաների ոլորտներում միջազգային շուկայի պահանջներին համապատասխան նորարարական արտադրանք: Հետազոտությունների հիմնական ուղղությունները կլինեն «Դ-Լինկ» «ամպային» կառուցվածքով հաշվողական համակարգերը ե կառավարման ծրագրային ապահովումները: Հետազոտական աշխատանքները կարտահանվեն եւ կվաճառվեն միջազգային շուկաներում: / Աղբյուրը՝ News.am

Որոշման առիթով ՀՀ վարչապետը հայտարարել է. «Սա այն ոլորտն է, որտեղ մենք ակնհայտ հաջողություն ունենք: Դա պայմանավորված է նրանով, որ մասնավոր հատվածն ապագա հինգ տարիների ընթացքում պետության առջև դնում է հստակ խնդիր. մենք պարտավոր ենք տարեկան առնվազն 20 տոկոսով ավելացնել համապատասխան տեղերը բուհերում, որոնք պատրաստում են տեղեկատվական տեխնոլոգիաների կադրեր։ Սա այսօրվա դրությամբ թիվ մեկ խնդիրն է, որը մեր առջև դնում է մասնավորը։ Նրանց տարեկան արտադրանքի և աշխատատեղերի աճը կազմում է 20-30 տոկոս, և այսօր խիստ բարձր է մրցակցությունը այդ կադրերի նկատմամբ։ Դրա արդյունքում աշխատավարձն էլ աճում է շատ բարձր տեմպերով։ Նոր աշխատատեղում ծրագրավորողի աշխատավարձն սկսվում է 500 հազար դրամից։ Ընդ որում, այսպիսի աշխատատեղերն այսօր առկա են, և ոլորտը չի կարողանում իր համար գտնել համապատասխան կադրեր։ Դրա համար մենք կրթության և գիտության նախարարության հետ արդեն մշակում ենք ծրագիր, որպեսզի էապես ավելացնենք այդ ոլորտում կադրերի պատրաստման հզորությունները։

Այսպիսի երկրորդ ճյուղը դառնալու է ճշգրիտ ճարտարագիտությունը, որտեղ ևս աճի բավական մեծ տեմպեր կան, երրորդը լինելու է դեղագործությունը։ Սրանք այն ճյուղերն են, որոնք ներառված են մեր նոր արդյունաբերական քաղաքականության մեջ։ Կոնկրետ տեղեկատվական տեխնոլոգիաների ոլորտում փորձը ցույց է տալիս, որ պետություն-մասնավոր համագործակցության այն հարթակը, որն ստեղծել ենք, առարկայական պտուղներ է տալիս։ Աշխատում ենք մասնավորի հետ, բացահայտում նրանց խնդիրները և լուծում դրանք։ Մարդիկ տեսնում են, որ ներդրումների նոր դաշտ է բացվում։ Այս դրական փորձն էլ ստիպեց մեզ, որպեսզի մշակենք և ներդնենք նոր արդյունաբերական ծրագիրը»։ / HayNews.am

Daily Tech-ը հաղորդում է, որ Google ընկերությունը պատրաստվում է թողարկել իր սեփական մեկնաբանությունների համակարգը` այդ կերպ պայքարելով Facebook-ի դեմ:

Բլոգեր Սաուդ Ալ-Հավավին երեկ հաղորդել է, որ մեկնաբանությունների պլատֆորմը, որի մասին նախկինում տեղեկություններ չեն եղել, քննարկվել է Google ընկերության G-Saudi Arabia միջոցառման ժամանակ: Ակնկալվում է, որ սա իր կապերը կունենա նաև Google+ սոցիալական ցանցի հետ:

Անկասկած է, որ Google-ը հույս ունի, որ մեկնաբանությունների համակարգը կօգնի առավել շատ օգտատերեր ունենալ Google+ սոցիալական ցանցում: / 1in.am

MTS ընկերությունը հայտարարում է հեռահաղորդակցությունների ոլորտում 2-րդ Երիտասարդական նորարակական նախագծերի մրցույթի մեկնարկի մասին Ռուսաստանի և ԱՊՀ երկրների (այդ թվում Հայաստանի) համար:

Մրցույթը տեղի է ունենում մարտից հունիս ամիսներին: Մրցույթի նպատակն է երիտասարդների շարքում նորարարական գաղափարների և նախագծերի որոնումը, աջակցությունը և առաջխաղացումը, որոնք վերաբերվում են հեռահաղորդակցություններին և ունեն բիզնեսում, սոցիական և պետական ոլորտներում կիրառվելու հեռանկարներ:

Մրցույթին կարող են մասնակցել մինչև 35 տարեկան ուսանողներ, ասպիրանտներ, բուհերի և գիտահետազոտական կազմակերպությունների աշխատողներ:

