ArmeniaMobile.net - Armenian mobile news & reviews » Արմենթել

ArmenTel-ը սկսում է տրամադրել հատկացված վիրտուալ սերվերներ` VDS ծառայությունը

Administrator — Thu, 19 Jan 2012 15:32:49 +0000

«ԱրմենՏել» ընկերությունը (ապրանքանիշը` Beeline) հայտարարում է VDS (Virtual Dedicated Server) ծառայության գործարկման մասին: Իրավաբանական անձանց համար հատկացված վիրտուալ սերվերի ծառայության կոմերցիոն գործարկումը կսկսվի 2012թ. հունվարի 20-ին` ընկերության տվյալների կենտրոնի (Data Center) հիման վրա:

ArmenTel-ը սկսում է տրամադրել հատկացված վիրտուալ սերվերներ` VDS ծառայությունը

«ԱրմենՏելի» մամուլի ծառայությունից News.am-ին հայտնել են, որ 512 ՄԲ հատկացված օպերատիվ հիշողությամբ «VDS 10 GB» ծառայության ամսական բաժանորդավճարը կազմում է 10000 դրամ: Սկավառակի ծավալի (HDD) հավելյալ յուրաքանչյուր 1 ԳԲ-ի համար ամսական վճարը կազմում է 500 դրամ, իսկ օպերատիվ հիշողության (RAM) լրացուցիչ յուրաքանչյուր 128 ՄԲ` 1000 դրամ: Ռեսուրսների հասանելիությունն ապահովվում է արտաքին կապուղիների համար` 20 Մբվ, իսկ ներքին կապուղիների համար` 100 Մբվ արագությամբ:

Նշենք, որ «ԱրմենՏել» ընկերության տվյալների կենտրոնը խոշորագույնն է երկրում եւ հագեցված է ամենաժամանակակից սարքավարումներով, կապի արագագործ կապուղիներով` սեփական օպտիկամանրաթելային գծերի միջոցով: Մոնիթորինգի ավտոմատացված համակարգերն ապահովում են աշխատունակության շուրջօրյա դիտարկումը, իսկ տեխնիկական ու ծրագրային ապահովումն երաշխավորում է ընկերության եւ նրա գործընկերների համակարգերի կայուն աշխատանքը:

Աղբյուրը՝ News.am

«ԱրմենՏել»-ը գործարկել է նոր «Mix » կանխավճարային սակագնային փաթեթը

Administrator — Sat, 30 Apr 2011 10:33:02 +0000

«ԱրմենՏել» ընկերությունը հայտարարում է նոր «Mix» կանխավճարային սակագնային փաթեթի գործարկման մասին:

Նոր փաթեթում սահմանված է միասնական, շահավետ սակագին` զանգերի, հաղորդագրությունների և շարժական ինտերնետի համար: Սակագնային փաթեթի ներսում ելքային զանգի մեկ րոպեի, SMS կամ MMS հաղորդագրության, ինչպես նաև ուղարկած/ստացած տվյալների 1ՄԲ գինը կազմում է 4.99 դրամ:

«ԱրմենՏել»-ը գործարկել է նոր «Mix » կանխավճարային սակագնային փաթեթը

«Նոր սակագնային փաթեթում միավորված են կապի բոլոր տեսակների ամենագրավիչ սակագները: Այն, առաջին հերթին, հասցեագրված է երիտասարդներին, ովքեր մեր դիտարկումներով, նախընտրում են օգտվել շարժական ինտերնետից` թողնել հաղորդագրություններ սոցիալական ցանցերում, ծանոթանալ նորություններին և այլ: Մենք համոզված ենք, որ տվյալների փոխանցման աննախադեպ ցածր սակագինը, զանգերի և հաղորդագրությունների մատչելի գների համադրությամբ, կուրախացնի մեր բաժանորդներին` տալով նրանց հաղորդակցման ավելի մեծ ազատություն», – նշեց «ԱրմենՏել»-ի գլխավոր տնօրեն Իգոր Կլիմկոն:

«Mix» ՍՓ դեպի Beeline բջջային և ֆիքսված ցանցեր, ինչպես նաև դեպի ՀՀ և ԼՂՀ այլ բջջային ցանցեր ելքային զանգի մեկ րոպեի արժեքը կազմում է 29.99 դրամ: Ելքային SMS և MMS հաղորդագրության արժեքը դեպի Beeline և ՀՀ այլ բջջային ցանցեր կազմում է 8.99 դրամ:

«Mix» ՍՓ բաժանորդներին հասանելի են «Բալանսի փոխանցում» ծառայությունը և «Beeline Բոնուս» ծրագիրը:

Աղբյուրը` PanArmenian.net

ArmenTel Mail Hosting

Administrator — Fri, 11 Mar 2011 14:05:03 +0000

«ԱրմենՏել» ընկերությունը գործարկում է «Mail Հոսթինգ» փորձնական-կոմերցիոն ծառայությունը։ «ԱրմենՏել»-ի սերվերներում էլեկտրոնային փոստային ծառայությունը կազմակերպելու առաջարկից կարող են օգտվել ընկերության կորպորատիվ հաճախորդները։ Էլեկտրոնային փոստի հասցեների քանակն անսահմանափակ է:

Beeline

Մեկ փոստային արկղի սպասարկման ամսեկան բաժանորդային վճարը կազմում է 50 դրամ (ներառյալ ԱԱՀ):

«Փետրվարին մենք սկսեցինք մատուցել կայքերի հոսթինգ ծառայությունն, այսօր արդեն հայտարարում ենք փոստային հոսթինգ ծառայության մեկնարկի մասին: Կապի ծառայությունների և լրացուցիչ առաջարկների ցանկի ընդլայնումը դարձնում են մեր ծառայություններն ավելի հարմարավետ և գրավիչ», – ասում է «ԱրմենՏել» ՓԲԸ Գլխավոր տնօրեն Իգոր Կլիմկոն:

Ինչպես ասվում է ընկերության հաղորդագրության մեջ, «Mail Հոսթինգ» ծառայությունը հնարավորություն է տալիս ստանալ որոշակի տիրույթ «ԱրմենՏել» ընկերության սերվերներում, ներառում է փոստային արկղի կառավարման զանազան միջոցներ, SMTP, POP3 և IMAP արձանագրությունների ապահովում, փոստային արկղի բովանդակության պահեստավորման հնարավորություն, ինչպես նաև գրանցվողը կարող է ընտրել ցանկացած դոմենի անուն փոստային արկղի համար։

Աղբյուրը` PanArmenian.net

«ԱրմենՏել» ընկերությունը հնարավորություն է տալիս զեղչով ձեռք բերելու նոթբուքներ և նեթբուքներ

Administrator — Thu, 17 Feb 2011 09:09:06 +0000

«ԱրմենՏել» ընկերությունը (ապրանքանիշը` Beeline) հայտարարում է Beeline վաճառքի և սպասարկման գրասենյակներում նոթբուքեր և նեթբուքեր զեղչով ձեռք բերելու հնարավորության մասին: Զեղչը տրամադրվում է Hi-Line ծառայության «Մեգա» սակագնային փաթեթին միանալու պայմանագիր կնքելու դեպքում` այն 18 կամ 24 ամիսների ընթացքում չխզելու պայմանով: Այսպես, օրինակ, «Մեգա 1024» սակագնային փաթեթին միանալու և 18 ամիսների ընթացքում պայմանագիրը չխզելու դեպքում տրամադրվում է զեղչ` համակարգչի արժեքի 10 տոկոսի չափով: «Մեգա 3072» սակագնային փաթեթին միանալու պայմանագիր կնքելու և 24 ամիսների ընթացքում այն չխզելու դեպքում` 25 տոկոս:

«ԱրմենՏել» ընկերությունը նոթբուքներ և նեթբուքներ զեղչով ձեռք բերելու հնարավորություն է տալիս

«Վերջին մի քանի ամիսների ընթացքում մենք իջեցրել ենք դյուրակիր համակարգիչների գները, ընդլայնել տեսականին, հաճախորդներին առաջարկել տարաժամկետ վճարման պայմաններ, իսկ այժմ առաջարկում ենք զեղչեր` ինտերնետին միանալիս: Որպես կապի ինտեգրված օպերատոր, «ԱրմենՏել» ընկերությունը շարունակում է աջակցել երկրում համակարգչային տեխնոլոգիաների զարգացմանը», – նշեց «ԱրմենՏել» ընկերության Գլխավոր տնօրեն Իգոր Կլիմկոն:

Ինչպես հայտնում է ընկերության մամլո ծառայությունը, «Մեգա» ՍՓ նոր բաժանորդներին անվճար տրամադրվում է ADSL-մոդեմ: Նրանցից չի գանձվում միացման վճարը և Hi-Line ծառայության օգտագործման առաջին ամսվա բաժանորդավճարը: Իսկ գործող բաժանորդները ցանկացած պահի կարող են վերակնքել պայմանագրերը և անցնել դեպի ավելի բարձր արագություն ապահովող «Մեգա» սակագնային փաթեթ: Այն բաժանորդներն, ովքեր օգտվում են Hi-Line ծառայության «Նախընտրելի» սակագնային փաթեթից ավելի քան 12 ամիս կարող են, վերակնքելով պայմանագիրն, անցնել դեպի «Մեգա» սակագնային փաթեթ առանց որևէ սահմանափակումների և առաջին ամիսն անվճար օգտվել ծառայությունից:

Բոլոր նոթբուքերի և նեթբուքերի երաշխիքային ժամկետը 12 ամիս է:

Աղբյուրը` PanArmenian.net

«ԱրմենՏել»-ը թվայնացնում է Երևանի 47 ԱՀԿ-ն

Administrator — Tue, 15 Feb 2011 08:51:37 +0000

«ԱրմենՏել» ընկերությունը սկսում է Երևանի 47 ԱՀԿ-ի թվայնացման աշխատանքների առաջին փուլը:

47 ԱՀԿ-ի 5000 բաժանորդային գծերի վերամիացումը թվային կայանին նախատեսվում է ավարտել մինչև 2011 թ. մարտի 31-ը, ապահովելով թվային կապով Երևանում «ԱրմենՏել» ընկերության ֆիքսված հեռախոսացանցի բաժանորդների ավելի քան 99 տոկոսը:

«ԱրմենՏել»-ը թվայնացնում է Երևանի 47 ԱՀԿ-ն

««ԱրմենՏել»-ի տեխնիկական մասնագետների աշխատանքի և լարային ենթակառուցվածքի զարգացմանն ուղղված զգալի ներդրումների շնորհիվ Երևանի հեռախոսագծերի թվայնացման մակարդակը թույլ է տալիս դասել Հայաստանի մայրաքաղաքն աշխարհի տեխնոլոգիապես բարձր զարրգացում ունեցող քաղաքների շարքին: Հաճելի է, որ ԱՊՀ երկրների մայրաքաղաքներից Երևանն առաջիններից է, որ կհասնի թվայնացումն այսպիսի բարձր մակարդակի», – նշեց «ԱրմենՏել» ՓԲԸ գլխավոր տնօրեն Իգոր Կլիմկոն:

47 ԱՀԿ-ի թվայնացման աշխատանքների առաջին փուլի ավարտից հետո Հայաստանում թվային հեռախոսակայաններին միացված կլինի «ԱրմենՏել» ընկերության ֆիքսված հեռախոսացանցի բաժանորդների 81 տոկոսը:

Աղբյուրը` iTel.am

«ԱրմենՏելը» IPTV ծառայությունների թեստավորում է անցկացնում

Administrator — Thu, 27 Jan 2011 06:37:10 +0000

«ԱրմենՏել» ընկերությունը IP-հեռուստատեսության (IPTV) ծառայությունների թեստավորում է անցկացնում: Այդ մասին լրագրողների հետ զրույցում հաղորդել է «ԱրմենՏել» ընկերության գլխավոր տնօրեն Իգոր Կլիմկոն:

IPTV

Նրա խոսքով` նախագծում կատարված ներդրումների ծավալը կազմում է մոտ 1 մլն ԱՄՆ դոլար, իսկ ծառայությունը շահագործման կհանձնվի, երբ նրա որակը համապատասխանի ընկերության կողմից առաջադրվող բարձր մակարդակին: IPTVգործարկմանը խոչընդոտում են հին հիմնական բաժանորդագծերը, ինչի պատճառով կարող է վատթարանալ հեռարձակումը:

Աղբյուրը` PanArmenian.net

«ԱրմենՏելի» բաժանորդները Հայաստանի մարզերում այսուհետ կխոսեն ավելի ցածր գնով

Administrator — Thu, 20 Jan 2011 13:36:05 +0000

«ԱրմենՏել» ՓԲԸ-ն (ապրանքանիշը` Beeline) հայտարարում է իրավաբանական անձանց համար կանխավճարային սակագնային փաթեթների գործարկման մասին:

