ArmeniaMobile.net - Armenian mobile news & reviews » Բիլայն

ԱրմենՏել-ը գործարկել է «SMS-մարաթոն» ծառայությունը

Administrator — Tue, 13 Mar 2012 07:38:34 +0000

«SMS-մարաթոն» ծառայությունը հնարավորություն է ընձեռում ուղարկել կարճ հաղորդագրություններ Հայաստանի բոլոր բջջային ցանցերին` կես գնով, սկսած օրվա 3-րդ SMS-ից: Օրացուցային օրվա ընթացքում առաջին երկու SMS հաղորդագրությունները կտարիֆիկացվեն ըստ բաժանորդի գործող սակագնային փաթեթի: «SMS-մարաթոն» առաջարկը գործում է մինչև 2012թ-ի մայիսի 31-ը, հայտնել են ընկերությունում:

Ինտերնետ-պրոմո արշավների կազմակերպում Հայաստանում [գովազդ]

«SMS-մարաթոն» ծառայությունը` մատչելի և հարմար շփման հնարավորություն է պահանջված բոլորի կողմից, հատկապես տոն օրերին, երբ կտրուկ աճում է SMS ծառայությունների օգտագործումը», – նշել է ԱրմենՏել-ի գլխավոր տնօրեն Իգոր Կլիմկոն:

«SMS-մարաթոն» ծառայությունը կարելի է ակտիվացնել նշված տարբերակներից մեկով. ուղարկելով «20» տեքստով SMS հաղորդագրություն 0674 համարին, զանգահարելով 067420 համարին կամ ուղարկելով *110*20# հրահանգը: Ծառայության միացման վարձը 150 դրամ է, բաժանորդային վարձը` օրը 5 դրամ:

«SMS-մարաթոն» ծառայությունից կարող են օգտվել կանխավճարային համակարգի բոլոր սակագնային փաթեթների ֆիզիկական անձ հանդիսացող բաժանորդները, բացի «Շարժական ինտերնետ», «Ուլտրա», «Բարի գալուստ» և «ZrO» սակագնային փաթեթների բաժանորդներից: / Աղբյուրը` iTel.am

ArmenTel-ը սկսում է տրամադրել հատկացված վիրտուալ սերվերներ` VDS ծառայությունը

Administrator — Thu, 19 Jan 2012 15:32:49 +0000

«ԱրմենՏել» ընկերությունը (ապրանքանիշը` Beeline) հայտարարում է VDS (Virtual Dedicated Server) ծառայության գործարկման մասին: Իրավաբանական անձանց համար հատկացված վիրտուալ սերվերի ծառայության կոմերցիոն գործարկումը կսկսվի 2012թ. հունվարի 20-ին` ընկերության տվյալների կենտրոնի (Data Center) հիման վրա:

ArmenTel-ը սկսում է տրամադրել հատկացված վիրտուալ սերվերներ` VDS ծառայությունը

«ԱրմենՏելի» մամուլի ծառայությունից News.am-ին հայտնել են, որ 512 ՄԲ հատկացված օպերատիվ հիշողությամբ «VDS 10 GB» ծառայության ամսական բաժանորդավճարը կազմում է 10000 դրամ: Սկավառակի ծավալի (HDD) հավելյալ յուրաքանչյուր 1 ԳԲ-ի համար ամսական վճարը կազմում է 500 դրամ, իսկ օպերատիվ հիշողության (RAM) լրացուցիչ յուրաքանչյուր 128 ՄԲ` 1000 դրամ: Ռեսուրսների հասանելիությունն ապահովվում է արտաքին կապուղիների համար` 20 Մբվ, իսկ ներքին կապուղիների համար` 100 Մբվ արագությամբ:

Նշենք, որ «ԱրմենՏել» ընկերության տվյալների կենտրոնը խոշորագույնն է երկրում եւ հագեցված է ամենաժամանակակից սարքավարումներով, կապի արագագործ կապուղիներով` սեփական օպտիկամանրաթելային գծերի միջոցով: Մոնիթորինգի ավտոմատացված համակարգերն ապահովում են աշխատունակության շուրջօրյա դիտարկումը, իսկ տեխնիկական ու ծրագրային ապահովումն երաշխավորում է ընկերության եւ նրա գործընկերների համակարգերի կայուն աշխատանքը:

