ArmeniaMobile.net - Armenian mobile news & reviews » Օրանժ Հայաստան

2011-ին Օրանժը վաճառել է ավելի քան 20 000 հեռախոս

Administrator — Sat, 07 Jan 2012 13:54:13 +0000

Orange Armenia ընկերությունը 2011-ին վաճառել է ավելի քան 20.000 բջջային հեռախոս։ Այս մասին PanArmenian.net-ի թղթակցին տեղեկացրել է Օրանժ Հայաստան ընկերության հանրային կապերի պատասխանատու Լիլիթ Մարտիրոսյանը։

2011-ին Օրանժը վաճառել է ավելի քան 20 000 հեռախոս

Նրա տեղեկացմամբ վաճառված 20.000 բջջային հեռախոսների 15%-ը սմարթֆոններ են։ Բացի դրանից հեռախոսների մեծ մասը վաճառվել է հոկտեմբեր ամսից հետո, երբ ընկերությունը շուկայում ներկայացրեց նոր առաջարկ՝ մեկ կամ երկու տարի բաժանորդագրություններով բջջային հեռախոսների ձեռքբերում մատչելի գներով։

Օրանժ Արմենիա ընկերությունը 2011-ի նոյեմբերի տվյալներով ունի 600.000 բաժանորդ, որոնցից ավելի քան 70 .000-ը ինտերնետ բաժանորդներն են։

Լիլիթ Մարտիրոսյանի խոսքով, 2012-ի առաջին եռամսյակում կհրապարակվեն ընկերության թե՛ ֆինանսական հաշվետվությունը, թե՛ այլ վիճակագրական տվյալներ։

Աղբյուրը` PanArmenian.net

Գործակվել է Orange-ի բլոգը` OrangeBlog.am

Administrator — Wed, 14 Dec 2011 20:54:06 +0000

Այսօր Orange Armenia ընկերությունը ներկայացրեց Orange Բլոգը՝ իր նոր բլոգային հարթակը՝ orangeblog.am-ը, որտեղ յուրաքանչյուր ոք կարող է իր սեփական միջավայրը ստեղծել՝ հրապարակելով այնտեղ նկարներ, տեսանյութեր և կատարել գրառումներ։

Հարթակը տարբերվում է բոլոր հարթանկներից նրանով, որ յուրաքանչյուր ոք կարող է տեղում լուսատեսանկարել և SMS կամ MMS հաղորդագրության միջոցով նկարածը միանգամից հրապարակել սեփական միջավայրում։

Գործակվել է Orange-ի բլոգը` OrangeBlog.am

«Մենք շեշտը դրել ենք պարզության վրա, այն մատչելի է բոլորի համար։ Orange-ի բոլոր աշխարհագրական երկրների շարքում Հայաստանն առաջինն է, ուր նման բան է հիմնում։ Մենք ցանկանում ենք խթանել հայերեն լեզվով էլեկտրոնային բովանդակության զարգացումն և տարածումը։ Դրա վառ օրինակներից էր Armnet 2011-ը, իսկ հիմա էլ այս նոր Orange Բլոգ բլոգային հարթակը»,-նշեց Orange Արմենիայի գլխավոր տնօրեն Բրունո Դյութուան։

Orange բլոգային հարթակում յուրաքանչյուր Orange-ի բաժանորդ ունի 2 ԳԲ անվճար ծավալ, իսկ ոչ Orange բաժանորդները 100ՄԲ։ Orange-ի բաժանորդները 2564 կարճ համարին կարող են SMS կամ MMS ուղարկել, այդպես կատարվում է լուսանկարի, գրառման կամ տեսանյութի վերբեռնում Orange բլոգային հարթակում և թարմացվում բաժանորդի էջը բլոգային հարթակում։ Յուրաքանչյուր ուղարվող SMS-ները և MMS-ներն անվճար են Orange-ի բաժանորդների համար։

Orange Արմենիայի Մարքեթինգի տնօրեն Արամ Մկրտչյանի խոսքով, բոլոր նրանց համար, ովքեր չունեն համակարգիչներ, բլոգային հարթակի շնորհիվ նույնպես կարողանում են իրենց բլոգն ունենալ։ «Հարթակը նախևառաջ սեփական լուսանկարները, նոթերն ու տեսանյութերը պահուստավորելու տեղ է, ապա կիսելու հանրության հետ»։