Բացի դրանից, «Տելեկոմ Գաղափարի» շրջանակներում տեղի կունենա վիդեո շնորհանդեսների մրցույթ և լավագույն startup-բլոգ մրցույթը:

Աշխատանքները գնահատելու է Փորձագիտական խորհուրդը, որի կազմի մեջ մտնում են ՄՏՍ ներկայացուցիչներ, հեռահաղորդակցությունների, նորարարությունների ոլորտում գիտնականներ և փորձագետներ: / PanArmenian.net

Ծրագրի առաջին փուլը տեղի կունենա մարտ-մայիս ամիսներին ԵՊՀ-ում, ԵրՊԼՀ-ում, ՀՊՃՀ-ում, Հայաստանի Ֆրանսիական համալսարանում, Գավառի պետական համալսարանում և այլուր:

Դասընթացները լինելու են տարբեր թեմաներով՝ վաճառք, մարդկային ռեսուրսներ, կարիերա, մարքեթինգ, ռադիոտեխնոլոգիաներ և այլն: Ընդհանուր թվով 23 դասընթացները ներառում են ինչպես խորը մասնագիտական թեմաներ, ինչպես` «GSM ցանցեր», «Վաճառքի ուղղակի և անուղղակի մեթոդները» և այլն, այնպես էլ նպատակ ունեն պարզապես գործնական հմտություններ փոխանցել հաջողակ կարիերայի համար, օրինակ` «Ինչպես մասնակցել աշխատանքի ընդունման հարցազրույցի»:

Դասընթացներին ուսանողները կարող են մասնակցել նախապես գրանցվելով իրենց հետաքրքրող դասընթացներին։ / PanArmenian.net

Yahoo! ընկերությունը դատական հայց է ներկայացրել աշխարհի ամենամեծ սոցիալական ցանցի դեմ, որով վերջինիս մեղադրում է տասը հեղինակային իրավունքի պայմաններ խախտելու մեջ, այս մասին հաղորդում է Reuters գործակալությունը:

Ընկերությունում նշել են, որ հայցը վերաբերում է Yahoo!-ի կողմից պատենտավորված այն գործիքների օգտագործմանը, որոնց միջոցով իրականացվում է գովազդի տեղադրումը: Դատական հայցը ներկայացվել է Կալիֆորնիա նահանգի Սան Խոսե քաղաքի դատարան:

Facebook-ի պաշտոնական ներկայացուցիչն ասել է, որ «իրենք հիասթափություն են ապրել այն փաստից, որ երկար տարիներ իրենց հետ համագործակցած Yahoo!-ն, որը միայն շահել է իրենց հետ գործակցությունից, որոշել է դատական հայց ներկայացնել»: Yahoo!-ում վստահ են, որ դատարանում իրենք հաջողության են հասնելու. «Խնդիրը երկար ժամանակ մնում էր չլուծված: Դրա համար էլ անհրաժեշտ էր դատական վարույթ սկսել», ասել է Yahoo!-ի ներկայացուցիչը: / Աղբյուրը` 1in.am

———————————————————————————————————————–
Որոնու՞մ ես – որոնիր հայկական էջերում [գովազդ]

———————————————————————————————————————–

Կազմակերպության կայքում հրապարակված զեկույցի համաձայն` «համացանցի թշնամիների» մեջ են հայտնվել նաև Մյանման, Չինաստանը, Կուբան, Իրանը, Հյուսիսային Կորեան, Սաուդյան Արաբիան, Սիրիան, Թուրքմենստանը, Ուզբեկստանն ու Վիետնամը: Սրանք այն երկրներն են, որտեղ, ըստ կազմակերպության, առավել կոշտ ու դաժան ձևով են սահմանափակում օգտվողների ազատությունը համացանցում:

Տես այլ մանրամասներ` Համացանցի թշնամիներ – օրվա թեման որոնումներում >

Այսօր` մարտի 12-ին նշվում է համացանցում ազատության օրը: Առաջին անգամ այս օրը նշել է 2008-ին հենց «Լրագրողների առանց սահմանների» կազմակերպությունը, որպեսզի ուշադրություն հրավիրի համացանցում ազատ մուտքի սահմանափակման երևույթի վրա: / haynews.am

———————————————————————————————————————————–
Ձեր գովազդը սոցիալական ցանցերում – Facebook, Twitter, Google+ [գովազդ]

———————————————————————————————————————————–

Zynga-ն գործարկում է սեփական խաղային հարթակ

Ավելի վաղ, Zynga-ի հեղինակած հայտնի Mafia Wars և CityVille խաղերի օգտատերերը կարող էին այն խաղալ միայն սոցիալական ցանցերում, մասնավորապես Facebook-ում:

Zynga-ն ներկայում Facebook-ին է վճարում իր վաճառքներից գոյացած ահույթի 30%-ը միայն նրա համար, որ սոցիալական ցանցը հանդիսանում է խաղային հարթակ: Այժմ, ըստ փորձագետների, սեփական կայքի և խաղային հարթակի գործարկմամբ սոցիալական ցանցերն իրենք պետք է սկսեն բանակցությունները` իրենց կոմիսիոն տոկոսները վերանայելու ուղղությամբ:

Ընկերության արտադրանքի մենեջեր Ռիդ Շաֆները հայտարարել է, որ Zynga.com-ը ձգտում է ուղղակի կապ հաստատել իր օգտատերերի հետ, քանի որ Facebook-ն օգտագործվում է ոչ միայն խաղերի համար»:

Այդուհանդերձ, Zynga-ն առաջվա պես ուժեղ կախվածության մեջ կլինի Facebook-ից, քանի որ խաղալու համար օգտատերերը պետք է առայժմ գրանցվեն սոցիալական ցանցի օգնությամբ:

Անցած տարվա տվյալների համաձայն՝ Zynga-ն չի կարողացել մեծացնել իր ամենօրյա օգտատերերի թիվը, չնայած 311.2 մլն ԱՄՆ դոլարի եկամտին ու բջջային հավելվածների աճին: / 1in.am

Համակարգիչն իրենից ներկայացնում է կրեդիտ քարտի չափով միկրոչիպ, որը վաճառվում է առանց կորպուսի, մկնիկի, մոնիտորի և ստեղնաշարի: Էլեկտրականությունը այն ստանում է microUSB մուտքի միջոցով:

———————————————————————————————————
Ցանկանում եք զարգացնել բիզնեսը ինտերնետի օգնությա՞մբ: Օգտվեք մեր ծառայություններից – բիզնեսի օպտիմալացում և առաջխաղացում հայկական և միջազգային ցանցերում >> [գովազդ]

———————————————————————————————————

35 դոլարանոց մոդելն ունի 256 ՄԲ օպերատիվ հիշողություն (RAM), երկու USB մուտք և HDMI և Ethernet միացումներ: Համակարգիչն աշխատում է Linux ՕՀ բազայի վրա և կարող է միանալ Wi-Fi ցանցին:

Ավելի ուշ վաճառքի կհանվի 25 դոլար արժողությամբ RaspBerry-ի մոդելը` 128 ՄԲ օպերատիվ հիշողությամբ և մեկ USB մուտքով:

Raspberry Pi նախագիծը բյյուջետային համակարգիչ ստեղծելու առաջին փորձը չէ: Նմանատիպ նախագծերից են 89 դոլար արժողությամբ BeagleBoard սարքը՝ Texas Instruments-ի պրոցեսորի հիմքի վրա, և 60 դոլարանոց MiniEMBWiFi-ը` MIPS պրոցեսորների վրա:

Raspberry Pi-ի ստեղծողներն այն բնութագրում են որպես մի սարք, որը նախատեսված է երեխաներին ծրագրավորում սովորեցնելու համար: / 1in.am

—————————————————————————–
Երբ անհրաժեշտ է աշխատացնել կայքն իր ողջ հղորությամբ… [գովազդ]

—————————————————————————–

Facebook Mobile in Blackberry

Այսօրվա դրությամբ՝ Facebook-ի բաժանորդների գրեթե կեսը՝ մոտ 425 մլն-ն օգտվում են կայքից սմարթֆոնների և բջջայինների, ևս 60 մլն-ը՝ պլանշետների միջոցով։

Ընկերության այս նախաձեռնությունը հնարավորություն կստեղծի բաժանորդներին կայքի միջոցով տարատեսակ խաղեր, երաժշտություն և ծրագրեր գնել։

Թեյլորի խոսքերով՝ ելնելով այսօրվա դաշտի խիստ մրցակությունից, այս նախաձեռնությունը կարող է հետաքրքրել կապի օպերատորներին։ Հատկապես, որ Facebook-ը չի համագործակցում Apple-ի և Google-ի հետ։

«Մենք աշխատում ենք մի շարք աշխարհահռչակ օպերատորների հետ, որպեսզի հնարավորինս հեշտացնենք ու դյուրին դարձնենք բջջային հեռախոսների ծրագրերից ու ֆունկցիաներից օգտվելը»,- նշել է Թեյլորը։

Տեղեկացնենք նաև, որ այս պահի դրությամբ Facebook-ը համագործակցում է Samsung, HTC, Nokia և այլ հեռախոս արտադրող ընկերությունների հետ, ինչպես նաև AT&T, Verizon, Vodafone կապի օպերատորների հետ։ / ԹԵՐԹ.am