—–

Հայաստանը 2011 թվականին ինտերնետ-դիտարկիչների (browsers) միջոցով հաքերային հարձակման ենթարկվելու քանակով չորրորդ տեղն է զբաղեցրել: Այդ մասին հաղորդում է ռուսական «Kaspersky Laboratory» հակավիրուսային ընկերությունը: Վարկանիշային աղյուսակում առաջին տեղը զբաղեցրել է Ռուսաստանը:

Անցած տարվա ընթացքում  բրաուզերների միջոցով հարձակման է ենթարկվել համացանցից օգտվող ռուսների 55,8 %-ը: Երկրորդ տեղում Օմանն է` 54,8 տոկոս ցուցանիշով, երրորդում` ԱՄՆ-ն, որտեց նման հարձակումների է ենթարկվել ինտերնետից օգտվողների 50,1 տոկոսը:

Վարկանիշային աղյուսակի տասնյակում Հայաստանին հաջորդում են Բելառուսը, Ադրբեջանը, Ղազախստանը, Իրաքը, Ուկրաինան եւ Գվինեա-Բիսաուն, հաղորդում է «Տեղեկատվական անվտանգությունը»:

«Համացանցում «ճանապարհորդելիս»(web-surfing) կիբերսպառնալիքների հետ բախվելու վիճակագրությունը, ըստ էության, ցույց է տալիս միջավայրի ագրեսիվության այն մակարդակը, որում աշխատում է ցանցին միացված համակարգիչը: Անցած տարի ամբողջ աշխարհի կտրվածքով այդ  ցուցանիշը 2 %-ով աճել եւ կազմել էր  32,3 տոկոս»,- հայտարարել է «Կասպերսկիի լաբորատորիայի» փորձագետ  Յուրի Նամեստնիկովը: / News.am

—–

Տուրիստական տեղեկություններ և տեսարժան վայրեր – Իտալիա, Եգիպտոս, Չինաստան, Չեխիա և այլն > www.TravelNews.am [գովազդ]

Հայաստանը ԱՊՀ առաջատարն է ինտերնետի հասանելիության մակարդակով

Ըստ հետազոտության, ինտերնետը հասանելի է Երկրի բնակչության միայն 32,7% համար: Աշխարհում համացանցից օգտվողների ընդհանուր թիվը 2011թ. կազմել է 2,267,233,742 մարդ:

Զեկույցում ասվում է, որ Հայաստանում ինտերնետը հասանելի է բնակչության 47,4%-ի կամ 1,796,550 մարդու համար: Ընդ որում, նախորդ տարի Հայաստանի ցուցանիշն ընդամենը 7% էր: Այդպիսով, Հայաստանը դարձել է ԱՊՀ առաջատարը ինտերնետի հասանելիության մակարդակով:

Ըստ 2011թ. զեկույցի, Ադրբեջանում ինտերնետը հասանելի է բնակչության 44,1%: 2010թ, համեմատ այդ ցուցանիշն Ադրբեջանում կրճատվել է 0,3%-ով:

«InternetWorldStats.com» ցուցակի առաջատարներն են Իսլանդիան (բնակչության 97%), Նորվեգիան (94,4%) և Շվեդիան (92,4%), իսկ Ասիայում առաջատարն է Հարավային Կորեան՝ 80,9%-ով: | Աղբյուրը` PanArmenian.net

«РосТелеком»ը $22,5 մլն-ով ձեռք է բերել «GNC-Alfa»-ի 75% բաժնետոմսերը

Ինչպես հաղորդում է ռուսական Gazeta.ru կայքը, ռուսական ընկերության նախագահ Ալեքսանդր Պրովոտորովն ասել է, թե «GNC-Alfa-ի նկատմամբ վերահսկողության ձեռքբերումը «Ռոստելեկոմին» թույլ կտա զարգացած ենթակառուցվածք ձեռք բերել աճի զգալի ներուժ ունեցող Հայաստանի հեռահաղորդակցության շուկայում` ծառայություններ մատուցելու համար»:

GNC-Alfa ընկերությունը ժամանակակից օպտիկամանրաթելային մագիստրալի միջոցով (ավելի քան 1500 կմ երկարություն) ծածկում է Հայաստանի տարածքի 70 տոկոսը և ունի ելք դեպի Իրան և Վրաստան ու ապահովված է երեք միջազգային  կապուղիներով. մեկը` հարավում (հարավային հատվածը` Երևանի և Հայաստան-Իրան սահմանի միջև, շահագործման է հանձնվել 2009թ), երկուսը`  հյուսիսում (ցանցի հյուսիսային հատվածները` Երևանի և Հայաստան-Վրաստան սահմանի միջև, գործում են 2010թ. մարտից):

2011թ. GNC-Alfa-ի հասույթը 12 մլն դոլարի է հասել, իսկ մաքուր պարտքը, գործարքի պահին, 1 մլն դոլարից պակաս:

Այն, որ «Ռոստելեկոմը» պատրաստվում է ձեռք բերել GNC-Alfa-ի բաժնետոմսերի փաթեթը, հայտնի դարձավ 2012թ. հունվարի 13-ին: Ռուսական լրատվամիջոցները գրել էին, թե ռուսական ընկերությունը ցանկանում է գնել Հայաստանի հեռահաղորդակցության ոլորտի մեկ այլ  պրոդուկտ` անկախ ինտերնետ մատակարար Ucom ընկերությունը, իսկ դա նշանակում է, որ Հայաստանի լայնաշերտ ինտերնետ հասանելիության շուկայում ապագայում «Ռոստոլեկոմի» մասնաբաժինը կարող է մոտ 13 տոկոս կազմել:

Աղբյուրը` ԹԵՐԹ.am

«ՄՏՍ կոնեկտ անսահմանափակ+» փաթեթի բաժանորդները ներբեռնման համար նախկին 10ԳԲ-ի փոխարեն կստանան ամսական 20ԳԲ գերարագ ինտերնետ:

Աղբյուրը` iTel.am

Հայաստանի 107 ավագ դպրոցներում 2012-ին կլինի Wi-Fi ինտերնետ

«Նախատեսում ենք ինտերնետը հասանելի դարձնել 1403 դպրոցներում։ Դիմել ենք և աշխատում են ՎիվաՍել-ՄՏՍ ընկերության հետ, որի շնորհիվ 107 ավագ դպրոցներում ինտերնետը հասանելի կլինի Wi-Fi-ի տեսքով»,-ասաց նախարարը։

Նրա խոսքով, սա հնարավորություն կտա ինտերնետը հասանելի դարձնել ողջ դպրոցի տարածքում։

Արմեն Աշոտյանը հավելեց, որ բոլոր դասարանների ուսումնական դասագրքերը կհավաքվեն մեկ նոր էլեկտրոնային շտեմարանում։ Դասագրքերը կլինեն ներբեռնվող, որով աշակերտները ավելի լայն հնարավորություն կստանան դասագրքերից օգտվելու։

Աղբյուրը` PanArmenian.net

«Ռոստելեկոմը» հետաքրքրված է Հայաստանի ինտերնետ-շուկայով

Բացի այդ, «Կոմերսանտ» թերթի տվյալներով` «Ռոստելեկոմ»-ը նաեւ նախատեսում է գնել Ucom ինտերնետ- պրովայդերին, ինչը  GNC-Alfa-ի հետ կապահովի ռուսաստանյան ընկերությանը Հայաստանի  ինտերներնետ լայնաշերտ մուտքի շուկայի 13 տոկոսով:

Ենթադրվում է, որ ակտիվի գնորդն է լինելու օպերատորի դուստր ձեռնարկությունը` կիպրոսյան Teleset Networks Ltd-ն, որը կգնի Filor Ventures Ltd-ի`  բաժնետոմսերի 75 տոկոսը` հանած 1 բաժնետոմսը, որը հանդիսանում է  GNC-Alfa-ի 100 տոկոսանոց սեփականատերը, եւ կվճարի 22,5 մլն դոլար: Այսինքն օպերատորն ամբողջապես գնահատվել է 30 մլն դոլար: Այլընտրանքային տարբերակը. ձեռք բերել նույն փաթեթը անմիջապես GNC-Alfa-ից.  Մնացած 25 տոկոսը եւ 1 ակցիան, կոլոպցիոնի շրջանակում կարող են գնվել Teleset-ի կողմից ավելի ուշ:

«Թրաֆիքի տրանզիտը պարսկական ուղիով դեպի Եվրոպա, բավականին խոստումնալից է: Ճանապարհի մի մասն անցնում է Հայաստանով, եւ տեղական մայրուղային օպերատորի գնումը պետք է ամրացնի «Ռոստելեկոմ»-ի դիրքերը»,- ասել է «Կոմերսանտ»-ի աղբյուրը:

Բացի այդ, նրա խոսքով, GNC-Alfa-ի հենքային ցանցը լավն է, ինչը հնարավորություն կտա զարգացնել ընկերությունը նաեւ Հայաստանի արագ զարգացող ինտերնետ լայնաշերտ մուտքի շուկայում: 2011 թվականի վերջին Հայաստանի ինտերնետի լայնաշերտ մուտքի շուկայի ծավալը գնահատվել է 40 մլն դոլար:

Աղբյուրը` News.am

Հիշեցնենք, որ սեպտեմբերին հայտարարվել էր «Յուքոմ»-ի կողմից մեկ այլ օպերատոր «Նետսիս» ընկերության ձեռքբերման մասին: Եսայանը նշեց, որ «Այքըն Քոմյունիքեյշնս»-ը գնելու մասին բանակցություններն ավելի շուտ էին սկսվել, քան «Նետսիս»-ի հետ բանակցությունները, սակայն ինչ-ինչ պատճառներով ձգձգվեցին: Նա հավելեց, որ այս պահին ««Յուքոմ»-ը որևէ այլ ընկերություն ձեռք բերելու մասին բանակցություններ չի վարում, թեև նման ցանկություններ կան»: «Յուքոմ»-ի տնօրենի խոսքերով՝ «Այքըն Քոմյունիքեյշնս»-ը միավորելու գործընթացը կտևի 3-6 ամիս:

Նրա խոսքով՝ դրա շնորհիվ «Յուքոմ»-ը կունենա իր ծածկույթը մեծացնելու և երկու ընկերությունների բաժանորդներին «չորսը մեկում» ծառայություններ մատուցելու հնարավորություն՝ իր կողմից օպտիկամանրաթելային կապուղիներով արդեն մատուցվող ինտերնետի, հեռուստատեսության և հեռախոսային ծառայություններին գումարելով անլար շարժական ինտերնետի WiMAX տեխնոլոգիայով մատուցվող ծառայությունները: «Մեր բաժանորդների 20%-ն ունեն WiMAX-ով ինտերնետից, օրինակ, հանգստավայրում օգտվելու ցանկություն»,- պարզաբանեց Եսայանը:

Քասարաջյանի խոսքերով, ընթացիկ գործարքն ընձեռում է երկու ընկերությունների՝ Հայաստանի համար հեղափոխական՝ տեխնոլոգիաները մեկտեղելու հնարավորություն: Ըստ նրա՝ «Այքըն Քոմյունիքեյշնս»-ի ծածկույթում է Երևանի 75%-ը՝ 4 000 բաժանորդով:

Ըստ Եսայանի՝ երկու ընկերությունների տեխնոլոգիաների համակցումից հետո կձևավորվեն նոր փաթեթներ, որոնց գները կներկայացվեն հետագայում:

Պատասխանելով Tert.am-ի հարցին՝ Քասարաջյանը հայտնեց, որ «Այքըն Քոմյունիքեյշնս» ընկերությունը գրանցված է Դուբայում, և ամերիակացի բաժնետերերը նախկինի մեծամասնության փոխարեն ներկայումս փոքրամասնություն են ընկերությունում: «Այքըն Քոմյունիքեյշնս» -ը 2008թ.-ին հիմնադրել է ամերիկահայ գործարար Ադամ Կապլանյանը:

Հիշեցնենք նաև, որ վերջերս Ucom և NetSys ընկերությունները հայտարարեցին միավորման մասին:

Աղբյուրը` ԹԵՐԹ.ամ

«Ինտերնետ ծառայություն մատուցող փոքր ընկերությունների միավորումը խոսում է շուկայի կայացման, եւ զարգացման հաջորդ փուլի մասին: «ԱրմենՏելը» խոշոր պրովայդեր է, եւ փոքր ընկերությունները միայնակ չեն կարող մրցակցել, եւ շատ դրական է, որ նրանք միավորվում են»,- նշեց Կլիմկոն՝ ավելացնելով, որ միավորման գործընթացը ստիպում է պրովայդերին ակտիվ գործունեություն ծավալել:

Հիշեցնենք, որ օրերս միավորման մասին հայտատերցին ինտերնետ ծառայություն մատուցող «Ucom» եւ «Netsys» ընկերությունները:

Ընկերությունների միավորման նպատակն է համադրելով տեխնիկական հնարավորությունները՝ զարգացնել ծառայությունների որակը, հզորությունը և հնարավորությունները։ Այս մասին ասուլիսի ժամանակ նշեց Ucom ընկերության տնօրեն Հայկ Եսայանը։ Նրա խոսքով Netsys-ը հանդես կգա Ucom բրենդի ներքո։

Աղբյուրը` News.am

Hi-Line ծառայությունն արդեն ունի 100 հազար բաժանորդ

«Սա շատ արժեքավոր իրադարձություն է Հայաստանում ինտերնետ կապի զարգացման տեսանկյունից»,- ասաց «ԱրմենՏել» ընկերության գլխավոր տնօրեն Իգոր Կլիմկոն՝ շնորհավորելով «հոբելյանական» բաժանորդին:

Անի Ավետիսյանը «ԱրմենՏել» և Hewlett Packard ընկերություններից նվեր ստացավ Hi-Line ծառայությունից 1 տարի անվճար օգտվելու բաժանորդագրություն և HP Mini նեթբուք:

Ա.Ավետիսյանը լրագրողներին ասաց, թե սկզբում չի հավատացել, ապա «շատ-շատ» ուրախացել է:

Նշենք, որ ADSL տեխնոլոգիայի վրա հիմնված Hi-Line ծառայությունը հասանելի է Հայաստանի շուրջ 50 բնակավայրում:

U!com-ը բարձրացնում է ինտերնետային փաթեթների արագությունը

Արդեն այսօր U!Net Starter, U!Net Basic, U!Net Ultra, U!Net Highway սակագնային փաթեթների և «Երեքը մեկում» փաթեթի ինչպես նոր, այնպես էլ գործող բաժանորդների ինտերնետի հիմնական արագությանը ավտոմատ կերպով կավելանա 2 Մբ/վ արագությամբ` առանց որևէ փոփոխման հայտի լրացման և առանց հավելավճարի:

• U!Net Starter  – 1 Մբ/վ + 2 Մբ/վ 8000 դրամ
• U!Net Basic 2  – 2 Մբ/վ + 2 Մբ/վ 12000 դրամ
• U!Net Ultra 3 – 3 Մբ/վ + 2 Մբ/վ 15000 դրամ
• U!Net Highway -  4 Մբ/վ + 2 Մբ/վ 37000 դրամ

«Երեքը մեկում» փաթեթում ներառված U!Net Basic 2 Մբ/վ ինտերնետը ևս կարագանա և կկազմի 4 Մբ/վ մինչև ամռան վերջ:

Ucom ընկերությունը այս ուրախ առաջարկով հնարավորություն է ընձեռում իր բաժանորդներին` օգտվելու արագագործ ինտերնետից և առավել հետաքրքիր դարձնելու իրենց ժամանցը ամռան ամիսներին:

Աղբյուրը` PCNews.am