Orange Բլոգ բլոգային հարթակ նախագծի ղեկավար Սուրեն Ազատյանը ներկայացրեց հարթակի ֆունկցիաներն ու հնարավորությունները։ «Բլոգը եռալեզու է։ Այստեղ կան բլոգային հարթակներին բնորոշ բոլոր հնարավորությունները՝ մեկնաբանություններ թողնելու, ջնջելու, որոնելու, սիրելի բլոգ ընտրելու և այլն»,-նշեց նա։

PanArmenian.net

Օրանժի բաժանորդները կարող են անվճար շաբաթ և կիրակի օրերին

Administrator — Thu, 05 May 2011 10:10:22 +0000

«Օրանժ Արմենիա» ընկերությունը մայիսի 5-ին հայտարարել է իր նոր ակցիայի մասին։ Այսուհետ Օրանժի կանխավճարային ձայնային բաժանորդներն՝ անկախ սակագնային պլանից, ամեն անգամ 1000 դրամ լիցքավորման դեպքում ստանում են անվճար րոպեներ Օրանժի ցանցի ներսում շաբաթ և կիրակի օրերին։

Օրանժի բաժանորդները կարող են անվճար շաբաթ և կիրակի օրերին

«Օրինակ 1000 դրամ լիցքավորելու դեպքում, բաժանորդը կստանա 100 րոպե անվճար, 1500-ի դեպքում՝ 150 րոպե, 2000-ի դեպքում՝ 200 րոպե, իսկ 2500-ի՝ համապատասխան՝ 250 րոպե և այսպես շարունակ»,- ասաց Օրանժի մարքետինգի տնօրեն Արամ Մկրտչյանը։

Անվճար րոպեները գործելու են լիցքավորման պահից սկսած 31 օր։

Արամ Մկրտչյանը հայտնեց նաև, որ Օրանժը թողարկել է 1000 դրամ արժողությամբ լիցքավորման քարտեր։ «Մենք ցանկանում ենք, որ weekend-ներին մեր բաժանորդները լավ տրամադրություն ունենան, չմտածեն րոպեների մասին և երկար խոսեն»,- նշեց Արամ Մկրտչյանը։

Աղբյուրը` PanArmenian.net

Orange-ի բաժանորդներից մեկը կուղևորվի Կաննի կինոփառատոն` որպես պատվավոր հյուր

Administrator — Wed, 27 Apr 2011 20:21:08 +0000

Այսօր Orange-ը հայտարարեց Orange Կինո ծառայության սիրահարներին ուղղված առաջարկի մասին:

Orange-ի ձայնային ծառայությունների բոլոր բաժանորդները, այսօրվանից մինչեւ մայիսի 8-ը օգտվելով Orange Կինո ծառայությունից, կստանան հնարավորություն ձեռք բերել Կաննի միջազգային կինոփառատոնին որպես պատվավոր հյուր մասնակցելու ուղեգիր:

Orange-ի բաժանորդներից մեկը կուղևորվի Կաննի կինոփառատոն` որպես պատվավոր հյուր

«Ավելի քան 10 տարի Orange-ը Կաննի միջազգային կինոփառատոնի պաշտոնական գործընկերներից է, եւ այս ավանդական գործընկերության շնորհիվ Orange Արմենիան հնարավորություն ունի իր բաժանորդներից մեկի համար անմոռանալի դարձնել Կաննի 64-րդ փառատոնը: Հայաստանում մենք երկու ամիս առաջ մեկնարկեցինք Orange Կինո ծառայությունը, որի նպատակն է աշխուժացնել կինոյի նկատմամբ հետաքրքրությունը Հայաստանում եւ խրախուսել կինոմաններին: Հենց մեր այս բաժանորդներն էլ, ովքեր հաճախ են այցելում կինո, կստանան հնարավորություն` դառնալ Կաննի աստղերից», – ասաց Orange-ի գլխավոր տնօրեն Բրունո Դյութուան:

Ցանկալի ուղեգիրը ձեռք բերելու համար անհրաժեշտ է օգտվել Orange Կինո ծառայությունից ապրիլի 26-ից մինչեւ մայիսի 8-ն ընկած ժամանակահատվածում, Orange համարից ուղարկելով “kino” բառը 5555 կարճ համարին: Տոմսի հետեւում նշված համապատասխան դաշտում լրացնելով պահանջվող տվյալները` բաժանորդները պետք է կտրեն տոմսի ստորին` լրացված հատվածը եւ այն գցեն «Մոսկվա» եւ «Հոկտեմբեր» (Գյումրի) կինոթատրոններում տեղադրված Orange-ի համապատասխան արկղերը:

Մայիսի 10-ին երկու արկղերը կբացվեն, եւ պատահական կարգով դուրս կհանվի մեկ տոմս: Այն բաժանորդը, ում պատկանում է այդ տոմսը, կստանա Կաննի պատվավոր հյուրի ուղեգիր 2 հոգու համար:

«Կարծում եմ` ցանկացած կինոսիրողի երազանքներից է հայտնվել Կաննի նման հեղինակավոր միջազգային կինոփառատոնում, որտեղ իր շուրջը կլինեն համաշխարհային կինոաստղեր` կենդանի լեգենդներ: Մեր բաժանորդին Կաննում կընդունեն իսկական աստղի նման», – ասաց Orange-ի մարքեթինգի տնօրեն Արամ Մկրտչյանը:

Աղբյուրը` iTel

Նորարարության ուսանողական մրցույթ Orange-ի կողմից

Administrator — Tue, 08 Mar 2011 06:43:49 +0000

Այսօրվանից սկսվում է Orange Armenia-ի կողմից կազմակերպված նորարարությունների մրցույթին մասնակցության հայտերի ընդունումը:

Ինչպես հաղորդում է Մեդիամաքսը, այսօր Երեւանում կայացած մամուլի ասուլիսում Orange Armenia-ի գլխավոր տնօրեն Բրունո Դյութուան նշել է, որ ծրագրի հիմնական նպատակն է ՀՀ ուսանողների թվում բացահայտել տաղանդավոր երիտասարդներին, ինչպես նաեւ նպաստել նրանց հեռանկարներին:

Նորարարության ուսանողական մրցույթ Orange-ի կողմից

Մրցանակի կարող են հավակնել Երեւանի պետական համալսարանի /ԵՊՀ/, Հայաստանի պետական ճարտարագիտական համալսարանի /ՀՊՃՀ/ եւ դրանց մասնաճյուղերի ուսանողները:

Orange-ի մրցանակին կարժանանա այն ուսանողը, ով կներկայացնի լավագույն նորարարական գաղափարը: Բրունո Դյութուան ասել է, որ լավագույն գաղափարի հեղինակը ճանաչված ուսանողը կմեկնի Ֆրանսիա` 6-ամսյա վճարվող պրակտիկայի Orange Labs գիտահետազոտական լաբորատորիաներից մեկում եւ կաշխատի նորարարական նախագծերի վրա:

Ուսանողները պետք է անգլերեն կամ ֆրանսերեն լեզվով ներկայացնեն հեռահաղորդակցության ոլորտին վերաբերող գաղափարը: Հայտերի ներկայացման վերջնաժամկետը ապրիլի 20-ն է: Հաղթողի անունը կհրապարակվի մայիսի 20-ին:

Անդրադառնալով Հայաստանում Orange Labs-ի բացման հնարավորությանը` Բրունո Դյութուան ասել է, որ «այդպիսի որոշում դեռ չկա»: Միաժամանակ, նա չի բացառել ապագայում այդ գաղափարի իրականացման հնարավորությունը:

Աղբյուրը` iTel.am

MyFi մոդեմ Orange Armenia-ի կողմից

Administrator — Tue, 22 Feb 2011 11:06:04 +0000

Այսօր Orange-ը ներկայացրեց նոր 3G/ Wi-Fi մոդեմ, որն ամբողջությամբ փոխելու է Wi-Fi մասին նախկինում եղած պատկերացումները: Նոր MyFi մոդեմին կարելի է միացնել մինչեւ 5 սարքավորում` համակարգիչ, հեռախոս, խաղային համակարգեր եւ ստեղծել անձնական Wi-Fi Orange-ի ծածկույթում ամենուր` գտնվելով նույնիսկ շարժման մեջ:

MyFi մոդեմ Orange Armenia-ի կողմից

Ինչպես նշեց Orange-ի գլխավոր տնօրեն Բրունո Դյութուան, անցյալ տարվա հոկտեմբերին Orange Expo նորարարական տեխնոլոգիաների ցուցահանդեսում իրենք արդեն առիթ ունեցել են ներկայացնելու այս սարքի հնարավորությունները: «Այն ժամանակ մենք չէինք նախատեսում MyFi-ը ներկայացնել Հայաստանում, սակայն, տեսնելով մեծաթիվ այցելուների հետաքրքրությունը սարքի նկատմամբ, մենք հասկացանք, որ հաճախորդները սպասում են դրան:

Ուրախ ենք առաջինը ներկայացնելու մեր բաժանորդներին այս հետաքրքիր ու նորարարական սարքը, որը եւս մեկ անգամ փոխում է ժամանակի, տարածության ու Wi-Fi ինտերնետի հնարավորությունների մասին մեր պատկերացումները»,- ասաց Orange-ի գլխավոր տնօրեն Բրունո Դյութուան:

MyFi մոդեմը կարելի է օգտագործել Հայաստանի բոլոր մարզերում եւ նույնիսկ ամենահեռավոր համայնքներում` Orange-ի ընդարձակ ծածկույթի շնորհիվ, որն այսօր հասանելի է արդեն Հայաստանի բնակչության 95 %-ին: Orange-ի մարքեթինգի տնօրեն Արամ Մկրտչյանը նշեց, որ Orange-ը բաժանորդներին առաջարկում է մի քանի սակագնային պլաններ`սկսած ամսական 7,000 դրամից:

Բաժանորդները կարող են ընտրել իրենց համար ամենահարմարը` ըստ իրենց անհատական կարիքների եւ օգտագործման ծավալների: Մոդեմը կարելի է ձեռք բերել երկու տարով բաժանորդագրվելու դեպքում` ընդհամենը մեկ դրամով: Հիշեցնենք, որ Ֆրանս Տելեկոմ խմբի անդամ Orange Armenia-ն Հայաստանում շարժական հեռախոսակապի եւ ինտերնետի ծառայություններ է մատուցում 2009 թ. նոյեմբերի 5-ից:

Orange Armenia Ընկերությունը Հայաստանում 2009 -2010 թթ. կատարել է համապատասխանաբար 140 մլն եվրոյի եւ ավելի քան 50 մլն դոլարի ներդրումներ եւ արդեն ապահովում է բջջային կապի եւ լայնաշերտ շարժական ինտերնետի հասանելիությունը Հայաստանի 600 քաղաքներում եւ գյուղերում: Orange-ն առաջին եւ դեռեւս միակ օպերատորն է Հայաստանում, որը ներդրել է բացառապես արեւի էներգիայով աշխատող, էկոլոգիապես մաքուր բջջային կայան:

Աղբյուրը` NeoNews.am

Orange-ը ծածկույթը հասանելի է Հայաստանի բնակչության 95%-ին

Administrator — Wed, 26 Jan 2011 14:15:35 +0000

Orange-ը շարունակում է ընդլայնել ծածկույթը և ցանցի թողունակությունը` այսօր արդեն իր ձայնային և ինտերնետ ծառայությունները հասանելի դարձնելով Հայաստանի բնակչության 95%-ին, ասվում է ընկերության մամլո հաղորդագրության մեջ:

Հայաստանի բնակչության արդեն 95%-ը Orange-ի ծածկույթում է

Ցանցի ընդլայնման վերջին աշխատանքների շնորհիվ Orange-ի ծառայությունները` ներառյալ շարժական ինտերնետը, արդեն հասանելի են բազմաթիվ փոքր բնակավայրերում, հատկապես Շիրակի, Լոռու, Տավուշի, Արագածոտնի, Սյունիքի մարզերում: Ցանցի ուժեղացման և ընդլայնման աշխատանքներ են կատարվել նաև Հայաստանի հյուսիսային և հարավային ավտոմայրուղիների վրա:

«Ինչպես խոստացել էինք, մենք այսօր արդեն ապահովում ենք շարժական կապի ծառայություններ Հայաստանի բնակչության 95%-ին: Ծածկույթի ընդլայնումն ու բարելավումը մեր ամենակարևոր նպատակներից ու ձեռքբերումներից է, որի նպատակն է ինչպես առավելագույն հարմարավետություն ապահովել մեր ներկա բաժանորդների համար, այնպես էլ նոր ընտրություն առաջարկել նոր հաճախորդների», ասաց Orange-ի գլխավոր տնօրեն Բրունո Դյութուան:

Աղբյուրը` PanArmenian.net

Orange Armenia-ի` հաշվեկշիռը լիցքավորած 100 բաժանորդներ նվեր կստանան բջջային հեռախոս

