«Ինտերնետ ծառայություն մատուցող փոքր ընկերությունների միավորումը խոսում է շուկայի կայացման, եւ զարգացման հաջորդ փուլի մասին: «ԱրմենՏելը» խոշոր պրովայդեր է, եւ փոքր ընկերությունները միայնակ չեն կարող մրցակցել, եւ շատ դրական է, որ նրանք միավորվում են»,- նշեց Կլիմկոն՝ ավելացնելով, որ միավորման գործընթացը ստիպում է պրովայդերին ակտիվ գործունեություն ծավալել:

Հիշեցնենք, որ օրերս միավորման մասին հայտատերցին ինտերնետ ծառայություն մատուցող «Ucom» եւ «Netsys» ընկերությունները:

Ընկերությունների միավորման նպատակն է համադրելով տեխնիկական հնարավորությունները՝ զարգացնել ծառայությունների որակը, հզորությունը և հնարավորությունները։ Այս մասին ասուլիսի ժամանակ նշեց Ucom ընկերության տնօրեն Հայկ Եսայանը։ Նրա խոսքով Netsys-ը հանդես կգա Ucom բրենդի ներքո։

Աղբյուրը` News.am

Hi-Line ծառայությունն արդեն ունի 100 հազար բաժանորդ

«Սա շատ արժեքավոր իրադարձություն է Հայաստանում ինտերնետ կապի զարգացման տեսանկյունից»,- ասաց «ԱրմենՏել» ընկերության գլխավոր տնօրեն Իգոր Կլիմկոն՝ շնորհավորելով «հոբելյանական» բաժանորդին:

Անի Ավետիսյանը «ԱրմենՏել» և Hewlett Packard ընկերություններից նվեր ստացավ Hi-Line ծառայությունից 1 տարի անվճար օգտվելու բաժանորդագրություն և HP Mini նեթբուք:

Ա.Ավետիսյանը լրագրողներին ասաց, թե սկզբում չի հավատացել, ապա «շատ-շատ» ուրախացել է:

Նշենք, որ ADSL տեխնոլոգիայի վրա հիմնված Hi-Line ծառայությունը հասանելի է Հայաստանի շուրջ 50 բնակավայրում:

U!com-ը բարձրացնում է ինտերնետային փաթեթների արագությունը

Արդեն այսօր U!Net Starter, U!Net Basic, U!Net Ultra, U!Net Highway սակագնային փաթեթների և «Երեքը մեկում» փաթեթի ինչպես նոր, այնպես էլ գործող բաժանորդների ինտերնետի հիմնական արագությանը ավտոմատ կերպով կավելանա 2 Մբ/վ արագությամբ` առանց որևէ փոփոխման հայտի լրացման և առանց հավելավճարի:

• U!Net Starter  – 1 Մբ/վ + 2 Մբ/վ 8000 դրամ
• U!Net Basic 2  – 2 Մբ/վ + 2 Մբ/վ 12000 դրամ
• U!Net Ultra 3 – 3 Մբ/վ + 2 Մբ/վ 15000 դրամ
• U!Net Highway -  4 Մբ/վ + 2 Մբ/վ 37000 դրամ

«Երեքը մեկում» փաթեթում ներառված U!Net Basic 2 Մբ/վ ինտերնետը ևս կարագանա և կկազմի 4 Մբ/վ մինչև ամռան վերջ:

Ucom ընկերությունը այս ուրախ առաջարկով հնարավորություն է ընձեռում իր բաժանորդներին` օգտվելու արագագործ ինտերնետից և առավել հետաքրքիր դարձնելու իրենց ժամանցը ամռան ամիսներին:

Աղբյուրը` PCNews.am

«Ֆայբերնետ» ընկերության մալուխը կտրվել էր

Պարզվել է, որ վնասված հատվածում կտրված է ինչպես առաջին արտաքին պաշտպանիչ խողովակը, այնպես էլ երկրորդ պաշտպանիչ խողովակը և ինքը՝ մալուխը: Պատկերն առավել հստակ է դառնում տեղում կատարված լուսանկարները զննելիս:

«Հիմք ընդունելով կատարված լուսանկարները` մենք հակված ենք ենթադրել, որ խողովակները և մալուխը կտրվել են սղոցող գործիքի օգնությամբ»,- հաղորդում են «Ֆայբերնետ»-ից:

«Ֆայբերնետ» և «Հարավկովկասյան Երկաթուղի» ընկերությունների աշխատակիցների օպերատիվ և համաձայնեցված գործողությունների շնորհիվ մալուխի վնասված հատվածը վերականգնվել է հնարավորինս սեղմ ժամկետներում: Իրավիճակին համապատասխան «ՀԿԵ» ՓԲԸ աշխատակիցների կողմից կազմվել է տեղի ունեցածի վերաբերյալ ակտ, և տարվում է հետաքննություն:

«Հակառակ տարածված կարծիքի այն մասին, որ սա մրցակիցների կողմից կատարված գործողություն է, մենք հակված չենք այդպես մտածել: Չնայած շուկայում տեղ գտած բավական լուրջ մրցակցության՝ մենք կարողանում ենք պահմանել մեր մրցակիցների հետ առողջ հարաբերությունների մթնոլորտը»,- հայտարարում են «Ֆայբերնետ»-ի ներկայացուցիչները:

Մասնավորապես նմանատիպ պատահարների հետևանքներից խուսափելու նպատակով «Ֆայբերնետ» ընկերությունը բանակցություններ է վարել իր մրցակից ընկերությունների հետ,  նրանցից ստացել հստակ կոմերցիոն առաջարկներ, որոնք թույլ կտան ձեռք բերել պահուստային թողունակություններ:

Նաև վերջերս ընկերությունը մի շարք լուրջ քայլեր է ձեռնարկել ՀՀ տարածքից դուրս գտնվող կապուղիների պահուստայնությունն ապահովելու և որակական չափանիշները լավացնելու ուղղությամբ:

«Ֆայբրնետ» ընկերությունը Հայաստանում գործող հեռահաղորդակցային խոշորագույն ընկերություններից մեկն է, ստեղծվել է 2006 թվականին: Ընկերությունն ունի  հեռահաղորդակցման սեփական արդիական ցանց և առաջարկում է ծառայությունների լայն ցանկ` տվյալների տարանցիկ փոխանցում, միջազգային կապուղիների վարձակալություն, ինտերնետի հասանելիություն և այլն: Արտասահմանյան երկրների հետ համագործակցելու հիմնական ուղղություններն են արդեն գործող ուղիների օպտիմալացումը, մալուխային նոր ցանցերի ստեղծումը, ինչպես նաև գոյություն ունեցող կապուղիների թողունակության մեծացումը: Այսօր «Ֆայբրնետ Քոմյունիքեյշն» ընկերությունն ելք ունի դեպի Ռուսաստանի և Եվրոպայի հիմնական օպերատորների ցանցեր:

Աղբյուրը` PCNews.am

Նոր Նորք համայնքի բոլոր բնակիչները արդեն կարող են այցելել Ucom ընկերության սպասարկման կենտրոններ և բաժանորդագրվել ընկերության ծառայություններին:

Ucom-ն արդեն հասանելի է արդեն Նոր Նորքում

Նշենք, որ Ucom ընկերության ծառայությունները արդեն հասանելի են Երևանի 5 համայնքերում` Կենտրոն, Դավթաշեն, Արաբկիր, Քանաքեռ-Զեյթուն, և արդեն նաև Նոր Նորք:

Մայիսի սկզբից ընկերության ծառայությունները հասանելի կլինեն նաև Ավան համայնքի բնակիչների համար:

Աղբյուրը` PCNews.am

100 Մբիթ/վրկ թողունակությամբ լայնաշերտ Ինտերնետ-ցանցի շինարարության մրցույթ Հայաստանում

Ինչպես ավելի վաղ PanArnmenian.net ի թղթակցին էր հաղորդել ՀՀ Տեղեկատվական տեխնոլոգիաների զարգացման աջակցության խորհրդի քարտուղար Արմեն Գրիգորյանը, ներդրումներն այդ նախագծում կկազմեն 60-100 մլն դոլար: Մրցույթը շահող օպերատորը պետք է պարտավորվի ցանցը վարձակալության հանձնել այլ շահագրգիռ ընկերություններին, իսկ միայն մեկ ընկերության կողմից ցանցն օգտագործելու փորձերը կկասեցվեն: Ըստ Արմեն Գրիգորյանի, նախատեսվում է, որ ցանցի շինարարության աշխատանքները կմեկնարկեն արդեն 3 ամիս անց: Հայաստանում գերարագ լայնաշերտ ինտերնետի ցանցի կառուցումը ՀԲ հետ համատեղ իրականացվող տեխնոլոգիաների մրցունակության բարձրացման ծրագրի մաս է կազմում:

Այդ համատեքստում նախարարն ընդգծել է, որ Հայաստանում կապի ոլորտում մատուցվող ծառայությունների որակը տարեցտարի աճում է, և «դա անհնար է չնկատել»:

Մանուկ Վարդանյանը հաղորդել է նաև, որ 2011 թվականին փոփոխություններ և լրացումներ կկատարվեն «Էլեկտրոնային հաղորդակցության մասին» ՀՀ օրենքում և կմշակվի «Էլեկտրոնային հաղորդակցության ոլորտում տեխնիկական հսկողության մասին» ՀՀ օրենքը, ինչը թույլ կտա համակարգել ՀՀ տարածքում կապի ոլորտում գործող քաղաքականությունը:

Բացի դրանից, կմշակվեն և ՀՀ կառավարությանը կներկայացվեն ռադիոհաղորդակցության ոլորտում հարաբերությունների կարգավորման 6 լուծումների նախագծեր:

Աղբյուրը` PanArnmenian.net

ՀԾԿՀ-ի որոշման համաձայն՝ ADC Holding AS-ի օգտին օտարվել են «FiberNet Communication» ՍՊԸ-ի մասնակիցներ Հռիփսիմե Միքայելյանի, Սերգեյ Դարբինյանի և Աննա Առաքելյանի, համապատասխանաբար, 50, 25 և 25 տոկոսանոց մասնաբաժինները: Գործարքի գումարը չի հրապարակվում:

ADC Holding

Ինչպես «ԱՌԿԱ» գործակալությանը տեղեկացրեց ՀԾԿՀ անդամ Սամվել Արաբաջյանը, այս գործարքի արդյունքում ինտերնետ-փրովայդերների շուկայում որևէ գլոբալ փոփոխություն տեղի չի ունենա:

«Ընկերությունը որպես այդպիսին մնում է, այն շարունակելու է կատարել իր նախկին գործառույթները, ընկերության տեխնիկական համակարգը կմնա անփոփոխ, փոխվել է միայն բաժնետերը», – ասաց նա:

Միաժամանակ ՀԾԿՀ-ի նիստին ներկա գտնվող ընկերության ներկայացուցիչները, որը ձեռք է բերել փրովայդերի բաժնետոմսերը, ձեռնպահ մնացին մամուլին գործարքի մասին որևէ մեկնաբանություններ տալուց:

Հայաստանում խոշորագույն հեռահաղորդակցական ընկերություններից մեկը՝ FiberNet Communication-ը, ստեղծվել է 2006 թ.-ին: Ընկերությունն առաջարկում է ծառայությունների լայն շրջանակ, օրինակ՝ տվյալների տարանցիկ փոխանցում, միջազգային կապուղիների վարձակալում, ներկայության վիրտուալ կետեր, ինտերնետ հասանելիություն, ինչպես նաև Collocation ծառայություն:

ADC Holding AS-ը «Արմենիան Դեյթաքոմ Քոմփնի» հայ-նորվեգական ՓԲԸ-ի համասեփականատերն է, որը հիմնադրվել է 2006 թ.-ին: Ընկերությունը Երևանում և մերձակա շրջաններում տրամադրվող հեռահաղորդակցական ծառայությունների շուկայի առաջատարներից մեկն է: ADC-ին տրամադրում է լայնաշերտ գերարագ օպտիկամանրաթելային ինտերնետ-կապի, տվյալների փոխանցման ծառայություններ: 2009 թ.-ի փետրվարի սկզբին Դուբայի «Դելթա Փարթներս» ներդրումային և կոնսլատինգային ընկերությունը ADC-ի կապիտալում լրացուցիչ տեղաբաշխման միջոցով ներդրել է 6 միլիոն դոլար՝  ծառայությունների շրջանակը ընդլայնելու նպատակով:

Աղբյուրը` Telecom.Arka.am

«Ենթակառուցվածքների էական զարգացման շնորհիվ, «ԱրմենՏել» ընկերությունը կարող է բաժանորդներին առաջարկել միացման էլ ավելի գրավիչ պայմաններ: Նոր առաջարկը թույլ կտա մեր հաճախորդներին փորձարկել ունիվերսալ օպերատորի ծառայությունների որակը և կայունությունը մինչ դրանց միանալը», – ասել է «ԱրմենՏել» ՓԲԸ Գլխավոր տնօրեն Իգոր Կլիմկոն:

“Try&Buy” ակցիայի շրջանակում բաժանորդը կարող է օգտվել մեկ ամիս անվճար ինտերնետ ծառայության առաջարկից միայն մեկ անգամ: Առաջին ամսվա ընթացքում ծառայությունից հրաժարվելու դեպքում` հետագայում չի տրամադրվում անվճար ամսական միացում: Մնացած պայմաններն, այդ թվում` ծառայության անվճար  ակտիվացումն ու անվճար մոդեմը մնում են ուժի մեջ:

Hi Line ծառայությունը հիմնված է ADSL տեխնոլոգիայի վրա, որն ապահովում է արագ ինտերնետ-հասանելիություն ամրակցված հեռախոսալարի միջոցով` թողնելով այն ազատ հեռախոսազանգերի համար:  «ԱրմենՏել» ՓԲԸ-ն Hi Line ծառայությունը տրամադրում է 2007 թվականից: Ներկայում ծառայությունը հասանելի է  Հայաստանի 38 քաղաքում: Hi Line ծառայության միացման և սպասարկման հետ կապված հարցերով կարելի է զանգահարել 100 անվճար հեռախոսահամարով:

Աղբյուրը` PCNews.am

Circle.am-ի տվյալներով Beeline-ը գլխավորում է Հայաստանի առաջատար պրովայդերների տասնյակը

Կարծում ենք, որ Beeline-ի կողմից օգոստոսի սկզբին ինտերնետի Hi-Line ծառայության արագության կրկնապատկման արդյունքները կերևան միայն աշնանը: Ամեն դեպքում, Beeline-ից աշնան ընթացքում պետք է սպասել նաև նոր քայլեր, որոնք մասնավորապես նպատակաուղղված կլինեն անցյալ տարվա վերջին մեկ տարով պայմանագրեր կնքած հաճախորդներին պահելուն և, իհարկե, նոր հաճախորդներ ձեռք բերելուն: Այստեղ շատ բան նաև կախված կլինի մրցակիցներից:

Ցուցակի երկրորդ հորիզոնականը զբաղեցնող Orange-ը ամռան ընթացքում արձանագրեց փայլուն արդյունքներ: Բջջային ինտերնետի մատչելի առաջարկների ներմուծումը և ինտերնետային փաթեթների համար նախատեսված ծավալների և արագության ավելացումը անմիջապես արդյունք տվեցին: Այս ամենին կարող ենք ավելացնել նաև ամռան ընթացքում շարժական ինտերնետի տրաֆիկի բնական աճը: Օգոստոս ամսին Orange-ի մասնաբաժինը կազմել է 15.78 տոկոս, մայիս ամսի համեմատ արձանագրվել է աճ` 3.78 տոկոսային կետով, կամ մոտ 31 տոկոս-ով:

Երրորդ հորիզոնականում է առաջատար բջջային օպերատոր ՎիվաՍել-ՄՏՍ-ը: Օգոստոս ամսին արձանագրվել է 10.98 տոկոս ցուցանիշ, որը մայիս ամսի ցուցանիշից ավել է 0.25 տոկոսային կետով:Ամռան ընթացքում միանգամից երկու հորիզոնականով վեր է բարձրացել և ցուցակի 6-րդ հորիզոնականում է հայտնվել Ucom-ը: Օգոստոս ամսին արձանագրվել է 4.22 տոկոս ցուցանիշը, որը մայիս ամսի ցուցանիշը գերազանցում է 1.25 տոկոսային կետով կամ 40 տոկոսով:

Ցուցակի չորրորդ հորիզոնականում է ADC ընկերությունը, օգոստոս ամսին գրանցվել է 6.61 տոկոս ցուցանիշ. մայիսի համեմատ արձանագրվել է անկում` 1.13 տոկոսային կետով: 5-րդ տեղում է Arminco-ն` 5.02 տոկոս, մայիսի նկատմամբ ցուցանիշը նվազել է 1.46 տոկոսային կետով: 6-ից 7-րդ տեղում է հայտնվել Cornet-AM-ը, որի մասնաբաժինը մայիս ամսի համեմատ նվազել է 0.65 տոկոսային կետով և կազմել 3.95 տոկոս: Մեկ հորիզոնականով նահանջել և 8-րդ հորիզոնականում է հայտնվել iCON-ը` 3.43 տոկոս, մայիսի նկատմամբ արձանագրվել է անկում` 0.66 տոկոսային կետով:

Առաջատար պրովայդերների տասնյակը եզրափակում են Bionet-ը և Web-ը համապատասխանաբար` 1.35 տոկոս (-0.04) և 1.21 տոկոս (-0.35) մասնաբաժիններով: Օգոստոսի վերջի դրությամբ առաջին 10 պրովայդերներին բաժին է ընկնում հայաստանյան այցելությունների 93.49 տոկոս-ը: Համեմատության համար նշենք, որ մայիսին այս ցուցնիշը կազմել է 92,62 տոկոս, իսկ փետրվար ամսին 91.62 տոկոս: Վերջին կես տարվա զարգացումները ցույց են տալիս, որ տեղի է ունենում ոլորտի խոշորացում և ժամանակի ընթացքում փոքր ընկերությունները դուրս կմղվեն շուկայից:

Հայաստանի առաջատար 10 ինտերնետ պրովայդերների ցուցանիշները որոշվում են հայաստանյան IP հասցեներից` Circle.am-ում գրանցված այցելությունների հիման վրա:

Աղբյուրը` PanArmenian.net