ArmeniaMobile.net - Armenian mobile news & reviews » Armenian mobile operators

Orange-ը ծածկույթը հասանելի է Հայաստանի բնակչության 95%-ին

Administrator — Wed, 26 Jan 2011 14:15:35 +0000

Orange-ը շարունակում է ընդլայնել ծածկույթը և ցանցի թողունակությունը` այսօր արդեն իր ձայնային և ինտերնետ ծառայությունները հասանելի դարձնելով Հայաստանի բնակչության 95%-ին, ասվում է ընկերության մամլո հաղորդագրության մեջ:

Հայաստանի բնակչության արդեն 95%-ը Orange-ի ծածկույթում է

Ցանցի ընդլայնման վերջին աշխատանքների շնորհիվ Orange-ի ծառայությունները` ներառյալ շարժական ինտերնետը, արդեն հասանելի են բազմաթիվ փոքր բնակավայրերում, հատկապես Շիրակի, Լոռու, Տավուշի, Արագածոտնի, Սյունիքի մարզերում: Ցանցի ուժեղացման և ընդլայնման աշխատանքներ են կատարվել նաև Հայաստանի հյուսիսային և հարավային ավտոմայրուղիների վրա:

«Ինչպես խոստացել էինք, մենք այսօր արդեն ապահովում ենք շարժական կապի ծառայություններ Հայաստանի բնակչության 95%-ին: Ծածկույթի ընդլայնումն ու բարելավումը մեր ամենակարևոր նպատակներից ու ձեռքբերումներից է, որի նպատակն է ինչպես առավելագույն հարմարավետություն ապահովել մեր ներկա բաժանորդների համար, այնպես էլ նոր ընտրություն առաջարկել նոր հաճախորդների», ասաց Orange-ի գլխավոր տնօրեն Բրունո Դյութուան:

Աղբյուրը` PanArmenian.net

Նոր ակցիայի շրջանակներում Orange ցանցի ներսում զանգերի արժեքը կկազմի 1 դրամ/րոպե

Administrator — Tue, 18 Jan 2011 17:29:19 +0000

Orange-ն այսօր մեկնարկեց նոր առաջարկ իր կանխավճարային բաժանորդների համար: Ամեն անգամ լիցքավորելով հաշիվը 500 և ավելի դրամով` «Խոսենք» ծառայության բաժանորդները հնարավորություն կստանան 31 օրվա ընթացքում զանգահարել Orange-ի բոլոր բաժանորդներին 1 դրամ/րոպե, իսկ տեղական այլ ցանցեր` ընդամենը 30 դրամ/րոպե սակագնով:

Նոր ակցիայի շրջանակներում Orange ցանցի ներսում զանգերի արժեքը կկազմի 1 դրամ/րոպեՆոր ակցիայի շրջանակներում Orange ցանցի ներսում զանգերի արժեքը կկազմի 1 դրամ/րոպե

«2011թ. մենք մեկնարկեցինք կես միլիոն բաժանորդներով: Նրանց վստահությունն ու ակնկալիքներն արդարացնելը մեզ համար չափազանզ կարևոր է: Այսօրվա առաջարկով մենք ցանկանում ենք, որ մեր 500 000 բաժանորդներն էլ ավելի մեծ խանդավառությամբ օգտվեն մեր ծառայություններց և ամեն լիցքավորման հետ սպասեն անակնկալի»,- ասաց Orange-ի գլխավոր տնօրեն Բրունո Դյութուան:

«Ի հավելումն այս նոր աննախադեպ սակագների` մեր բաժանորդները, հաշիվը լիցքավորելով 500 և ավելի դրամով, ձեռք կբերեն հնարավորություն ստանալ Nokia, Samsung կամ Alcatel մոդելների 100 հեռախոսներից մեկը: Իսկ նվերներ կստանան շաբաթվա ընթացքում յուրաքանչյուր 1000-րդ լիցքավորումը կատարած բաժանորդները: Այսինքն` նույնիսկ եթե բաժանորդն այս շաբաթ չի դարձել 1000-րդ լիցքավորողը, նա հաջորդող շաբաթների ընթացքում ունի նույն հնարավորությունը` դառնալու շաբաթվա հաջողակներից մեկը»,- ասել է Orange-ի Մարքեթինգի տնօրեն Արամ Մկրտչյանը:

Ամեն երկուշաբթի Orange-ի աշխատակիցները կզանգահարեն հաջողակ բաժանորդներին և կտեղեկացնեն վերջիններիս նվերների մասին: Երևանի բնակիչներն իրենց նվերը կարող են ստանալ Orange-ի գլխավոր խանութից, իսկ մարզերի բնակիչները` իրենց մարզային Orange խանութից, հաղորդում է Orange-ի մամլո ծառայությունը:

Աղբյուրը` PanArmenian.net

Ամանորի նախաշեմին ՎիվաՍել-ՄՏՍ-ի ցանցը սպասարկել է մոտ 5 մլն կարճ հաղորդագրություն

Administrator — Thu, 13 Jan 2011 12:50:05 +0000

VivaCell-MTS handled 4 739 081 SMS messages on New Year’s eve

Ամանորի նախաշեմին` 2010թ. դեկտեմբերի 31-ին (մինչև կեսգիշեր) ՎիվաՍել-ՄՏՍ-ի ցանցը սպասարկել է 4,739,081 կարճ հաղորդագրություն, իսկ 2011 թ. հունվարի 1-ին` 3,654,031-ը:

Ընկերությունը տեղեկացնում է նաև, որ դեկտեմբերի 31-ին` մինչև կեսգիշեր ՎիվաՍել-ՄՏՍ-ի ցանցը սպասարկել է 18,181,127, իսկ 2011-ի հունվարի 1-ին ևս 19,123,344 զանգ, հայտնել է ՎիվաՍել-ՄՏՍ-ի մամլո ծառայությունը:

Ընդհանուր առմամբ 2010 թվականի դեկտեմբերի 31-ին և 2011թ.-ի հունվարի 1-ին ՎիվաՍել-ՄՏՍ-ի ցանցը սպասարկել է 8,393,112 կարճ հաղորդագրություն և 37,304,471 զանգ:

Անցյալ տարվա նույն ժամանակահատվածի համեմատությամբ, զանգերի քանակն աճել է 15 տոկոսով, հաղորդում է ընկերության մամլո ծառայությունը:

Աղբյուրը` PanArmenian.net

Հայաստանի բնակչության 86 տոկոսն օգտվում է բջջային կապից

Administrator — Sat, 08 Jan 2011 14:28:19 +0000

Հայաստանի տրանսպորտի եւ կապի նախարար Մանուկ Վարդանյանը NEWS.am-ին տեղեկացրեց, որ 2010 թ. վերջի դրությամբ «ԱրմենՏել»-ի ֆիքսված հեռախոսակապի բաժանորդների թիվը կազմում է ավելի քան 620 հազ., այդ թվում՝ Երեւան քաղաքում` ավելի քան 530 հազ. բաժանորդ:

Հայաստանի բնակչության 86 տոկոսն օգտվում է բջջային կապից

Իսկ երեք օպերատորների (Armentel, VivaCell-MTS, Orange Armenia) մատուցած բջջային կապի ծառայություններից իրապես օգտվում են ավելի քան 2.77 մլն բաժանորդ կամ Հայաստանի բնակչության 86 տոկոսը:

2010 թվականի ընթացքում տեղի է ունեցել ոլորտում արդի տեխնոլոգիաների ինտենսիվ ներդրում, այդ թվում՝ ընդլայնվել են 3G ստանդարտով գործող համակարգերը՝ հանրապետության ողջ տարածքում ապահովելով 100 տոկոսանոց ծածկույթ։

Ըստ Մ. Վարդանյանի՝ միաժամանակ նկատվում է սակագնային քաղաքականության ճկուն կիրառում՝ գործնականում ապահովելով նվազագույն սակագներ եւ համընդհանուր հասանելիություն:

Նախարարն ասաց, որ ներկայումս իրականացվում են աշխատանքներ հանրապետության տարածքում 4G ստանդարտի տեխնոլոգիաների ներդրման եւ գործող համակարգերի տեխնիկական վերազինման մասով:

News.am

Beeline-ը գործարկել է «USSD-Մենյու» ծառայությունը

Administrator — Mon, 20 Dec 2010 19:08:32 +0000

«ԱրմենՏել» ընկերությունը (Beeline ապրանքանիշ) հայտարարել է «USSD-Մենյու» ծառայության գործարկման մասին, որը հնարավորություն է տալիս անմիջապես բջջային հեռախոսից հասանելի լինել ընկերության ծառայություններին:

Ինչպես Մեդիամաքս-ին հայտնել են ընկերության մամուլի ծառայությունում, ծառայության միջոցով բաժանորդը հեշտությամբ կարող է ակտիվացնել կամ ապաակտիվացնել բջջային կապի ծառայությունները, տեղեկատվություն ստանալ սակագնային

Beeline-ը գործարկել է «USSD-Մենյու» ծառայությունը

փաթեթների, միացված ծառայությունների եւ այլնի վերաբերյալ: Ծառայությունը հասանելի է Beeline բջջային կապի բոլոր բաժանորդներին:

«Մենք մշտապես ընդլայնում ենք մեր հաճախորդներին հասանելի ծառայությունների շրջանակը: Բջջային կապի տեխնոլոգիաների զարգացումը, ինչպես նաեւ տասնյակ նոր առաջարկների ներմուծումն առիթ հանդիսացավ ազատելու մեր բաժանորդներին ծառայությունների ակտիվացման կամ ապաակտիվացման կոդերը հիշելու անհրաժեշտությունից: Բջջային կապի օպերատորի նոր առաջարկը` «USSD-Մենյու» ծառայությունը, նպատակ ունի եւ առավելագույնս խնայել մեր բաժանորդների ժամանակը եւ հեշտացնել մուտքը դեպի մեր ընկերության ծառայություններ»,- նշել է «ԱրմենՏել»-ի գլխավոր տնօրեն Իգոր Կլիմկոն:

«USSD-Մենյու» ծառայության ակտիվացումը չի պահանջում բջջային հեռախոսի լրացուցիչ կարգավորումներ եւ գործում է գրեթե բոլոր բջջային հեռախոսներում: Ծառայությունն անվճար է, բաժանորդը վճարում է միայն հատուկ ծառայությունների համար` համաձայն իր սակագնային փաթեթի: Ծառայությունը հասանելի է նաեւ ռոումինգում:

Աղբյուրը` iTel.am

Դեկտեմբերի 20-ին Հայաստանում պաշտոնապես կգործարկվի 4G ցանցը

Administrator — Sat, 18 Dec 2010 20:24:56 +0000

Դեկտեմբերի 20-ին Հայաստանում ՎիվաՍել-ՄՏՍ-ը պաշտոնապես կգործարկի 4G ցանցը LTE տեխնոլոգիայով: Այդ մասին PanArmenian.Net ին են հայտնել ընկերության մամլո ծառայությունում: Առաջին փուլում չորրորդ սերնդի ցանցը կգործարկվի թեստային-կոմերցիոն ռեժիմով, իսկ 2011թ. փետրվարին ընկերությունը մտադիր է ամբողջությամբ անցնել ցանցի կոմերցիոն

Դեկտեմբերի 20-ին Հայաստանում պաշտոնապես կգործարկվի 4G ցանցը

շահագործմանը Երևանում, իսկ հետո նաև մարզերում:

LTE-ցանցի կառուցման և զարգացման ծախսերը շուրջ 17 մլն դոլար կարժենան ընկերությանը: Լիցենզիայի արժեքը, որն ուժի մեջ է մինչև 2019թ. նոյեմբերի 4-ը, կազմել է 990 մլն դրամ:

LTE-ցանց մտադիր է կառուցել նաև «ԱրմենՏել» ընկերությունը, հենց որ անհրաժեշտ հաճախականություն տրամադրվի:

Աղբյուրը` PanArmenian.Net

ՎիվաՍել-ՄՏՍ-ի «Բջջային հեռուստատեսություն» ծառայությունն` այժմ ավելի մատչելի

Administrator — Fri, 10 Dec 2010 20:20:16 +0000

Մինչև 2011թ. հունվարի 31-ը ՎիվաՍել-ՄՏՍ-ի «Բջջային հեռուստատեսություն» ծառայության իրական ժամանակում հեռարձակվող ալիքների «Basic» փաթեթի սակագինը կկազմի 1 օրվա համար ընդամենը 100 դրամ` նախկին 400 դրամի փոխարեն, հաղորդում է ՎիվաՍել-ՄՏՍ ԲԲԸ մամլո ծառայությունը:

ՎիվաՍել-ՄՏՍ-ի «Բջջային հեռուստատեսություն» ծառայությունն` այժմ ավելի մատչելի

Աղբյուրը` PanArmenian.net

Հայկական ցանցում բջջային օպերատորներին բաժին է ընկնում գովազդի 60%-ը

Administrator — Sun, 05 Dec 2010 13:36:14 +0000

Հայաստանի Ինտերնետ-գովազդի 60% բաժին է ընկնում երեք բջջային օպերատորներին` ՎիվաՍել-ՄՏՍ, Orange Armenia և «ԱրմենՏել»: Այդ մասին PanArmenian.net ի թղթակցի հետ զրույցում հայտնեց SP Marketing Solutions-ի էլեկտրոնային մարքեթինգի բաժնի ղեկավար Ժիրայր Թերզյանը:

Advertising on Armenian internet

Նրա խոսքով, Ինտերնետ-գովազդով հետաքրքրված են նաև բանկերը: Հայաստանում օնլայն-գովազդի ոլորտում ամսական շրջանառությունը կազմում է մոտ 9 մլն դրամ` չհաշված հայկական գովազդն արտասահմանյան ռեսուրսներում: Ինչ վերաբերում է Ինտերնետում գովազդի տեսակներին, ապա Հայաստանում, փորձագետի խոսքով, առավել մեծ պահանջարկ է վայելում գովազդի դիմաց վճարելը որոշակի ժամկետի համար:

Մինչդեռ կոնտեքստային գովազդի ծառայություններ տրամադրող AdBook ընկերության բաժինը կազմում է 5-10%:

Աղբյուրը` PanArmenian.net

Opera Software-ը Հայաստանի բջջային օպերատորներից մեկի հետ համագործակցության մասին բանակցություններ է վարում

Administrator — Sun, 05 Dec 2010 13:30:26 +0000

Opera mini բջջային բրաուզերի արտադրող Opera Software ընկերությունը Հայաստանի բջջային օպերատորներից մեկի հետ համագործակցության մասին բանակցություններ է վարում:

Opera Software-ը Հայաստանի բջջային օպերատորներից մեկի հետ համագործակցության մասին բանակցություններ է վարում

Թե որ օպերատորի հետ են ընթանում բանակցությունները, առայժմ չի հայտարարվում: Այդ մասին PanArmenian.net ի թղթակցի հետ զրույցում հաղորդեց ԱՊՀ-ում Opera Software ընկերության հաղորդակցության գծով մենեջեր Վլադիմիր Իսաևը: Նրա խոսքով, Opera Software CIS-ին արդեն հաջողվել է Ռուսաստանի, Ուկրաինայի և Բելառուսի կապի 5 օպերատորների հետ կնքել պայմանագրեր, որոնց շրջանակներում բաժանորդները կարող են անսահմանափակ բջջային Ինտերնետին միանալ Opera mini-ի միջոցով: Հաջող բանակցությունների դեպքում նույնպիսի ծառայություն հասանելի կլինի նաև Հայաստանում:

Աղբյուրը` PanArmenian.net

Մինչեւ փետրվարի 1-ը «Ալո մենք» սակագնային պլանի բաժանորդները կարող են զանգահարել «Հատուկ համարով» 1 դրամ/րոպե սակագնով

Administrator — Thu, 02 Dec 2010 21:40:46 +0000

«ՎիվաՍել-ՄՏՍ» բջջային օպերատորը այսօր հայտարարել է նոր ակցիայի մասին «Ալո մենք» սակագնային պլանի բաժանորդների համար:

Մինչեւ փետրվարի 1-ը «Ալո մենք» սակագնային պլանի բաժանորդները կարող են զանգահարել «Հատուկ համարով» 1 դրամ/րոպե սակագնով

Ընկերության մամուլի ծառայությունում Մեդիամաքս-ին հայտնել են, որ մինչեւ 2011թ. փետրվարի 1-ը նշված սակագնային պլանի բաժանորդները կարող են զանգահարել «Հատուկ համարով» 1 դրամ/րոպե սակագնով, եթե որպես «Հատուկ համար» ընտրված է «ՎիվաՍել-ՄՏՍ»-ի հեռախոսահամար:

Աղբյուրը` iTel.am