Աղբյուրը՝ News.am

«ԱրմենՏելը» դրական է գնահատում մանր պրովայդերների միավորման գործընթացը

Administrator — Wed, 14 Sep 2011 12:26:08 +0000

«ԱրմենՏելն» արդեն բավական ժամանակ է, որ մենաշնորհ ունեցող ընկերություն չէ, եւ չի ճնշում ոլորտում գործող այլ ընկերություններին, այլ ձգտում է առողջ մրցակցության: Այս մասին այսօր, սեպտեմբերի 14-ին լրագրողների հարցերին պատասխանելիս նշեց «ԱրմենՏել» ընկերության գլխավոր տնօրեն Իգոր Կլիմկոն՝ ընգծելով, որ «ԱրմենՏելը» ողջունում է, եւ դրական է գնահատում մանր պրովայդերների միավորման գործընթացը, եւ մրցակցության ուժեղացումը:

«Ինտերնետ ծառայություն մատուցող փոքր ընկերությունների միավորումը խոսում է շուկայի կայացման, եւ զարգացման հաջորդ փուլի մասին: «ԱրմենՏելը» խոշոր պրովայդեր է, եւ փոքր ընկերությունները միայնակ չեն կարող մրցակցել, եւ շատ դրական է, որ նրանք միավորվում են»,- նշեց Կլիմկոն՝ ավելացնելով, որ միավորման գործընթացը ստիպում է պրովայդերին ակտիվ գործունեություն ծավալել:

Հիշեցնենք, որ օրերս միավորման մասին հայտատերցին ինտերնետ ծառայություն մատուցող «Ucom» եւ «Netsys» ընկերությունները:

Ընկերությունների միավորման նպատակն է համադրելով տեխնիկական հնարավորությունները՝ զարգացնել ծառայությունների որակը, հզորությունը և հնարավորությունները։ Այս մասին ասուլիսի ժամանակ նշեց Ucom ընկերության տնօրեն Հայկ Եսայանը։ Նրա խոսքով Netsys-ը հանդես կգա Ucom բրենդի ներքո։

Աղբյուրը` News.am

Արմենտելը նախազգուշացվեց

Administrator — Tue, 13 Sep 2011 10:27:27 +0000

Ինչպես հաղորդում է Մեդիամաքս-ը, Յուքոմը բողոք էր ներկայացրել հանձնաժողով Արմենտելի դեմ, համաձայն որի Արմենտելն իր բջջային ցանցից դեպի Յուքոմի ֆիքսված ցանց կատարվող զանգերի սակագինը սահմանել է 99 դրամ/րոպե (բոլոր սակագնային պլանների համար), մինչդեռ իր ֆիքսված ցանց զանգելու 1 րոպեի արժեքը, կախված սակագնային պլանից, տատանվում է 29,99-ից մինչեւ 59 դրամ:

«Սահմանված սակագնի պատճառով քաղաքացիները խուսափում են օգտվել Արմենտելի միջոցով Յուքոմի ֆիքսված ցանց զանգահարելուց, ինչն էլ արհեստականորեն խոչընդոտում է շուկայում համեմատաբար նոր մուտք գործած ընկերության հեռախոսային ծառայությունների ընդլայնմանը», – ասվում էր Յուքոմի դիմում-բողոքի մեջ:

Արմենտելի իրավաբան Դավիթ Սանդուխչյանը այսօր հանձնաժողովի նիստին տեղեկացրել է, որ ընկերությունը վարույթի ընթացքում ընդունել է իրավախախտման փաստը եւ արդեն հավասարեցրել է դեպի Յուքոմ զանգերի գրեթե բոլոր սակագները դեպի իր ֆիքսված ցանց զանգերի սակագների հետ: Ըստ նրա, սակագներն իջեցվել են փաթեթների շուրջ 80%-ում, իսկ մնացած փաթեթներում սակագների իջեցումը պայմանավորված է տեխնիկական խնդիրների լուծմամբ եւ տեղի կունենա մինչեւ սեպտեմբերի վերջ:

Հաշվի առնելով իրավախախտման վերացման փաստը, հանձնաժողովը որոշեց Արմենտելին հայտարարել խիստ նախազգուշացում:

Ամփոփելով հարցի քննարկումը, ՏՄՊՊՀ նախագահ Արտակ Շաբոյանն հիշեցրել է, որ հանձնաժողովը մեղադրում է Արմենտելին նաեւ 2 այլ որոշումներով՝ գերիշխող դիրքի չարաշահման եւ անբարեխիղճ մրցակցության համար, որոնք Արմենտելը բողոքարկում է դատարանում:

«Այսօր Արմենտելը միջնորդություն է ներկայացրել, որում պատրաստակամություն է հայտնել վճարել հանձնաժողովի կողմից [վերոհիշյալ որոշումներով] սահմանված տուգանքները (համապատասխանաբար 100 մլն դրամ եւ 500 հազ. դրամ) եւ հրաժարվում է հանձնաժողովի նկատմամբ ունեցած իր բոլոր դատական հայցերից», – ասել է Արտակ Շաբոյանը, հավելելով, որ հանձնաժողովը հաշվի է առել այս փաստը՝ Արմենտելի վերաբերյալ վերջին որոշումն ընդունելու ժամանակ:

Աղբյուրը` iTel.am

Հայաստանի բջջային օպերատորները ավելի քան 20%-ով նվազեցրել են վճարված հարկերը

Administrator — Wed, 10 Aug 2011 21:00:06 +0000

Հայաստանի 3 բջջային օպերատորները 2011 թվականի առաջին կիսամյակում 13,6 մլրդ. դրամի հարկ են վճարել, ինչը 3,7 մլրդ-ով կամ 21,4%-ով զիջում է 2010 թվականի նույն ժամանակահատվածի ցուցանիշին:

Հայաստանի բջջային օպերատորները ավելի քան 20%-ով նվազեցրել են վճարված հարկերը

Առաջին կիսամյակի արդյունքներով 100 խոշորագույն հարկատուների ցանկում են 4 հեռահաղորդակցության ընկերություններ:

Ինչպես հաղորդում է Մեդիամաքսը, «ԱրմենՏել» ընկերությունը (Beeline ապրանքանիշ) 4-րդ տեղն է զբաղեցրել վճարված հարկերի ծավալով: Ընկերության կողմից առաջին կիսամյակում վճարված ընդհանուր գումարը 6 մլրդ 854 մլն 706,6 հազ. դրամ է կազմել` 2010 թվականի I-ին կիսամյակի համեմատ նվազելով 6%-ով (424 մլն):

7-րդ տեղում «Ղ-Տելեկոմ» ընկերությունն է (VivaCell-MTS ապրանքանիշ), որը վճարել է 4 մլրդ 754 մլն 075,2 հազ. դրամի հարկ (2,5 մլրդ-ի կամ 34,6%-ի նվազում):

Առաջին կիսամյակի արդյունքներով 11-րդ տեղը զբաղեցրել է «Օրանժ Արմենիա» ընկերությունը, որը 2 մլրդ 52 մլն 827,5 հազ. դրամ է վճարել (27,4% կամ 776,2 մլն դրամի նվազում):

Ցանկի 88-րդ տեղում է ինտերնետ-օպերատոր Ջի-Էն-Սի Ալֆա ընկերությունը (449 մլն 917,5 հազ. դրամ):

ԱրմենՏելի Hi-Line ինտերնետի 100 000-րդ բաժանորդը պարգեւատրվել է

Administrator — Mon, 04 Jul 2011 17:33:01 +0000

ԱրմենՏել-ի գլխավոր տնօրեն Իգոր Կլիմկոն եւ HP ընկերության ԱՊՀ երկրներում առեւտրային ներկայացուցիչ Ալեքսանդր Ժելեզկովը այսօր պարգեւատրել են ԱրմենՏել-ի Hi-Line ինտերնետ-ծառայության 100 000-րդ բաժանորդին:

ԱրմենՏելի Hi-Line ինտերնետի 100 000-րդ բաժանորդը պարգեւատրվել է

Hi-Line-ի 100 000-րդ բաժանորդ է դարձել Հայաստանի պետական ագրարային համալսարանի ուսանողուհի Անի Ավետիսյանը, որն որպես նվեր ստացել է HP Mini նեթբուք եւ Hi-Line ծառայությունից 1 տարի անվճար օգտվելու բաժանորդագրություն:

ADSL տեխնոլոգիայի վրա հիմնված Hi-Line ինտերնետ-ծառայությունը ԱրմենՏելը մատուցում է 2007թ-ից: ADSL տեխնոլոգիան թույլ է տալիս արագագործ ինտերնետ ունենալ թվային հեռախոսագծի միջոցով: Ներկայումս ծառայությունը հասանելի է Հայաստանի շուրջ 50 բնակավայրերում:

Աղբյուրը` iTel.am

Beeline-ի մարզային սակագնային փաթեթների բաժանորդները կարող են ընտրել այլ ցանցի “սիրելի համար”

dav — Wed, 22 Jun 2011 14:05:07 +0000

ԱրմենՏել-ը (ապրանքանիշը` Beeline) հայտարարել է “Այլ ցանցի սիրելի համար” ծառայության մեկնարկի մասին “Արագածոտն”, “Արարատ”, “Արմավիր”, “Վայոց Ձոր”, “Գեղարքունիք”, “Կոտայք”, “Լոռի”, “Սյունիք”, “Տավուշ” եւ “Շիրակ” մարզային սակագնային փաթեթների բաժանորդների համար:

Beeline-ի մարզային սակագնային փաթեթների բաժանորդները կարող են ընտրել այլ ցանցի “սիրելի համար”

Ծառայությունը հնարավորություն է տալիս ընտրել ՀՀ այլ բջջային օպերատորի մեկ “Սիրելի համար” ու զանգել 19 դրամ/րոպե սակագնով:

“Մարզային սակագնային փաթեթները մեծ ճանաչում են վայելում մեր բաժանորդների մոտ: “Այլ ցանցի սիրելի համար” ծառայության շնորհիվ այս սակագնային փաթեթները կդառանա էլ ավելի հարմարավետ եւ գրավիչ”, – ասել է “ԱրմենՏել” ՓԲԸ գլխավոր տնօրեն Իգոր Կլիմկոն:

“Այլ ցանցի սիրելի համար” ծառայությանը կարելի է միանալ երեք հարմար եղանակներից մեկով.

- զանգահարելով 067409081;
- ուղարկելով SMS հաղորդագրություն անվճար 0674 համարին` հետեւյալ տեքստով 09081;
- հավաքելով *110*081# հրահանգը:

“Այլ ցանցի սիրելի համար” ծառայությունը գրանցելու համար անհրաժեշտ է ուղարկել SMS հաղորդագրություն 0674 համարին` FN տեքստով եւ ընտրված հեռախոսահամարը 9 նիշով:

“Այլ ցանցի սիրելի համար” ծառայության միացումը/փոփոխումը կազմում է 150 դրամ, իսկ ծառայությունից օգտվելու օրեկան վարձը 10 դրամ:

“Արագածոտն”, “Արարատ”, “Արմավիր”, “Վայոց Ձոր”, “Գեղարքունիք”, “Կոտայք”, “Լոռի”, “Սյունիք”, “Տավուշ” եւ “Շիրակ” մարզային սակագնային փաթեթները հնարավորություն են տալիս համանուն մարզից կատարել զանգեր Beeline բջջային ցանցում ընդամենը 9 դրամով` անկախ խոսակցության տեւողությունից: Վճարը գանձվում է միայն հաջողված զանգի դիմաց: Եթե բաժանորդը գտնվում է իր տարածաշրջանից դուրս, ապա Beeline ցանցում ելքային զանգի մեկ րոպեի արժեքը կկազմի 19 դրամ: Մարզային սակագնային փաթեթի բաժանորդների համար դեպի Հայաստանի եւ ԼՂՀ-ի ֆիքսված եւ այլ բջջային ցանցեր զանգի մեկ րոպեի արժեքը 39 դրամ է:

Աղբյուր՝ http://www.itel.am

Մայիսի 31-ին կկայանա «Հոմո ինտերնետիկուս» մրցույթի մրցանակաբաշխությունը

dav — Mon, 30 May 2011 10:29:58 +0000

Մայիսի 31-ին «ԱրմենՏել» ընկերության Հյուսիսային պողոտայում գտնվող «Բիլայն» գրասենյակում տեղի կունենա «Հոմո ինտերնետիկուս» մրցույթի մրցանակաբաշխությունը։ Այս մասին տեղեկացրեց «ԱրմենՏել» ընկերության հասարակայնության հետ կապերի բաժնի ղեկավար Անուշ Բեղլոյանը։

