Համաձայնագրի շրջանակում ԱրմենՏելը հովանավորելու է երկու նախագիծ։

ArmenTel-ը կհովանավորի 6 գյուղերի ավելի քան 100 ուսուցիչների գրագիգտության բարձրացմանն ուղղված ծարգրերին

Արմավիրի և Արագածոտնի մարզերի 6 գյուղերի ավելի քան 100 ուսուցիչներ կմասնակցեն համակարգչային գրագիգտության բարձրացմանն ուղղված ծարգրերին։ Դասընթացների ընթացքում ուսուցիչները կսովորեն հիմնարար համակարգչային գիտելիքներ, ինտերնետից օգտվել և կիրառել տեղեկատվական ռեսուրսներն ուսումնական գործընթացում։

Մյուս ծրագիրը բնապահպանական է։ «Ազատենք շրջակա միջավայրը պոլիէթիլենային տոպրակներից» ծրագրի շրջանակում կարտադրվեն սկզբնական 3000 կտորե տոպրակ և կտարածվեն խանութներում, Բիլայնի ցանցի միջոցով, նվերների տեսքով և այլն։

Դրանց օգտագործումը կօգնի կրճատել շրջակա միջավայրին վնաս հասցնող պոլիէթիլենային տոպրակների կիրառումը։

«Այս ծրագրի միջոցով կլուծվի թե՛ բնապահպանական խնդիր և թե՛սոցիալական։ Կտորե տոպրակների արտադրության համար կբացվեն աշխատատեղեր գյուղական համայնքներում։ Մենք արդեն 3-րդ տարին է, ինչ իրականացնում ենք Հայաստանի գյուղական համայնքների զարգացմանը նպաստող ծրագրեր՝ ելնելով սոցիալ-կորպորատիվ պատասխանատվությունից։ Մեր ծառայություններից օգտվում է ողջ Հայաստանը, հետևաբար մեր ծրագրերի 80%-ն ուղղված է ժողովրդին»,-նշեց Իգոր Կլիմկոն։

Աղբյուրը` PanArmenian.net

ArmenTel-ը սկսում է տրամադրել հատկացված վիրտուալ սերվերներ` VDS ծառայությունը

«ԱրմենՏելի» մամուլի ծառայությունից News.am-ին հայտնել են, որ 512 ՄԲ հատկացված օպերատիվ հիշողությամբ «VDS 10 GB» ծառայության ամսական բաժանորդավճարը կազմում է 10000 դրամ: Սկավառակի ծավալի (HDD) հավելյալ յուրաքանչյուր 1 ԳԲ-ի համար ամսական վճարը կազմում է 500 դրամ, իսկ օպերատիվ հիշողության (RAM) լրացուցիչ յուրաքանչյուր 128 ՄԲ` 1000 դրամ: Ռեսուրսների հասանելիությունն ապահովվում է արտաքին կապուղիների համար` 20 Մբվ, իսկ ներքին կապուղիների համար` 100 Մբվ արագությամբ:

Նշենք, որ «ԱրմենՏել» ընկերության տվյալների կենտրոնը խոշորագույնն է երկրում եւ հագեցված է ամենաժամանակակից սարքավարումներով, կապի արագագործ կապուղիներով` սեփական օպտիկամանրաթելային գծերի միջոցով: Մոնիթորինգի ավտոմատացված համակարգերն ապահովում են աշխատունակության շուրջօրյա դիտարկումը, իսկ տեխնիկական ու ծրագրային ապահովումն երաշխավորում է ընկերության եւ նրա գործընկերների համակարգերի կայուն աշխատանքը:

Աղբյուրը՝ News.am

Армения: прибыль услуг мобильной связи снизилась

«Հեռահաղորդակցության ծառայություններ ասելով, հասկանում ենք թե՛ բջջային կապը, թե՛ ֆիքսված հեռախոսները, թե՛ ամպային տեխնոլոգիաները, թե՛ վճարովի հեռուստատեսությունը և այլն: Սակայն բոլոր երկրներում էլ շուկայում գերիշխողը բջջային կապն է»,-նշեց նա:

Ըստ Մարիա Կորոբկովայի ներկայացրած ComNews Research-ի տվյալների, Հայաստանում վերջին երեք տարիներին գրանցվել է բաժանորդների 65% աճ: Նրա խոսքով, ԱՊՀ երկրներում գրանցվել է միջինում բաժանորդային բազայի 35.7% աճ: «2008-2010թթ-ին Հայաստանում կար 3.87 մլն բաժանորդ, իսկ արդեն 2011-ին մեր տվյալները ցույց են տալիս 4.1 մլն բաժանորդ: «Շատերն ասում են, բջջային ծառայություների ավելացումը կապված է տեղանքի բնակչության քանակից, սակայն դա այդպես չէ, դա կախված է ներդրումներից»,-կարծում է Մարիա Կորոբկովան:

Բջջային կապի ծառայությունների եկամուտները նվազել են 47.6%-ով, եթե 2008-ին դրանք կազմում էին 243 միլիոն դոլար, ապա 2011-ին այս թիվը կազմում է 140 միլիոն դոլար:

Չնայած եկամուտը նվազել է, սակայն 2010-ին Հայաստանում բջջային բաժանորդներն 21.9%-ով ավելի երկար են խոսել բջջայինով, քան նախորդ երկու տարիներին: Ըստ ComNews Research-ի վիճակագրության, Հայաստանում 2010-ին մեկ բաժանորդը ամսական խոսում է 265 րոպե, երբ 2008-ին այս թիվը կազմում էր 179 րոպե: Այս ցուցանիշի աճը պայմանավորված է 1 րոպեի դիմաց վճարի տարեցտարի նվազման հետ:

Համաժողովի կազմակերպիչն է «ԱրմենՏել» ընկերությունը: Համաժողովին մասնակցում են լրագրողներ վեց երկրներից՝ Հայաստանից, Վրաստանից, Ղազախստանից, Ղրղզստանից, Տաջիկիստանից և Ուզբեկստանից: Բանախոսներն են՝ Մարիա Կորոբկովան ComNews Research-ից, «Վեդոմոստի» թերթից Քսենիա Բոլեցկայան, nomobile.ru ծրագրի ղեկավար Նիկոլայ Տուրուբարը և գրող, արձակագիր, բլոգեր Լեոնիդ Կագանովը։

Աղբյուրը` PanArmenian.net

«Ինտերնետ ծառայություն մատուցող փոքր ընկերությունների միավորումը խոսում է շուկայի կայացման, եւ զարգացման հաջորդ փուլի մասին: «ԱրմենՏելը» խոշոր պրովայդեր է, եւ փոքր ընկերությունները միայնակ չեն կարող մրցակցել, եւ շատ դրական է, որ նրանք միավորվում են»,- նշեց Կլիմկոն՝ ավելացնելով, որ միավորման գործընթացը ստիպում է պրովայդերին ակտիվ գործունեություն ծավալել:

Հիշեցնենք, որ օրերս միավորման մասին հայտատերցին ինտերնետ ծառայություն մատուցող «Ucom» եւ «Netsys» ընկերությունները:

Ընկերությունների միավորման նպատակն է համադրելով տեխնիկական հնարավորությունները՝ զարգացնել ծառայությունների որակը, հզորությունը և հնարավորությունները։ Այս մասին ասուլիսի ժամանակ նշեց Ucom ընկերության տնօրեն Հայկ Եսայանը։ Նրա խոսքով Netsys-ը հանդես կգա Ucom բրենդի ներքո։

Աղբյուրը` News.am

«Սահմանված սակագնի պատճառով քաղաքացիները խուսափում են օգտվել Արմենտելի միջոցով Յուքոմի ֆիքսված ցանց զանգահարելուց, ինչն էլ արհեստականորեն խոչընդոտում է շուկայում համեմատաբար նոր մուտք գործած ընկերության հեռախոսային ծառայությունների ընդլայնմանը», – ասվում էր Յուքոմի դիմում-բողոքի մեջ:

Արմենտելի իրավաբան Դավիթ Սանդուխչյանը այսօր հանձնաժողովի նիստին տեղեկացրել է, որ ընկերությունը վարույթի ընթացքում ընդունել է իրավախախտման փաստը եւ արդեն հավասարեցրել է դեպի Յուքոմ զանգերի գրեթե բոլոր սակագները դեպի իր ֆիքսված ցանց զանգերի սակագների հետ: Ըստ նրա, սակագներն իջեցվել են փաթեթների շուրջ 80%-ում, իսկ մնացած փաթեթներում սակագների իջեցումը պայմանավորված է տեխնիկական խնդիրների լուծմամբ եւ տեղի կունենա մինչեւ սեպտեմբերի վերջ:

Հաշվի առնելով իրավախախտման վերացման փաստը, հանձնաժողովը որոշեց Արմենտելին հայտարարել խիստ նախազգուշացում:

Ամփոփելով հարցի քննարկումը, ՏՄՊՊՀ նախագահ Արտակ Շաբոյանն հիշեցրել է, որ հանձնաժողովը մեղադրում է Արմենտելին նաեւ 2 այլ որոշումներով՝ գերիշխող դիրքի չարաշահման եւ անբարեխիղճ մրցակցության համար, որոնք Արմենտելը բողոքարկում է դատարանում:

«Այսօր Արմենտելը միջնորդություն է ներկայացրել, որում պատրաստակամություն է հայտնել վճարել հանձնաժողովի կողմից [վերոհիշյալ որոշումներով] սահմանված տուգանքները (համապատասխանաբար 100 մլն դրամ եւ 500 հազ. դրամ) եւ հրաժարվում է հանձնաժողովի նկատմամբ ունեցած իր բոլոր դատական հայցերից», – ասել է Արտակ Շաբոյանը, հավելելով, որ հանձնաժողովը հաշվի է առել այս փաստը՝ Արմենտելի վերաբերյալ վերջին որոշումն ընդունելու ժամանակ:

Աղբյուրը` iTel.am

Հայաստանի բջջային օպերատորները ավելի քան 20%-ով նվազեցրել են վճարված հարկերը

Առաջին կիսամյակի արդյունքներով 100 խոշորագույն  հարկատուների ցանկում են 4 հեռահաղորդակցության ընկերություններ:

Ինչպես հաղորդում է Մեդիամաքսը, «ԱրմենՏել» ընկերությունը (Beeline ապրանքանիշ) 4-րդ տեղն է զբաղեցրել վճարված հարկերի ծավալով: Ընկերության կողմից առաջին կիսամյակում վճարված ընդհանուր գումարը 6 մլրդ 854 մլն 706,6 հազ. դրամ է կազմել` 2010 թվականի I-ին կիսամյակի համեմատ նվազելով 6%-ով (424 մլն):

7-րդ տեղում «Ղ-Տելեկոմ» ընկերությունն է (VivaCell-MTS ապրանքանիշ), որը վճարել է 4 մլրդ 754 մլն 075,2 հազ. դրամի հարկ (2,5 մլրդ-ի կամ 34,6%-ի նվազում):

Առաջին կիսամյակի արդյունքներով 11-րդ տեղը զբաղեցրել է «Օրանժ Արմենիա» ընկերությունը, որը 2 մլրդ 52 մլն 827,5 հազ. դրամ է վճարել  (27,4% կամ 776,2 մլն դրամի նվազում):

Ցանկի 88-րդ տեղում է ինտերնետ-օպերատոր Ջի-Էն-Սի Ալֆա ընկերությունը (449 մլն 917,5 հազ. դրամ):

«ԱրմենՏել»-ն մատչելի է դարձնում շարժական ինտերնետի՝ «GPRS փաթեթ» ծառայության սակագինը

Միացնելով “GPRS փաթեթ 25” ծառայությունը հաճախորդը ստանում է 25 ՄԲ` 600 դրամով, “GPRS փաթեթ 50”-ի դեպքում 50 ՄԲ` 1000 դրամով, “GPRS փաթեթ 100” դեպքում 100 ՄԲ` 1800 դրամով, իսկ “GPRS փաթեթ 200” դեպքում 200 ՄԲ` 3000 դրամով:
«Նոր «GPRS փաթեթ» ծառայությունը թույլ կտա բաժանորդին մուտք գործել ինտերնետ ամենուր, որտեղ որ կա Beeline շարժական կապ, արդյունավետորեն կառավարելով իր ծախսերը», – նշել է «ԱրմենՏել» ընկերության գլխավոր տնօրեն Իգոր Կլիմկոն:
«GPRS փաթեթ» ծառայությունը կարելի է ակտիվացնել՝ զանգահարելով 06744N հատուկ համարին, որտեղ «N» ձեռք բերվող մեգաբայթերի ծավալն է (25,50,100 կամ 200), հավաքելով USSD *110*4N# հրահանգը կամ ուղարկելով SMS հաղորդագրություն 0674 կարճ համարին 4N տեքստով:
GPRS-փաթեթի գործողության ժամկետը 30 օր է, սկսած ակտիվացման օրվանից: GPRS-փաթեթի մեգաբայթերի կամ գործողության ժամկետի սպառման դեպքում ուղարկվող/ստացվող տվյալների արժեքը հաշվարկվում է ըստ բաժանորդի սակագնային փաթեթի:
Փաթեթի գործողության ժամկետը կարելի է երկարացնել` միացնելով լրացուցիչ փաթեթ, այս դեպքում չօգտագործված մեգաբայթերը տեղափոխվում են նոր փաթեթ:
«GPRS փաթեթ» ծառայությունը հասանելի է Beeline բջջային կապի կանխավճարային համակարգի բոլոր սակագնային փաթեթների բաժանորդներին` բացառությամբ շարժական ինտերնետի «Drive», «Բազային», «Գիշերային» և«Անսահմանափակ» կանխավճարային ՍՓ-ից:

ԱրմենՏելի Hi-Line ինտերնետի 100 000-րդ բաժանորդը պարգեւատրվել է

Hi-Line-ի 100 000-րդ բաժանորդ է դարձել Հայաստանի պետական ագրարային համալսարանի ուսանողուհի Անի Ավետիսյանը, որն որպես նվեր ստացել է HP Mini նեթբուք եւ Hi-Line ծառայությունից 1 տարի անվճար օգտվելու բաժանորդագրություն:

ADSL տեխնոլոգիայի վրա հիմնված Hi-Line ինտերնետ-ծառայությունը ԱրմենՏելը մատուցում է 2007թ-ից: ADSL տեխնոլոգիան թույլ է տալիս արագագործ ինտերնետ ունենալ թվային հեռախոսագծի միջոցով: Ներկայումս ծառայությունը հասանելի է Հայաստանի շուրջ 50 բնակավայրերում:

Աղբյուրը` iTel.am

Hi-Line ծառայությունն արդեն ունի 100 հազար բաժանորդ

«Սա շատ արժեքավոր իրադարձություն է Հայաստանում ինտերնետ կապի զարգացման տեսանկյունից»,- ասաց «ԱրմենՏել» ընկերության գլխավոր տնօրեն Իգոր Կլիմկոն՝ շնորհավորելով «հոբելյանական» բաժանորդին:

Անի Ավետիսյանը «ԱրմենՏել» և Hewlett Packard ընկերություններից նվեր ստացավ Hi-Line ծառայությունից 1 տարի անվճար օգտվելու բաժանորդագրություն և HP Mini նեթբուք:

Ա.Ավետիսյանը լրագրողներին ասաց, թե սկզբում չի հավատացել, ապա «շատ-շատ» ուրախացել է:

Նշենք, որ ADSL տեխնոլոգիայի վրա հիմնված Hi-Line ծառայությունը հասանելի է Հայաստանի շուրջ 50 բնակավայրում:

«Արմենտելի» մամուլի ծառայությունից News.am-ին հայտնել են, որ պարգևատրման արարողությանը հրավիրվել են այն մասնակիցներն, ովքեր իրենց աշխատանքները ներկայացրել են «Ինտերնետը մարդու կյանքում» խորագրի ներքո անցկացված մրցույթին: Հաղթողները որոշվել են խմբի մասնակիցների ձայների քանակով:

Պարգեւատրվել են Facebook-ում «ԱրմենՏել» ընկերության Homo Interneticus մրցույթի հաղթողները

Մրցույթի հաղթող` Հայկ Գեւորգյանը, ով հավաքել է 2025 ձայն, ստացել է առաջին մրցանակ` նեթբուք եւ մեկ տարի Hi-Line ծառայությունց անվճար օգտվելու հնարավորություն: Երկրորդ եւ երրորդ տեղերը գրաված Հովհաննես Աղաջյանյանը եւ Թերեզա Թոքմաջյանը ստացել են շարժական ինտերնետի Drive ծառայությունից համապատասխանաբար 12 եւ 6 ամիս անվճար օգտվելու հնարավորություն:

«Այսօր ինտերնետն ամբողջ աշխարհի մարդկանց կյանքի անբաժանելի մասնիկ է հանդիսանում եւ Հայաստանը բացառություն չէ: Մեր երկրում համացանցից օգտվողների գրեթե կեսն ընտրում են «ԱրմենՏել» ընկերության կողմից մատուցվող ինտերնետ ծառայությունը: Մենք կազմակերպեցինք այս մրցույթը, որպեսզի Հայաստանի ինտերնետից օգտվողները ներկայացնեն ինտերնետի իրենց տեսլականը` որպես բիզնեսի, կրթության կամ ժամանցի ծառայություն», – նշել է «ԱրմենՏելի» հասարակայնության հետ կապերի ծառայության ղեկավար Անուշ Բեղլոյանը:

Նշենք, որ Homo Interneticus մրցույթն անց է կացվել 2011թ-ի ապրիլի 6-ից մինչեւ մայիսի 5-ը ընկած ժամանակահատվածում Beeline Armenia պաշտոնական էջում: 2011թ-ի մայիսի 30-ի դրությամբ խումբն ունի 4240 մասնակից:

Աղբյուրը` News.am