Administrator — Thu, 20 Jan 2011 13:27:38 +0000

Orange Armenia ընկերությունն ներկայացրել է նոր առաջարկ իր բաժանորդների համար:

Orange Armenia-ի` հաշվեկշիռը լիցքավորած 100 բաժանորդներ նվեր կստանան բջջային հեռախոսներ

Օրանժ բջջային օպերատորի բաժանորդները, հաշիվը լիցքավորելով 500 դրամ եւ ավել գումարով, կարող են նվեր ստանալ Alcatel, Nokia կամ Samsung 100 հեռախոսներից որեւէ մեկը: Իսկ շաբաթվա ընթացքում նվեր կստանա հաշվեկշիռը լիցքավորած յուրաքանչյուր հազարերորդ բաժանորդը:

Ինչպես նշել է Orange Armenia-ի գլխավոր տնօրեն Բրունո Դյութուան, Orange-ի բաժանորդների քանակն արդեն կազմում է ավելի քան 500 հազար:

Նրա խոսքերով, բաժանորդային բազայի աճը վկայում է քաղաքացիների վստահության մասին, ինչպես նաեւ «մեզ կոչ է անում ավելի պատասխանատու լինել»:

Աղբյուրը` iTel.am

555.000 բաժանորդ

Administrator — Tue, 18 Jan 2011 20:20:50 +0000

Orange Armenia բջջային կապի բաժանորդների թիվը վերջին տվյալների համաձայն կազմում է 555 հազ.: Ինչպես լրագրողներին է հաղորդել Orange Armenia ընկերության գլխավոր տնօրեն Բրունո Դյութուան, միայն 2010 թվականի վերջին եռամսյակում օպերատորի բաժանորդների բազան ավելացել է 2 անգամ:

Orange Armenia բջջային կապի բաժանորդների թիվը կազմում է 555 հազ.

Orange Armenia-ն, որը հանդիսանում է France Telecom Ընկերությունների խմբի մասը, Հայաստանում բջջային և Ինտերնետ կապի ծառայություններ է սկսել մատուցել 2009 թվականի նոյեմբերից:

Աղբյուրը` PanArmenian.net

Orange Armenian-ն 30%-ով կավելացնի 3G ցանցի թողունակությունը

Administrator — Tue, 18 Jan 2011 19:29:44 +0000

Առաջիկա ամիսներին Orange Armenia-ն մտադիր է 30 տոկոսով ավելացնել 3G ցանցերի թողունակությունը: Այդ մասին լրագրողներին է հայտարարել Orange Armenia-ի գլխավոր տնօրեն Բրունո Դյութուան:

Մինչդեռ, Ինտերնետում օգտվողների հաղորդագրություններ են հայտնվել այն մասին, որ Orange-ի տրամադրած Ինտերնետի արագությունը նվազում է մինչև 20 Կբիտ/ վ, հայտարարված 7 Մբիտ/ վ փոխարեն, ընդ որում կապի որակը

Orange Armenian-ն 30%-ով կավելացնի 3G ցանցի թողունակությունը

վատանում է երեկոյան ժամերին:

Ըստ Դյութուայի, որոշ տեխնիկական խնդիրներ կարող են ունենալ առանձին օգտվողներ, սակայն ցանցն ընդհանուր առմամբ կայուն է աշխատում: «Մենք մեր բաժանորդներին հնարավորություն ենք տալիս երկու շաբաթվա ընթացքում անվճար փորձարկել մոդեմը և նրանք կարող են հրաժարվել այդ ընթացքում ընկերության ծառայություններից: Սակայն միայն վերջին ամսում բաժանորդների քանակի կրկնապատկումը վկայում է այն մասին, որ մենք կապի առումով խնդիրներ չունենք»,-ասել է Դյութուան:

Ընկերության մամլո քարտուղար Լիլիթ Մարտիրոսյանը PanArmenian.Net ի թղթակցի հետ զրույցում հայտնել է, որ բողոքների քանակի աճ կապի որակի վերաբերյալ չի գրանցվել: »Մենք ունենք փոխհատուցման համակարգ, եթե մեր աշխատակիցներն իրականում կապի բացակայություն են գրանցում բաժանորդի մոտ»,-ասել է Մարտիրոսյանը:

Աղբյուրը` PanArmenian.net