ArmeniaMobile.net - Armenian mobile news & reviews » Հայկական բջջային շուկա

ՎիվաՍել-ՄՏՍ-ն առաջարկում է շատ ցածր սակագներ` արտասահմանից Հայաստան զանգահարելու համար

dav — Fri, 24 Jun 2011 22:24:07 +0000

Ըստ գտնվելու վայրի` Հայաստան զանգերի սակագները կկազմեն. Վրաստան` 65 դրամ, Լեռնային Ղարաբաղ` 90 դրամ, Ռուսաստան` 90 դրամ, Միացյալ Արաբական Էմիրություններ` 90 դրամ, Թուրքիա` 190 դրամ, ԱՊՀ (բացառությամբ Ռուսաստանի)`290 դրամ, Եվրոպա` 390 դրամ, այլ երկրներ` 690 դրամ:

ՎիվաՍել-ՄՏՍ-ն առաջարկում է շատ ցածր սակագներ` արտասահմանից Հայաստան զանգահարելու համար

Զանգի արժեքը հաշվարկվում է ըստ րոպեների: Բոլոր գները ներառում են ԱԱՀ:

Ծառայությունից օգտվելու համար անհրաժեշտ է նախքան Հայաստանից մեկնելն ակտիվացնել ռոումինգը, իսկ արդեն արտասահմանում, զանգ կատարելու համար` ուղարկել հետևյալ հրահանգը` *101*հեռախոսահամար# :

Հեռախոսահամարն անհրաժեշտ է մուտքագրել Հայաստանում կիրառվող տեղական (իննանիշ) ձևաչափով: Հրահանգն ուղարկելուց վայրկյաններ անց բաժանորդը կստանա պատասխան զանգ եւ կկարողանա շփվել իր մտերիմների հետ:

Մանրամասն տեղեկություններ ստանալու համար կարելի է օգտվել www.vivacell.am կայքից:

Աղբյուր՝ http://www.itel.am

Nokia X7-ը Հայաստանում դեռ չի սպասվում

Administrator — Thu, 14 Apr 2011 08:56:02 +0000

Այսօր Nokia-ի պաշտոնական բլոգը բացի Nokia E6-ի թողարկման մասին լուրից, հայտնեց, որ այսօր թողարկվում է նաև Nokia X7։

Հայաստանի «Nokia» բջջային հեռախոսների կենտրոնի վաճառքի տնօրեն Վազգեն Բախշեցյանը PanArmenian.net ի թղթակցին հայտնեց, որ Nokia X7 այսօր թողարկված հեռախոսները դեռևս չեն սպասվում Հայաստանում։

Nokia X7

Nokia X7-ը Nokia E6-ի պես աշխատում է Symbian Anna համակարգով։ Հեռախոսն իր ֆունկցիաներով զվարճանքի համար է։ Այն ունի 8 մեգապիկսել ֆոտոխցիկ, 8 GB հիշողության քարտ և ապահովում է մինչև 32 GB լրացուցիչ հիշողություն։ Կարող է միանալ 2G/3G ցանցի և անլար WiFi ցանցի։

Օգտագործելով հեռախոսի Nokia Social-ը՝ կարելի է օգտվել Facebook-ի, Twitter-ի և այլ սոցիալական ցանցերի ծրագրերից (apps):

Աղբյուրը` PanArmenian.net

MyFi մոդեմ Orange Armenia-ի կողմից

Administrator — Tue, 22 Feb 2011 11:06:04 +0000

Այսօր Orange-ը ներկայացրեց նոր 3G/ Wi-Fi մոդեմ, որն ամբողջությամբ փոխելու է Wi-Fi մասին նախկինում եղած պատկերացումները: Նոր MyFi մոդեմին կարելի է միացնել մինչեւ 5 սարքավորում` համակարգիչ, հեռախոս, խաղային համակարգեր եւ ստեղծել անձնական Wi-Fi Orange-ի ծածկույթում ամենուր` գտնվելով նույնիսկ շարժման մեջ:

MyFi մոդեմ Orange Armenia-ի կողմից

Ինչպես նշեց Orange-ի գլխավոր տնօրեն Բրունո Դյութուան, անցյալ տարվա հոկտեմբերին Orange Expo նորարարական տեխնոլոգիաների ցուցահանդեսում իրենք արդեն առիթ ունեցել են ներկայացնելու այս սարքի հնարավորությունները: «Այն ժամանակ մենք չէինք նախատեսում MyFi-ը ներկայացնել Հայաստանում, սակայն, տեսնելով մեծաթիվ այցելուների հետաքրքրությունը սարքի նկատմամբ, մենք հասկացանք, որ հաճախորդները սպասում են դրան:

Ուրախ ենք առաջինը ներկայացնելու մեր բաժանորդներին այս հետաքրքիր ու նորարարական սարքը, որը եւս մեկ անգամ փոխում է ժամանակի, տարածության ու Wi-Fi ինտերնետի հնարավորությունների մասին մեր պատկերացումները»,- ասաց Orange-ի գլխավոր տնօրեն Բրունո Դյութուան:

MyFi մոդեմը կարելի է օգտագործել Հայաստանի բոլոր մարզերում եւ նույնիսկ ամենահեռավոր համայնքներում` Orange-ի ընդարձակ ծածկույթի շնորհիվ, որն այսօր հասանելի է արդեն Հայաստանի բնակչության 95 %-ին: Orange-ի մարքեթինգի տնօրեն Արամ Մկրտչյանը նշեց, որ Orange-ը բաժանորդներին առաջարկում է մի քանի սակագնային պլաններ`սկսած ամսական 7,000 դրամից:

Բաժանորդները կարող են ընտրել իրենց համար ամենահարմարը` ըստ իրենց անհատական կարիքների եւ օգտագործման ծավալների: Մոդեմը կարելի է ձեռք բերել երկու տարով բաժանորդագրվելու դեպքում` ընդհամենը մեկ դրամով: Հիշեցնենք, որ Ֆրանս Տելեկոմ խմբի անդամ Orange Armenia-ն Հայաստանում շարժական հեռախոսակապի եւ ինտերնետի ծառայություններ է մատուցում 2009 թ. նոյեմբերի 5-ից:

Orange Armenia Ընկերությունը Հայաստանում 2009 -2010 թթ. կատարել է համապատասխանաբար 140 մլն եվրոյի եւ ավելի քան 50 մլն դոլարի ներդրումներ եւ արդեն ապահովում է բջջային կապի եւ լայնաշերտ շարժական ինտերնետի հասանելիությունը Հայաստանի 600 քաղաքներում եւ գյուղերում: Orange-ն առաջին եւ դեռեւս միակ օպերատորն է Հայաստանում, որը ներդրել է բացառապես արեւի էներգիայով աշխատող, էկոլոգիապես մաքուր բջջային կայան:

Աղբյուրը` NeoNews.am

Հայաստանի բնակչության 86 տոկոսն օգտվում է բջջային կապից

Administrator — Sat, 08 Jan 2011 14:28:19 +0000

Հայաստանի տրանսպորտի եւ կապի նախարար Մանուկ Վարդանյանը NEWS.am-ին տեղեկացրեց, որ 2010 թ. վերջի դրությամբ «ԱրմենՏել»-ի ֆիքսված հեռախոսակապի բաժանորդների թիվը կազմում է ավելի քան 620 հազ., այդ թվում՝ Երեւան քաղաքում` ավելի քան 530 հազ. բաժանորդ:

Հայաստանի բնակչության 86 տոկոսն օգտվում է բջջային կապից

Իսկ երեք օպերատորների (Armentel, VivaCell-MTS, Orange Armenia) մատուցած բջջային կապի ծառայություններից իրապես օգտվում են ավելի քան 2.77 մլն բաժանորդ կամ Հայաստանի բնակչության 86 տոկոսը:

2010 թվականի ընթացքում տեղի է ունեցել ոլորտում արդի տեխնոլոգիաների ինտենսիվ ներդրում, այդ թվում՝ ընդլայնվել են 3G ստանդարտով գործող համակարգերը՝ հանրապետության ողջ տարածքում ապահովելով 100 տոկոսանոց ծածկույթ։

Ըստ Մ. Վարդանյանի՝ միաժամանակ նկատվում է սակագնային քաղաքականության ճկուն կիրառում՝ գործնականում ապահովելով նվազագույն սակագներ եւ համընդհանուր հասանելիություն:

Նախարարն ասաց, որ ներկայումս իրականացվում են աշխատանքներ հանրապետության տարածքում 4G ստանդարտի տեխնոլոգիաների ներդրման եւ գործող համակարգերի տեխնիկական վերազինման մասով:

News.am

Opera Mini-ն Հայաստանում 7 անգամ ավելի տարածված է, քան համակարգչային տարբերակը

Administrator — Sun, 05 Dec 2010 08:33:41 +0000

Opera վեբ-բրաուզերը, որը ողջ աշխարհում ունի ավելի քան 150 մլն օգտագործող, Հայաստանում այնքան էլ տարածված չէ: «Հայկական շուկայում վեբ-բրաուզերն ունի 11% մասնաբաժին, մինչդեռ ԱՊՀ այլ երկրներում ցուցանիշը բավական բարձր է. Ռուսաստան` 32%, Ուկրաինա` 35%, Կազախստան 33%, իսկ Բելառուսում` 54%»,- այսօր Armnet 2010 կոնֆերանսին ասաց Opera Software ընկերության ԱՊՀ երկրների հաղորդակցության մենեջեր Վլադիմիր Իսաևը:

Opera Mini-ն Հայաստանում 7 անգամ ավելի տարածված է, քան համակարգչային տարբերակը

Բջջայինի համար նախատեսված Opera Mini բրաուզերը շատ ավելի տարածված է. Հայաստանում այն ունի 74% մասնաբաժին: Վերջերս ընկերության հրապարակած հաշվետվության համաձայն` Հայաստանում Opera Mini-ից օգտվողներն ամենահաճախն այցելում են odnoklassniki.ru կայք:

Ամենահաճախելի կայքերի 2-րդ տեղում է google.com-ը, իսկ 3-րդ` mail.ru-ն: Facebook սոցցանցը 10-րդ տեղում է: Ըստ հաշվետվության` օգտագործողների գերակշիռ մասն ինտերնետ է մուտք գործում Nokia բջջայիններից, ընդ որում` ամենատարածված մոդելներն են Nokia 6300-ն և Nokia 2700c-ը:

Իսայևի տվյալներով` Opera բրաուզերը մեծամասամբ կիրառվում է սոցիալական ցանցերից օգտվելու համար: Խոսելով ընկերության հետագա ծրագրերի մասին` ԱՊՀ երկրների հաղորդակցության մենեջեր նշեց, որ մոտակա երկու տարիների ընթացքում Opera Software-ը կենտրոնանալու է բրաուզերի բջջային տարբերակների մշակման վրա, իսկ ինչ վերաբերում է համակարգչային տարբերակին, ապա հունվարին կթողարկվի նոր Opera-ն, որը կօգտագործի զգալիորեն քիչ օպերատիվ հիշողություն:

Աղբյուրը` PCNews.am

VivaCell-MTS. մեկ տարում բաժանորդների 8.9% աճ

Administrator — Thu, 02 Dec 2010 21:24:07 +0000

Վիվասել-ՄՏՍ բջջային օպերատորը ս.թ. հոկտեմբերի 31-ի դրությամբ գրանցել է 2 մլն 220 բաժանորդ: Այսպիսի տվյալներ է հաղորդում «Բջջային Հեռահամակարգեր» ԲԲԸ-ի (ՄՏՍ) հոկտեմբերյան հաշվետվությունը: 2009թ. նույն ժամանակահատվածի համեմատ` ՎիվաՍել-ՄՏՍ-ի բաժանորդների քանակն ավելացել է 8.9%-ով:

Մեկ տարում ՎիվաՍել-ՄՏՍ-ը գրանցել է բաժանորդների 8.9% աճ

«Բջջային Հեռահամակարգեր» ԲԲԸ-ը (ՄՏՍ)Դուստր ձեռնարկությունների հետ միասին կազմակերպությունը սպասարկում է ավելի, քան 100 միլիոն բաժանորդի: «ՄՏՍ»-ը ծառայություններ է մատուցում Ռուսաստանի 82 տարածաշրջաններում, Հայաստանում, Բելառուսում, Ուկրաինայում, Ուզբեկստանում և Թուրքմենստանում: 2000թ-ից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ:

Աղբյուրը` PCNews.am

Հայաստանում սմարթֆոնների շուկայի պոտենցիալը կազմում է տարեկան 3-4 հազար նմուշ

Administrator — Thu, 26 Aug 2010 19:33:37 +0000

Հայաստանում սմարթֆոնների շուկայի պոտնեցիալը կազմում է տարեկան 3-4 հազար նմուշ: Այդ մասին, պատասխանելով PanARMENIAN.Net ի թղթակցի հարցին, հաղորդել է Orange Armenia ընկերության գլխավոր տնօրեն Բրունո Դյութուան: Նա դժվարացել է պատասխանել, թե մինչ օրս որքան iPhone և HTC սմարթֆոններ են իրացվել:

Հայաստանում սմարթֆոնների շուկայի պոտենցիալը կազմում է տարեկան 3-4 հազար նմուշ

«Հայաստանում սմարթֆոնների շուկան գնահատելը բարդ է, քանի որ այն սկսել է վերջերս զարգանալ, ինչին նպաստել է Orange Armenia ընկերությունը` Հայաստանում ներկայացնելով iPhone, HTC, իսկ հիմա BlackBerry»,- ասել է Դյութուան: Orange Armenia-ն օգոստոսի 26-ին ներկայացրել է BlackBerry Bold 9700 սմարթֆոնը: BlackBerry լուծումը սմարթֆոնների, ծրագրային ապահովումների և ծառայությունների համատեղություն է:

Աղբյուրը` PanArmenian.net

“ՎիվաՍել-ՄՏՍ”-ը նոր հնարավորություններ է ներկայացնում «Մեր մեջ» կորպորատիվ փաթեթի շրջանակներում

Administrator — Wed, 04 Aug 2010 10:22:32 +0000

“ՎիվաՍել-ՄՏՍ”–ը 4 սակագնային պլան է առաջարկում “Մեր մեջ” կորպորատիվ փաթեթի շրջանակներում:

«ՎիվաՍել-ՄՏՍ»–ը 4 սակագնային պլան է առաջարկում «Մեր մեջ» կորպորատիվ փաթեթի շրջանակներում:

Ինչպես Մեդիամաքսին են հաղորդել վիվասել-ՄՏՍ օպերատորի մամուլի ծառայությունում, առաջարկվող բոլոր տարբերակներում խմբի ներսում զանգերն անվճար են:

Այժմ «Մեր մեջ» փաթեթի բաժանորդները (բացառությամբ «Մեր մեջ-3» սակագնային պլանի) կարող են օգտվել նաեւ ներառված ներցանցային խոսելաժամանակի փաթեթներից: Միեւնույն փաթեթի շրջանակներում յուրաքանչյուր բաժանորդ կարող է ինքնուրույն ընտրել ներառված ներցանցային խոսելաժամանակի ծավալը:

Աղբյուրը` iTel.am

Armentel-ը հանել է GPRS ծառայության փաթեթի վարձը

Administrator — Mon, 19 Apr 2010 20:31:14 +0000

«ԱրմենՏել» ՓԲԸ-ն (ապրանքանիշը՝ Beeline) հայտարարում է «Երեք ծառայությունների փաթեթի» բաժանորդային վարձը հանելու մասին:

Ինչպես երկուշաբթի «ԱՌԿԱ» գործակալությանը տեղեկացրեցին ընկերության մամուլի ծառայությունից, հետվճարային համակարգի բաժանորդները կազատվեն օրավարձից, իսկ կանխավճարային համակարգի բաժանորդներն` ամսավճարից` MMS, GPRS-ինտերնետ և GPRS-WAP ծառայություններից օգտվելու համար:

«Օրեցօր ավելանում է Beeline բաժանորդների քանակը Հայաստանում, և որպես արդյունք՝ աճում է նաև բջջային ինտերնետ ծառայության պահանջարկը: Ղեկավարվելով այդ սկզբունքով և հաշվի առնելով բաժանորդների ցանկությունները՝ մենք առաջարկում ենք նրանց այցելել WEB-կայքեր, բեռնել նկարներ և երաժշտություն, ուղարկել գրաֆիկական հաղորդագրություններ` չմտածելով լրացուցիչ վճարի մասին», – նշել է «ԱրմենՏել» ՓԲԸ-ի գլխավոր տնօրեն Իգոր Կլիմկոն:

MMS, GPRS-ինտերնետ և GPRS-WAP ծառայությունները թույլ են տալիս բաժանորդին բջջային հեռախոսի միջոցով օգտվել գլոբալ ցանցից, ընդունել և ուղարկել էլեկտրոնային փոստ, ինչպես նաև իրականացնել զանգեր` առանց աշխատանքն ինտերնետում ընդհատելու: MMS հաղորդագրության օգնությամբ կարելի է ընդունել և ուղարկել մեծ ծավալով տեքստեր, անիմացիաներ, պատկերներ, աուդիո-ֆայլեր, ինչպես հեռախոսներին, այնպես էլ էլեկտրոնային հասցեներին:

«Երեք ծառայությունների փաթեթից» օգտագործման բաժանորդավճարը կանխավճարային համակարգի բաժանորդների համար ավելի վաղ կազմում էր օրը 12 դրամ, իսկ հետվճարային համակարգի բաժանորդների համար` ամիսը 360 դրամ:

MMS հաղորդագրության ուղարկման և ինտերնետ-ծառայության տրաֆիկի օգտագործման գումարը գանձվում է համաձայն բաժանորդի սակագնային պլանի:

Աղբյուրը` Telecom.Arka.am

Orange Armenia. հեռախոսից հեռախոս նոր ծառայություն

Administrator — Fri, 26 Mar 2010 09:57:35 +0000

Orange Armenia-ի երեւանյան եւ մարզային մի շարք խանութներում հաճախորդները կարող են օգտվել «Հեռախոսից հեռախոս» ծառայությունից:

Ինչպես Մեդիամաքս-ին հայտնել են Orange Armenia-ի մամուլի ծառայությունում, ծառայությունը թույլ է տալիս բացառիկ սարքի միջոցով հաշված րոպեների ընթացքում փոխանցել ինչպես հեռախոսի, այնպես էլ SIM-քարտի ողջ ինֆորմացիան համակարգչի, մեկ այլ հեռախոսի կամ USB կրիչի մեջ: Ծառայությունը հարմար է նաեւ հեռախոսը փոխելու կամ այն վերանորոգման հանձնելու դեպքում:

Մամուլի ծառայությունում նշել են, որ ծառայությունն անվճար է ինչպես Orange-ի, այնպես էլ այս օպերատորների բաժանորդների համար:

http://orangearmenia.am/phones/phone-to-phone/ հասցեում կարելի է գտնել այն խանութների ցանկը, որոնցում հնարավոր է օգտվել «Հեռախոսից հեռախոս» ծառայությունից:

Աղբյուրը` iTel.am