Որոնիր այտեղ, որտեղ հարկավոր է >>> [գովազդ]

Apple ընկերության կողմից թողարկված նոր iPad 3-ի գովազդային հոլովակը YouTube վիդեոծառայությունում 5 օրվա ընթացքում ունեցել է միլիոնից ավելի դիտումներ: iPad-ի գովազդային հոլովակը պատրաստված է հեռուստատեսության համար:

Որոշ աղբյուրների համաձայն, մեծ ժողովրդականություն վայելող պլանշետի ներկայացումը կանցկացվի մարտի առաջին շաբաթվա ընթացքում: Միջոցառումը կանցկացվի Սան Ֆրանցիսկոյի «Yerba Buena» մշակույթի կենտրոնում, որտեղ ընկերությունը նախկինում արդեն անցկացրել է կարևորագույն բազմաթիվ ներկայացումներ:

«Apple» ընկերությունը մարտին կներկայացնի նոր iPad-ը

Նախնական «iPad 3» անվանումը կրող սարքավորման վաճառքի հանվելու ժամանակի մասին տեղեկություններ դեռևս չեն հաղորդվել, սակայն սարքավորման շուկայահանման ժամանակացույցը ենթադրաբար նման է լինելու «iPad 2»-ի շուկայահանման ժամանակացույցին՝ ներկայացումից մեկ շաբաթ կամ մեկ շաբաթից մի փոքր ավելի ժամանակ անց:
Սպասվում է, որ նոր «iPad»-ի տեսքը հիմնականում նման է մնալու «iPad 2»-ի տեսքին, սակայն դրանում կկիրառվի շատ ավելի հզոր միկրոպրոցեսոր, կբարելավվեն նաև վիդեոպրոցեսորի տվյալները:
Նոր «iPad»-ում կօգտագործվի նաև բարելավված պարամետրեր ունեցող էկրան:

«Apple» ընկերության մամուլի պատասխանատուն հրաժարվել է միջոցառման անցկացման մասին առավել մանրամասն տեղեկություններ ներկայացնելուց ՝ ասելով, որ ընկերությունը ասեկոսեներին մեկնաբանություն չի տալիս:
«Apple» ընկերության բաժնետոմսերի արժեքը հինգշաբթի օրը բարձրացել է՝ հասնելով մեկ բաժնետոմսի դիմաց 495 դոլար ցուցանիշի:

«Google Finance» կայքի տվյալների համաձայն, «Apple»-ի շուկայական արժեքի գնահատականը կազմել է 461 միլիարդ դոլար, և այն գերազանցել է «Microsoft» և «Google» ընկերությունների շուկայական համախառն արժեքը:
«Microsoft»-ի շուկայական արժեքն այժմ գնահատվում է 258, իսկ «Google» ընկերության՝ $199 միլիարդ: / HayNews.am

Հաքերները կարող են հեռակա պայթեցնել Apple նոութբուքների մարտկոցը

Խոսքը MacBook, MacBook Pro և MacBook Air նոութբուքների մասին է: Միլլերի խոսքով՝ մարտկոցները համալրված են չիպերով, որոնք ղեկավարում են լիցքավորումը նույնիսկ այն ժամանակ, երբ նոութբուքը անջատված վիճակում է: էլեկտրաշարժիչի աշխատանքը կարգավորող սարքը «գիտի»` երբ դադարեցնել լիցքավորումը, ինչպես նաև այն կարգավորում է մարտկոցի ջերմաստիճանը, գրում է Forbes-ը:

2009թ. մարտին Apple-ը թողարկեց ծրագրային թարմացում, որը թույլ էր տալիս երկարեցնել MacBook նոութբուքի մարտկոցի ավտոնոմ աշխատանքի ժամանակը: Այդ թարմացումը իրականում կոնտրոլլերի կարգավորումները փոխող ծրագիր էր:

Ուսումնասիրելով այդ ծրագիրը՝ Միլլերը հայտնաբերել է, որ չիպում օգտագործված են շատ թույլ անվտանգության մեխանիզմներ: Իսկ եթե հաքերը կարողանա կոտրել դրանք, կարող է փոխել կարգավորումները, ինչը կհանգեցնի գերտաքացման ու պայթյունի:

Միլլերն ինքն արդեն շարքից հանել է յոթ մարտկոց, որոնք այլևս հնարավոր չէ օգտագործել:

Միլլերն առաջինը չէ հայտնաբերել նման խնդիր. դեռևս 2009-ին նման հետազոտություն էր անցկացրել McAfee ընկերության աշխատակից Բերնաբի Ջեքը (Barnaby Jack):

Միլլերը չի հայտնում, թե ինչպես է կարողացել թափանցել մարտկոցային համակարգի միկրոկարգավորչի մեջ: Ավելի մանրամասն ինֆորմացիա մասնագետը խոստացել է ներկայացնել Black Hat կոնֆերանսին, որը կկայանա ս.թ. օգոստոսին:

Չարլի Միլլերն, ով նախկինում աշխատել է ԱՄՆ Ազգային անվտանգության գործակալությունում, այժմ Accuvant ընկերության հետազոտողներից է:

MacBook Pro և MacBook Air նոութբուքների մասին է: Միլլերի խոսքով՝ մարտկոցները համալրված են չիպերով, որոնք ղեկավարում են լիցքավորումը նույնիսկ այն ժամանակ, երբ նոութբուքը անջատված վիճակում է: էլեկտրաշարժիչի աշխատանքը կարգավորող սարքը «գիտի»` երբ դադարեցնել լիցքավորումը, ինչպես նաև այն կարգավորում է մարտկոցի ջերմաստիճանը, գրում է Forbes-ը: 2009թ. մարտին Apple-ը թողարկեց ծրագրային թարմացում, որը թույլ էր տալիս երկարեցնել MacBook նոութբուքի մարտկոցի ավտոնոմ աշխատանքի ժամանակը: Այդ թարմացումը իրականում կոնտրոլլերի կարգավորումները փոխող ծրագիր էր: Ուսումնասիրելով այդ ծրագիրը՝ Միլլերը հայտնաբերել է, որ չիպում օգտագործված են շատ թույլ անվտանգության մեխանիզմներ: Իսկ եթե հաքերը կարողանա կոտրել դրանք, կարող է փոխել կարգավորումները, ինչը կհանգեցնի գերտաքացման ու պայթյունի: Միլլերն ինքն արդեն շարքից հանել է յոթ մարտկոց, որոնք այլևս հնարավոր չէ օգտագործել: Միլլերն առաջինը չէ հայտնաբերել նման խնդիր. դեռևս 2009-ին նման հետազոտություն էր անցկացրել McAfee ընկերության աշխատակից Բերնաբի Ջեքը (Barnaby Jack): Միլլերը չի հայտնում, թե ինչպես է կարողացել թափանցել մարտկոցային համակարգի միկրոկարգավորչի մեջ: Ավելի մանրամասն ինֆորմացիա մասնագետը խոստացել է ներկայացնել Black Hat կոնֆերանսին, որը կկայանա ս.թ. օգոստոսին: Չարլի Միլլերն, ով նախկինում աշխատել է ԱՄՆ Ազգային անվտանգության գործակալությունում, այժմ Accuvant ընկերության հետազոտողներից է:

Աղբյուր՝ http://pcnews.am

HTC-ն վրդովմունք է հայտնել Apple-ի գործողությունների կապակցությամբ

Ինչպես հայտնում է 3Dnews.ru-ն` վկայակոչելով Digitimes-ը, HTC գլխավոր իրավաբանական խորհրդատու Գրեյս Լեյն (Grace Lei) ասել է, որ ընկերությունը ժխտում է  Apple ընկերության արտոնագրերի խախտման եղած եւ ներկա մեղադրանքները:

HTC-ն վրդովմունք է հայտնել այն պատճառով, որ Apple-ը մրցակիցների հետ պայքարում դատական հայցերի օգտագործման փորձն է նախընտրում, այդ թվում նաեւ HTC-ի հանդեպ` արդար մրցակցությամբ զբաղվելու փոխարեն:

Գրեյս Լեյն ասել է, որ HTC-ն «առանց փոխզիջման իր մտավոր սեփականության իրավունքները կպաշտպանի»:

Ինչպես հաղորդում է Wall Street Journal-ը, կա ենթադրություն, որ iPhone 5-ը շատ քիչ է տարբերվելու iPhone 4-ից, գուցե միայն ինչ-որ նոր գործառույթներով, ինչպես դա եղավ iPhone 3G-ի եւ iPhone 3GS-ի դեպքում:

iPhone 5-ը կթողարկվի աշնան սկզբին

Բայց եթե այդ հեռախոսները վաճառվել են տասնյակ միլիոն օրինակով, ապա iPhone 5-ը դժվար թե դա կրկնի: Ճիշտ է, iPad 2-ը, որը նույնպես նման է առաջին iPad-ին, մեծ հաջողություն ունի աշխարհի բոլոր երկրներում, բայց infox.ru-ի չճշտված տվյալներով, ընկերությունը մշակում է մոդիֆիկացված iPad 2, որը կոչվելու է iPad HD կամ iPad 2 Plus:

Սա չպետք է շփոթել երրորդ սերնդի պլանշետի հետ, որը կոչվելու է iPad 3:

Աղբյուր՝ http://news.am

Հետաքննության արդյունքում պարզվել է, որ սարքի մասեր արտադրող MacTop Electronics ընկերության տնօրենը մոտ 3000 դոլար է վճարել  iPad 2 պլանշետների հավաքմամբ  զբաղվող Hon Hai Precision Industry ընկերության երկու աշխատակիցների՝ պլանշետային համակարգչի արտաքին պատյանի թվային նկարի համար:

Apple-ի գաղտնիքների հրապարակման համար բանտարկվել է 3 չինացի

Օրինախախտները դատապարտվել են 12 և 14 տարի ազատազրկման, ինչպես նաև պարտավորվել վճարել 15 և 4.5 հազ. դոլար տուգանք: Իսկ MacTop-ի գլխավոր տնօրենը՝ 18 ամիս ազատազրկման և 23 հազ. դոլար տուգանքի:

Աղբյուր՝ www.pcnews.am

Nokia-ն հաղթեց Apple-ին

Apple-ը կվճարի Nokia-ին վերջինիս արտոնագրային իրավունքները խախտելու համար: Այս մասին գրում է Nokia-ի պաշտոնական կայքը:

Երկու ընկերությունների միջև արտոնագրային վեճը սկսվեց այն ժամանակ, երբ Nokia-ն հայտարարեց, որ iPhone սմարթֆոնում անօրինական կերպով օգտագործվում են տասն արտոնագրված տեխնոլոգիաներ: Apple-ը փորձեց պաշտպանվել, սակայն 2011-ին Nokia-ն կրկին Apple-ին մեղադրեց «իր բոլոր արտադրանքներում արտոնագրային իրավունքները խախտելու մեջ»:

Աղբյուր՝ www.pcnews.am

iPhone 4–ն ԱՄՆ–ում ազատ վաճառքի հանվեց

Առանց պայմանագրի հնարավոր է գնել սարքի ինչպես 16 (649 դոլար), այնպես էլ՝ 32 գբ (749դոլար) տարբերակը՝ իր սև և սպիտակ գույներով։

Ինչպես հայտնում է Lenta.ru–ն, 2007–ին թողարկման պահից ի վեր iPhone–ը ԱՄՆ–ում վաճառվում էր միայն AT&T բջջային օպերատորի հետ երկամյա պայմանագրով։ 2011–ի հունվարին Apple–ը թողարկեց նաև iPhone 4–ի՝ բջջային Verizon օպերատորի CDMA ցանցերի համար նախատեսված տարբերակը, որը նախկինի պես միայն պայմանագրով կվաճառվի։
Tert.am

Գործողությունն իրականացրել է iPhone Dev-Team հաքերային խմբի MuscleNerd նիկով մասնակիցը։

iPod touch-ի, iPhone-ի եւ iPad-ի համար նախատեսված iOS 5-ը թողարկումից մեկ օր անց ջարդել են

Այս մասին նա պատմել է Twitter-ի իր միկրոբլոգում։

Նշենք, որ Apple ընկերությունը iOS 5-ը ներկայացրել էր հունիսի 6-ին։ Օպերացիոն համակարգի թողարկումը նախատեսված է աշնանը։
Աղբյուր՝ www.news.am

2010 թ. հունվարին Apple ընկերությունը թողարկեց առաջին սերնդի iPad-ը, որի վաճառքն սկսվեց ապրիլին Նյու-Յորքում: Վեց ամիս անց iPad-ը մտավ Հայաստան` «Orange Արմենիա» ընկերության միջոցով:

Երկրորդ սերնդի iPad-ը առաջին անգամ հանրությանը ներկայացվեց 2011թ.-ի մարտին Սան Ֆրանցիսկոյում, իսկ դրա վաճառքը սկսվեց արդեն մարտի վերջին: Մեկ ամիս էլ չանցած այն սկսեց վաճառվել նաեւ Հայաստանում` iPhone.am, my notebook.am ինտերնետ-խանութ սրահներում: Այսպիսով` Հայաստանը բավականին արագ արձագանքեց տեխնոլոգիական առաջընթացին:

iPad-ը կամ Apple Tablet-ը իրենից ներկայացնում է սմարթֆոն (Smartphone) եւ միաժամանակ դյուրակիր համակարգիչ (Laptop):

iPad-ը համարվում է սենսորային տեխնոլոգիաների վերջին նվաճումը: Իր տեսակով iPad-ը միջանկյալ տեղ է զբաղեցնում սմարտֆոնի եւ նոթբուքի միջեւ:

«Ի տարբերություն առաջին սերնդի iPad-ի, iPad-2-ը ունի տեսախցիկ, պրոցեսորը 2 անգամ հզոր է, վիդեոկարտան 9 անգամ հզոր է իր նախորդ տարբերակից»,- ասում է iPhone.am խանութ-սրահի վաճառքի գծով մենեջեր Արամ Թադեւոսյանը: Նրա խոսքով` iPad-ի եւ iPad-2-ի տարբերությունը դեռեւս տեսանելի է միայն տեսախցիկի մեջ առումով` մարդիկ այն գնում են հիմնականում տեսազանգեր կատարելու համար: Ա. Թադեւոսյանի խոսքով` iPad-2-ի հնարավորությունները ավելի տեսանելի կլինեն, երբ ի հայտ գան նոր ծրագրեր, եւ նոր խաղեր կգրվեն:

Ինչ վերաբերում է գնային տարբերությանը, ապա iPad-2-ը առաջին սերնդի iPad-ից թանկ է ընդամենը 100 հազ. դրամով: Wi-Fi 3G 16ԳԲ հզորությամբ iPad-ը արժե 299 հազ. դրամ, իսկ նույն պարամետրերով iPad-2-ը` 399 հազ.դրամ:  Ա. Թադեւոսյանը iPad-2-ի վաճառքի ծավալների մասին չնշեց, սակայն ասաց, որ ներկայումս վաճառվող 10 iPad-ներից ընդամենը 1-ն է պատկանում առաջին սերնդին:

«iPad-ի վաճառքի ծավալները ընկան դեռ այն ժամանակ, երբ Apple ընկերությունը հայտարարեց, որ պատրաստվում է թողարկել iPad-2-ը»,-ասաց NEWS.am-ի զրուցակիցը:

Mynotebook.am խանութ սրահի վաճառող-խորհրդատու Արսեն Մեսրոպյանի խոսքով՝ ներկայումս iPad-ների գնումները մի փոքր քչացել են: Սակայն իրենց գնորդները ավելի շատ նախընտրում են առաջին սերնդի iPad-ին` հավանաբար սպասելով iPad-2-ի գների նվազմանը։

iPad-ը պահանջարկ է վայելում Հայաստանում

Ա. Մեսրոպյանի խոսքով՝ iPad-2- ը առաջին սերնդի iPad-ի համեմատ ունի մի շարք առավելություններ. 2 տեսախցիկ, ավելի բարակ է եւ թեթեւ, ավելի հզոր արագություն ունի եւ այլն։ Ի դեպ iPad-2-ը տալիս է նաեւ գունային ընտրության հնարավորություն. սեւ եւ սպիտակ։

Մեր հարցումները ցույց տվեցին, որ համակարգչային խանութների բացարձակ մեծամասնությունում, այնուամենայնիվ, iPad-եր չեն առաջարկվում: Մեր հարցմանը ենթարկված երրրոդ վաճառակետը, որտեղից դրական պատասխան ստացվեց` VD COMPUTERS է: Այդ ընկերության վաճառքի մենեջեր Տիգրան Միրոյանի խոսքով՝ իրենք ունեցել են iPad, որը վաճառվել է, իսկ կականց միամսյակի հետ կապված անգամ ակցիա է եղել եւ վաճառքում եղած iPad-երը շատ արագ սպառվել են։ Ս. Միրոյանի խոսքով՝ իրենք առաջիկա 1-2 շաբաթվա ընթացքում կստանան iPad-ի եւ առաջին, եւ երկրորդ սերնդի նմուշներ։

Աղբյուր՝ www.news.am