ArmeniaMobile.net - Armenian mobile news & reviews » բջջային ինտերնետ

. am տիրույթում 15 հազար գրանցված դոմենային անուն կա

dav — Tue, 07 Jun 2011 07:25:53 +0000

.am տիրույթում 15 հազ. գրանցված դոմենային անուն կա։ Այս ասաց «Ինտերնետ հանրություն» հ/կ փոխնախագահ Գրիգոր Սաղյանը։ Նրա խոսքով՝ Հայաստանում կայքերի ստեղծման աճի տեմպը մոտ 25 տոկոս է, սակայն վերջին շրջանում մասսայական արագագործ ինտերնետ ապահովող ընկերությունների շատացմանը զուգահեռ, ավելացել է նաեւ ինտերնետից օգտվողների թիվը։ Արդյունքում՝ ավելացել է նաեւ այն մարդկանց թիվը, ովքեր ցանկանում են սեփական կայքն ունենալ։

. am տիրույթում 15 հազար գրանցված դոմենային անուն կա

«Կայքերի ստեղծման աճի տեմպը նախորդ տարիների համեմատ մի փոքր արագացել է, ինչը կապված է ինտերնետի տարածման հետ»,-ասաց Գ. Սաղյանը։

աղբյուր՝ www.news.am

Հայ ինտերնետ-օգտագործողները Opera Mini-ի միջոցով դիտված էջերի քանակությամբ առաջատարն են

dav — Tue, 24 May 2011 20:07:09 +0000

Հայաստանի ինտերնետ-օգտագործողները Opera Mini բրաուզերի միջոցով ամսեկան միջինում ավելի շատ վեբ-էջեր են դիտում են, քան ԱՊՀ մյուս երկրներինը:

Հայ ինտերնետ-օգտագործողները Opera Mini-ի միջոցով դիտված էջերի քանակությամբ առաջատարն են

Ինչպես հաղորդում է Մեդիամաքսը` վկայակոչելով Opera Software-ի մամուլի հաղորդագրությունը, Հայաստանի միջին վիճակագրական ինտերնետ-օգտագործողը Opera Mini-ի միջոցով ամսեկան 1347 վեբ-էջ է դիտում:

Ընդ որում, Opera Mini օգտագործողների քանակով ԱՊՀ երկրների թոփ-10 երկրների շարքում Հայաստանը զիջում է միայն Մոլդովային, Ադրբեջանին եւ Տաջիկստանին (ԱՊՀ երկրներից ամենաքիչ քանակությամբ Opera Mini օգտագործողները Թուրքմենստանում են):

ԱՊՀ երկրներում առավել օգտագործվող կայքերը, որոնք այցելում են Opera Mini-ի միջոցով, հանդիսանում են vkontakte.ru, yandex.ru, odnoklassniki.ru, google.com եւ mail.ru կայքերը: Հայաստանում Opera Mini-ից օգտվողների մեծ մասն օգտագործում է Nokia բջջային հեռախոսներ, որոնք վաճառվում են նախապես տեղադրված բրաուզերով:

աղբյուր՝ www.itel.am

Դեկտեմբերի 20-ին Հայաստանում պաշտոնապես կգործարկվի 4G ցանցը

Administrator — Sat, 18 Dec 2010 20:24:56 +0000

Դեկտեմբերի 20-ին Հայաստանում ՎիվաՍել-ՄՏՍ-ը պաշտոնապես կգործարկի 4G ցանցը LTE տեխնոլոգիայով: Այդ մասին PanArmenian.Net ին են հայտնել ընկերության մամլո ծառայությունում: Առաջին փուլում չորրորդ սերնդի ցանցը կգործարկվի թեստային-կոմերցիոն ռեժիմով, իսկ 2011թ. փետրվարին ընկերությունը մտադիր է ամբողջությամբ անցնել ցանցի կոմերցիոն

Դեկտեմբերի 20-ին Հայաստանում պաշտոնապես կգործարկվի 4G ցանցը

շահագործմանը Երևանում, իսկ հետո նաև մարզերում:

LTE-ցանցի կառուցման և զարգացման ծախսերը շուրջ 17 մլն դոլար կարժենան ընկերությանը: Լիցենզիայի արժեքը, որն ուժի մեջ է մինչև 2019թ. նոյեմբերի 4-ը, կազմել է 990 մլն դրամ:

LTE-ցանց մտադիր է կառուցել նաև «ԱրմենՏել» ընկերությունը, հենց որ անհրաժեշտ հաճախականություն տրամադրվի:

Աղբյուրը` PanArmenian.Net

«Ինտերնետ-փաթեթ» ծառայություն. VivaCell-MTS

Administrator — Mon, 17 May 2010 19:32:20 +0000

ՎիվաՍել-ՄՏՍ-ն տեղեկացնում է, որ այսուհետ կանխավճարային բաժանորդները ևս հնարավորություն կունենան օգտվելու «Ինտերնետ-փաթեթ» ծառայությունից, որն առաջարկում է տվյալների փոխանակման անհամեմատ մատչելի սակագներ:

Ինտերնետ-փաթեթներ

Փաթեթ	Փաթեթի չափ (ՄԲ)	Փաթեթի արժեք (դրամ)
«inet 10»	10	400
«inet 50»	50	1500
«inet 100»	100	2500
«inet 500»	500	6000

Բոլոր գները ներառում են ԱԱՀ:

Ինտերնետ-փաթեթ

Փաթեթ կարելի է ակտիվացնել` հավաքելով *477*փաթեթի չափը# և սեղմելով զանգահարելու կոճակը: Իսկ ընթացիկ ինտերնետ-փաթեթի չօգտագործված ՄԲ-երի թիվը կարելի է ստուգել` հավաքելով *477# և սեղմելով զանգահարելու կոճակը:

Յուրաքանչյուր փաթեթի վավերականության ժամկետը 30 օր է: Այս ընթացքում չօգտագործած ՄԲ-երը զրոյանում են:

Ծանոթություն

Ծառայությունը չի տրամադրվում «18+», և «Բիզնես վերահսկում» սակագնային պլանների բաժանորդներին:

Armentel-ը հանել է GPRS ծառայության փաթեթի վարձը

Administrator — Mon, 19 Apr 2010 20:31:14 +0000

«ԱրմենՏել» ՓԲԸ-ն (ապրանքանիշը՝ Beeline) հայտարարում է «Երեք ծառայությունների փաթեթի» բաժանորդային վարձը հանելու մասին:

Ինչպես երկուշաբթի «ԱՌԿԱ» գործակալությանը տեղեկացրեցին ընկերության մամուլի ծառայությունից, հետվճարային համակարգի բաժանորդները կազատվեն օրավարձից, իսկ կանխավճարային համակարգի բաժանորդներն` ամսավճարից` MMS, GPRS-ինտերնետ և GPRS-WAP ծառայություններից օգտվելու համար:

«Օրեցօր ավելանում է Beeline բաժանորդների քանակը Հայաստանում, և որպես արդյունք՝ աճում է նաև բջջային ինտերնետ ծառայության պահանջարկը: Ղեկավարվելով այդ սկզբունքով և հաշվի առնելով բաժանորդների ցանկությունները՝ մենք առաջարկում ենք նրանց այցելել WEB-կայքեր, բեռնել նկարներ և երաժշտություն, ուղարկել գրաֆիկական հաղորդագրություններ` չմտածելով լրացուցիչ վճարի մասին», – նշել է «ԱրմենՏել» ՓԲԸ-ի գլխավոր տնօրեն Իգոր Կլիմկոն:

MMS, GPRS-ինտերնետ և GPRS-WAP ծառայությունները թույլ են տալիս բաժանորդին բջջային հեռախոսի միջոցով օգտվել գլոբալ ցանցից, ընդունել և ուղարկել էլեկտրոնային փոստ, ինչպես նաև իրականացնել զանգեր` առանց աշխատանքն ինտերնետում ընդհատելու: MMS հաղորդագրության օգնությամբ կարելի է ընդունել և ուղարկել մեծ ծավալով տեքստեր, անիմացիաներ, պատկերներ, աուդիո-ֆայլեր, ինչպես հեռախոսներին, այնպես էլ էլեկտրոնային հասցեներին:

«Երեք ծառայությունների փաթեթից» օգտագործման բաժանորդավճարը կանխավճարային համակարգի բաժանորդների համար ավելի վաղ կազմում էր օրը 12 դրամ, իսկ հետվճարային համակարգի բաժանորդների համար` ամիսը 360 դրամ:

MMS հաղորդագրության ուղարկման և ինտերնետ-ծառայության տրաֆիկի օգտագործման գումարը գանձվում է համաձայն բաժանորդի սակագնային պլանի:

Աղբյուրը` Telecom.Arka.am