3-րդ տեղ զբաղեցնող նկարը

Մրցանակաբաշխության ընթացքում մրցույթի արդեն իսկ հայտնի հաղթողներին՝ Հայկ Գևորգյանին (2025 like), Հովհաննես Աղաջանյանին (1672 like) և Թերեզա Թոքմաջյանին (703 like) կհանձնվեն ընկերության մրցանակները։
Ավելի վաղ Անուշ Բեղլոյանը տեղեկացրել էր, որ բացի հիմնական մրցանակներից կլինեն մի քանի խրախուսական մրցանակներ։
Նշենք, որ առաջին տեղը զբաղեցնողին կշնորհվի նեթբուք և մեկ տարի Hi-Line ինտերնետ ծառայությունից անվճար օգտվելու հնարավորություն, իսկ 2-րդ և 3-րդ տեղերը զբաղեցնողներին՝ մեկ և կես տարի օգտվելու հնարավորություն։
«Հոմո ինտերնետիկուս» մրցույթն ընթանում էր ընկերության Facebook-ի խմբում։ Մրցույթին մասնակցելու համար անհրաժեշտ էր ներկայացնել ԱրմենՏել-ի Facebook-ի «Beeline Armenia» խմբում որևէ լուսանկար, գրաֆիկա կամ հեղինակային հոլովակ «ինտերնետը մարդու կյանքում» կամ «մարդիկ ինտերնետում» թեմաներով։ Հաղթողը որոշվելու էր ըստ like-երի (հավանումների) քանակների։

Աղբյուր՝ www.panarmenian.net

«ԱրմենՏել»-ը առաջարկում է ֆիքսված հեռախոսակապի միանալու վարձը մաս-մաս վճարել

Administrator — Thu, 19 May 2011 12:14:11 +0000

«ԱրմենՏել» ՓԲԸ (ապրանքանիշը Beeline) հայտարարում է ֆիքսված հեռախոսակապին միանալու նոր հնարավորության մասին: Մինչև 2011 թ. դեկտեմբերի 31-ը Beeline ֆիքսված հեռախոսագիծ տեղադրել ցանկացող ֆիզիկական կամ իրավաբանական անձիք կարող են միացման վարձը վճարել 12 ամսվա ընթացքում` հավասար մասերով:

«ԱրմենՏել»-ը առաջարկում է ֆիքսված հեռախոսակապի միանալու վարձը մաս-մաս վճարել

«Լարային ենթակառուցվածքում իրականացրած զգալի ներդրումների շնորհիվ «ԱրմենՏել» ընկերությունն ավարտում է Երևան քաղաքի թվայնացումը, ավելացնում շրջաններում թվային ԱՀԿ-ների քանակը: Մեր նոր առաջարկն ավելի մատչելի կդարձնի քաղաքային հեռախոսակապի և լայնաշերտ ինտերնետ-հասանելիության ծառայությունները` Հայաստանի ինտերնետ-կապի առաջատար օպերատորից», – ասաց «ԱրմենՏել» ՓԲԸ Գլխավոր տնօրեն Իգոր Կլիմկոն:

Beeline ֆիքսված հեռախոսային ցանցին միացման վճարը կազմում է 12000 դրամ ֆիզիկական անձանց համար և 14400 դրամ` իրավաբանական անձանց համար: Փուլային վճարման տարբերակից կարող են օգտվել Երևանի և բոլոր մարզերի բնակիչները:

Աղբյուրը` PanArmenian.net

«ԱրմենՏելը» Երեւանի ֆիքսված հեռախոսացանցի թվայնացման մակարդակը կհասցնի 100 տոկոսի

Administrator — Mon, 16 May 2011 11:52:55 +0000

«ԱրմենՏել» ընկերությունը (ապրանքանիշը Beeline) հայտարարում է Երեւանի Նուբարաշեն համայնքի 47Ա ԱՀԿ-ի թվայնացման աշխատանքների մեկնարկի մասին:

«ԱրմենՏելը» Երեւանի ֆիքսված հեռախոսացանցի թվայնացման մակարդակը կհասցնի 100 տոկոսի

«ԱրմենՏելի» մամուլի ծառայությունից News.am-ին հայտնել են, որ Նուբարաշենի հանգույցի 47Ա ԱՀԿ-ի ավելի քան 2000 բաժանորդային գծերի վերամիացումը թվային կայանին նախատեսվում է ավարտել մինչեւ 2011 թ. հուլիսի 31-ը` ապահովելով թվային կապով մայրաքաղաքում «ԱրմենՏելի» ֆիքսված ցանցի բաժանորդների 100 տոկոսին:

Նշենք, որ Նուբարաշեն համայնքի 47Ա ԱՀԿ-ի թվայնացման աշխատանքների ավարտից հետո ամբողջ երկրում թվային հեռախոսակայաններին միացված կլինի «ԱրմենՏել» ընկերության ֆիքսված ցանցի բաժանորդների 81 տոկոսը:

Աղբյուրը` News.am