Սակագնային փաթեթները գործարկվել են Հայաստանի բոլոր մարզերում. «Արագածոտն Ցանց», «Արարատ Ցանց», «Արմավիր Ցանց», «Վայոց Ձոր Ցանց», «Գեղարքունիք Ցանց», «Կոտայք Ցանց», «Լոռի Ցանց», «Սյունիք Ցանց», «Տավուշ Ցանց» և «Շիրակ Ցանց»: Փաթեթները հնարավորություն են տալիս համանուն մարզում գտնվող բաժանորդներին

«ԱրմենՏելի» բաժանորդները Հայաստանի մարզերում այսուհետ կխոսեն ավելի ցածր գնով

յուրաքանչյուր օրվա ընթացքում իրականացնել անվճար զանգեր Beeline բջջային ցանցում` սկսած 6-րդ րոպեից: Օրվա ընթացքում զանգերի առաջին 5 րոպեները տարիֆիկացվում են 5 դրամ/րոպե սակագնով: Եթե բաժանորդը գտնվում է իր տարածաշրջանից դուրս, ապա Beeline ցանցում ելքային զանգի մեկ րոպեի արժեքը 19 դրամ է:

Դեպի Beeline ֆիքսված և ՀՀ ու ԼՂՀ-ի այլ բջջային ցանցեր ելքային զանգի մեկ րոպեի արժեքը 39 դրամ է: SMS հաղորդագրություններ Beeline ցանցում և դեպի Հայաստանի ու ԼՂՀ-ի այլ բջջային ցանցեր կարելի է ուղարկել 19 դրամով, իսկ միջազգային ցանցեր` 30 դրամ սակագնով: Նշված սակագնային փաթեթների օրական բաժանորդավճարը կազմում է 1 դրամ:

«Միասնական օպերատոր «ԱրմենՏել» ընկերության կորպորատիվ հաճախորդներին ընձեռվում է հնարավորություն օգտվել կապի ծառայություններից աննախադեպ ցածր գներով: Այսպես, օրինակ, «Արարատ Ցանց» սակագնային փաթեթի բաժանորդը կարող է իրականացնել անսահմանափակ քանակությամբ զանգեր Beeline բջջային ցանցում օրական ընդամենը 26 դրամով ներառյալ բաժանորդավճարը»,- նշեց «ԱրմենՏել» ՓԲԸ Գլխավոր տնօրեն Իգոր Կլիմկոն, հաղորդում է ընկերության մամլո ծառայությունը:

Աղբյուրը` PanArmenian.net

ԱրմենՏելի բջջայից կապից օգտվում է շուրջ 643 հազար մարդ

Administrator — Tue, 18 Jan 2011 17:37:14 +0000

Ոչ պաշտոնական տվյալների համաձայն «ԱրմենՏելի» բջջայից կապից օգտվում է շուրջ 643 հազար մարդ: Այդ մասին, ամփոփելով անցնող տարվա արդյունքները,հայտարարել է ընկերության գլխավոր տնօրեն Իգոր Կլիմկոն:

Ոչ պաշտոնական տվյալների համաձայն «ԱրմենՏելի» բջջայից կապից օգտվում է շուրջ 643 հազար մարդ

Նրա խոսքերով, ընկերությունը կհրապարակի 2010-ի վերջին եռամսյակի պաշտոնական ցուցանիշները փետրվարին:

«ԱրմենՏել» ընկերության 2010-ի երրորդ եռամսյակի տվյալների համաձայն, բջջային կապի բաժանորդների թիվը կազմել է 581 հազար:

Աղբյուրը` PanArmenian.net

Beeline-ը ընդլայնել իր 3G ցանցը մարզերում

Administrator — Fri, 14 Jan 2011 21:28:46 +0000

ԱրմենՏել ընկերությունը (ապրանքանիշը Beeline) Հայաստանի մարզերում ընդլայնել է իր 3G ցանցը:

Երրորդ սերնդի ցանցը գործարկվել է Արարատ, Արմավիր, Արտաշատ, Աշտարակ, Վարդենիս, Վեդի, Գավառ, Եղվարդ, Մասիս, Մեծամոր, Հրազդան, Սեւան քաղաքներում եւ մի քանի տասնյակ գյուղական համայնքներում:

Beeline-ը ընդլայնել իր 3G ցանցը մարզերում

3G կապի տասնյակ նոր կայաններ շահագործման են հանձնվել Աբովյան, Գյումրի, Վանաձոր, Էջմիածին եւ Երեւան քաղաքներում, ինչի արդյունքում զգալիորեն ավելացել է այդ քաղաքներում գործող երրորդ սերնդի ցանցի հզորությունը:

“ԱրմենՏել” ընկերությունը հետեւողականորեն ավելացնում է Հայաստանում 3G ցանցի հզորությունը եւ ընդլայնում ծածկույթը: Beeline 3G ցանցը ծածկում է տարածքներ, որտեղ բնակվում է շուրջ 2.5 մլն. մարդ, ում այսօր հասանելի են գերարագ ինտերնետ, տեսազանգ եւ մեր կողմից մատուցվող ժամանակակից այլ ծառայություններ”, – ասել է “ԱրմենՏել” ՓԲԸ գլխավոր տնօրեն Իգոր Կլիմկոն:

Հաշվի առնելով հաճախորդների ցանկությունները, շարժական ինտերնետի բոլոր բաժանորդներին տրամադրվում է իրական IP-հասցե, ինչի շնորհիվ ծառայությունն ավելի հարմարավետ է դարձել ինչպես ֆիզիկական, այնպես էլ իրավաբանական հաճախորդների համար: Իրական IP-հասցեի պարագայում հաճախորդը ստանում է հետեւյալ առավելությունները. Web-հոսթինգի կազմակերպում, FTP-սերվերի տեղադրում, Ինտերնետ օգտագործողների հետ ֆայլեր փոխանակելու հնարավորություն` անմիջապես համակարգչից համակարգիչ, online-banking ծառայության ավելի անվտանգ հասանելիության, ինչպես նաեւ ինտերնետի միջոցով սեփական համակարգչի հեռահար կառավարման հնարավորություն:

Աղբյուրը` iTel

Շարժական ինտերնետի նոր «Drive» սակագնային փաթեթ` Բիլայնի կողմից

Administrator — Wed, 29 Dec 2010 12:53:33 +0000

«ԱրմենՏել» ընկերությունը հայտարարում է 6000 դրամ ամսական վճարով շարժական ինտերնետի նոր անսահմանափակ հետվճարային «Drive» սակագնային փաթեթի գործարկման մասին: «Drive» սակագնային փաթեթից առնվազն 12 ամիս օգտվելու պայմանագիր կնքելու դեպքում USB-մոդեմը տրամադրվում է անվճար:

«Մշտապես ընդլայնելով մեր սակագնային փաթեթների ցանկը` մենք հաճախորդներին տալիս ենք հնարավորություն ընտրելու ոչ միայն ինտերնետին միանալու եղանակն, այլև գնի ու արագ թրաֆիկի ծավալի առավել ընդունելի հարաբերակցությունը», – նշեց «ԱրմենՏել» ընկերության գլխավոր տնօրեն Իգոր Կլիմկոն:

beeline drive internet pack

«Drive» սակագնային փաթեթում օրացուցային ամսվա ընթացքում 3072 ՄԲ (upload/download) սպառելուց հետո գործում է արագության սահմանափակում մինչև 128 ԿԲ/վրկ.

«Drive» սակագնային փաթեթի բաժանորդներն առաջին 12 ամիսների ընթացքում կարող են անցում կատարել դեպի շարժական ինտերնետի հետվճարային «Գիշերային» և «Անսահմանափակ» սակագնային փաթեթներ և հակառակը: Բաժանորդը կարող է պայմանգիրը կնքելու պահից 10 օրվա ընթացքում դադարեցնել այն` վճարելով տրամադրված ծառայությունների դիմաց և վերադարձնելով մոդեմը սարքին վիճակում: Շարժական ինտերնետի ծառայությունների մատուցման պայմանագիրը վաղաժամկետ` մինչև 12 ամիս լրանալը խզելու դեպքում բաժանորդը վճարում է պայմանագրի ստորագրման օրվա դրությամբ հայտարարված USB-մոդեմի գինը:

«Շարժական ինտերնետ» ծառայությունը պարզ լուծում է, որը թույլ է տալիս համակարգիչը միացնել ինտերնետին GPRS, EDGE կամ 3G տեխնոլոգիաներով ամենուր` Beeline բջջային ցանցի ծածկույթում: Դրա համար անհրաժեշտ է միայն Beeline SIM-քարտը տեղադրել USB-մոդեմի մեջ և միացնել այն համակարգչին:

Աղբյուրը` PCNews.am