ArmeniaMobile.net - Armenian mobile news & reviews » Beeline internet

Try & Buy – Արմենտելի կողմից

Administrator — Thu, 11 Nov 2010 11:21:02 +0000

«ԱրմենՏել» ընկերությունը հայտարարում է “Try & Buy” (Փորձի՛ր և գնի՛ր) ակցիայի մեկնարկի մասին Beeline ֆիքսված կապի այն բաժանորդների համար, ովքեր ցանկանում են միանալ Hi Line ծառայությանը: Մինչև 2010 թ. դեկտեմբերի 31-ը միանալով Hi Line ծառայության “Նախընտրելի” սակագնային փաթեթներից որևէ մեկին` հաճախորդը հնարավորություն կստանա առաջին ամսվա ընթացքում անվճար օգտվելու ինտերնետից մինչև 2 Մբ/վ արագությամբ, կազատվի միացման վճարից և կստանա նվեր մոդեմ: Առաջին ամսվա ընթացքում հաճախորդը կարող է հրաժարվել ծառայությունից` առանց վարձի վճարման պարտավորության` մոդեմը վերադարձնելու պայմանով: Եթե առաջին ամսվա ավարտին բաժանորդը շարունակում է օգտվել ծառայությունից, ապա նրան կտրամադրվի ընտրված սակագնային պլանով նախատեսված արագությունը:

«Ենթակառուցվածքների էական զարգացման շնորհիվ, «ԱրմենՏել» ընկերությունը կարող է բաժանորդներին առաջարկել միացման էլ ավելի գրավիչ պայմաններ: Նոր առաջարկը թույլ կտա մեր հաճախորդներին փորձարկել ունիվերսալ օպերատորի ծառայությունների որակը և կայունությունը մինչ դրանց միանալը», – ասել է «ԱրմենՏել» ՓԲԸ Գլխավոր տնօրեն Իգոր Կլիմկոն:

“Try&Buy” ակցիայի շրջանակում բաժանորդը կարող է օգտվել մեկ ամիս անվճար ինտերնետ ծառայության առաջարկից միայն մեկ անգամ: Առաջին ամսվա ընթացքում ծառայությունից հրաժարվելու դեպքում` հետագայում չի տրամադրվում անվճար ամսական միացում: Մնացած պայմաններն, այդ թվում` ծառայության անվճար ակտիվացումն ու անվճար մոդեմը մնում են ուժի մեջ:

Hi Line ծառայությունը հիմնված է ADSL տեխնոլոգիայի վրա, որն ապահովում է արագ ինտերնետ-հասանելիություն ամրակցված հեռախոսալարի միջոցով` թողնելով այն ազատ հեռախոսազանգերի համար: «ԱրմենՏել» ՓԲԸ-ն Hi Line ծառայությունը տրամադրում է 2007 թվականից: Ներկայում ծառայությունը հասանելի է Հայաստանի 38 քաղաքում: Hi Line ծառայության միացման և սպասարկման հետ կապված հարցերով կարելի է զանգահարել 100 անվճար հեռախոսահամարով:

Աղբյուրը` PCNews.am

Hi Line ինտերնետ-ծառայությունը հասանելի է Հայաստանի 38 քաղաքում

Administrator — Wed, 27 Oct 2010 17:30:26 +0000

Հոկտեմբերի վերջի դրությամբ «Արմենտել»-ի Hi Line ծառայությունը հասանելի է Հայաստանի 38 քաղաքներում: Քաղաքների ցանկում ընդգրկվել են մասնավորապես Ագարակը, Ապարանը, Արթիկը, Բաղրամյանը, Վարդենիսը, Քաջարանը, Մարտունին, Նոր Հաճնն ու Մեծամորը:

Hi Line ինտերնետ-ծառայությունը հասանելի է Հայաստանի 38 քաղաքում

«Վերջին ամիսներին «ԱրմենՏել» ընկերությունը ոչ միայն էապես ընդլայնել է Hi Line ծառայության աշխարհագրությունն, այլև ավելացրել է ցանցի հզորությունն այն քաղաքներում, որտեղ ծառայությունն արդեն հասանելի էր: Ներկայում ընկերությունը պատրաստ է միացնել ծառայությանը առնվազն 100 հազար նոր բաժանորդ: Ավելի քան մեկ տարի մենք իրականացնում ենք մայրաքաղաքում և մարզերում լայնաշերտ մատչման ծառայության մատուցման լայնածավալ ծրագրեր` խթանելով երկրում տեղեկատվական ցանցի հավասարաչափ զարգացումը», – նշել է «ԱրմենՏել» ՓԲԸ գլխավոր տնօրեն Իգոր Կլիմկոն:

Hi Line ծառայությունը հիմնված է ADSL տեխնոլոգիայի վրա, որն ապահովում է արագ ինտերնետ-մատչում սովորական հեռախոսագծով` թողնելով այն ազատ հեռախոսազանգերի համար: Ծառայությունը տրամադրվում է 2007 թվականից: 2009թ-ի վերջի դրությամբ ծառայությունը հասանելի էր Հայաստանի 24 քաղաքում:

Աղբյուրը` PCNews.am

Read all news about Armenian internet sphere…

Beeline-ի նոր թեստավորման կայքը

Administrator — Wed, 22 Sep 2010 08:30:17 +0000

«ԱրմենՏել»-ը գործարկել է http://speedtest.beeline.am կայքը, որը թույլ է տալիս Beeline ցանցում թեստավորել ինտերնետ-կապի արագությունը:

«Այս կայքէջի գործարկումը մեր բաժանորդներին թույլ կտա միասնական օպերատորի ցանցում միացման արագության վերաբերյալ անկողմնակալ տեղեկատվություն ստանալ: Արդյունքում այն կհանդիսանա վերլուծական տվյալների հետաքրքիր աղբյուր, որը ցույց կտա միացման միջին արագության դինամիկան` կախված ցանցային սարքավորումներից, օրվա ժամանակահատվածից, սակագնային փաթեթներից եւ այլ չափանիշներից»,- նշել է «ԱրմենՏել»-ի գլխավոր տնօրեն Իգոր Կլիմկոն:

Beeline ցանցում հայկական ինտերնետից օգտվողների ինտերնետ-միացման արագությունը կարելի է նաեւ չափել www.speedtest.net աղբյուրի միջոցով` Երեւանը նշելով որպես արագության չափման վերջնական կետ:

Աղբյուրը` iTel.am

Beeline-ը բարձրացնում է արագությունը Hi-Line-ի անսահմանափակ սակագնային փաթեթների բաժանորդների համար

Administrator — Thu, 29 Jul 2010 13:38:15 +0000

Beeline-ը բարձրացնում է արագությունը Hi-Line-ի անսահմանափակ սակագնային փաթեթների բաժանորդների համար

Beeline-ը հայտարարել է արագության բարձրացման մասին Hi-Line ծառայության անսահմանափակ սակագնային փաթեթների բոլոր բաժանորդների համար:

Մինչեւ ս.թ. օգոստոսի 15-ը նշված բաժանորդների կապուղիների թողունակությունը կավելանա 25%-ով:

““ԱրմենՏել”-ը բջջային կապի բաժանորդներին արդեն իսկ անակնկալներ է պարգեւել “Գիշերն է խոսում” ծառայության եւ “Ամառային SMS” փաթեթի տեսքով: Նոր սեզոնային առաջարկը հաճելի անակնկալ կհանդիսանա նաեւ Ինտերնետ ծառայությունից օգտվող հաճախորդների համար”, – նշեց “ԱրմենՏել” ՓԲԸ գլխավոր տնօրեն Իգոր Կլիմկոն:

Կապուղիների թողունակությունը բարձրացվում է Hi-Line ծառայության անսահմանափակ սակագնային փաթեթների Երեւանի եւ մարզերի բոլոր բաժանորդների համար` առանց լրացուցիչ վճարի:

Beeline. ինտերնետ ծառայությունների փորձարկման ցուցադրական գոտիներ

Administrator — Wed, 19 May 2010 12:10:41 +0000

«ԱրմենՏել» ընկերությունը (ապրանքանիշը Beeline) հաճախորդների սպասարկման որակի բարելավման ծրագրի շրջանակում Beeline վաճառքի և սպասարկման գրասենյակներում բացում է ինտերնետ ծառայությունների փորձարկման ցուցադրական գոտիներ, ասվում է «Արմենտել» ընկերության մամուլի ծառայության հաղորդագրությունում։

Beeline internet testing in Armenia

«Ցուցադրական գոտիները USB մոդեմ ձեռք բերողներին կամ Hi Line ծառայությանը միանալ ցանկացողներին կօգնեն փորձարկել ինտերնետի արագությունը նախքան պայմանագիր կնքելը»,- ասվում է հաղորդագրությունում։

Բացի այդ, բաժանորդները հնարավորություն կունենան իմանալ անլար և լարային կապի տեխնոլոգիաների տարբերությունները, ինչպես նաև ուղղել իրենց հարցերը ընկերության աշխատակիցներին: Սարքը գնելուց հետո Beeline մասնագետները բաժանորդի պահանջի համապատասխան՝ կիրականացնեն անհրաժեշտ կարգավորումները:

«Որպես կապի միասնական օպերատոր՝ «ԱրմենՏել» ընկերությունը տրամադրում է ինտերնետ մատչելիություն տարբեր տեխնոլոգիաների միջոցով, իսկ այս ցուցադրական գոտիները հնարավորություն են ընձեռում մեր հաճախորդին ծանոթանալ առաջարկվող ծառայություններին և ընտրել իր պահանջներին համապատասխան արագություն և տեխնոլոգիա»,- նշեց «ԱրմենՏել» ընկերության գլխավոր տնօրեն Իգոր Կլիմկոն:

Ինտերնետ ծառայությունների փորձարկման ցուցադրական գոտիները տեղադրված են Beeline վաճառքի և սպասարկման 11 գրասենյակում: Մոտ ապագայում ծառայության աշխարհագրությունը կընդլայնվի:

ԱրմենՏել ՓԲԸ-ն (Beeline ապրանքանիշ) «Վիմպելկոմ» ԲԲԸ դուստր ձեռնարկությունն է: «Վիմպելկոմ» ընկերությունների խումբն ընդգրկում է հեռահաղորդակցության օպերատորներ, որոնք մատուցում են ձայնային կապի և տվայների փոխանցման ծառայություններ անլար և ֆիքսված հեռախոսակապի տեխնոլոգիաների լայն շրջանակի հիման վրա, ինչպես նաև լայնաշերտ Ինտերնետ կապի ծառայություններ Ռուսաստանում, Ղազախստանում, Ուկրաինայում, Տաջիկստանում, Ուզբեկստանում, Վրաստանում և Հայաստանում: «Վիմպելկոմ» ընկերությունների խմբի արտոնագրերը ընդգրկում են ընդհանուր 340 մլն բնակչությամբ տարածքներ: Ծառայությունները մատուցվում են Beeline ապրանքանիշով: «Վիմպելկոմ« ԲԲԸ առաջին ռուսական ընկերությունն էր, որը գրանցվեց Նյու-Յորքի ֆոնդային բորսայում (NYSE): Ընկերության բաժնետոմսերը շրջանառվում են VIP ծածկագրով:

Աղբյուրը` Arka Telecom