ArmeniaMobile.net - Armenian mobile news & reviews » microblogging

Twitter – Քրիսթոֆեր Սթոներ. մեկ այլ բանով զբաղվեք՝ ցանց մտնելու փոխարեն..

Administrator — Wed, 22 Feb 2012 20:54:28 +0000

Twitter միկրոբլոգային ծառայության համահիմնադիր Քրիսթոֆեր Սթոները (Christopher Stoner) միկրոբլոգային ցանցի 500 միլիոն օգտատերերին խորհուրդ է տվել մեկ այլ բանով զբաղվել՝ ցանց մտնելու փոխարեն:

Ըստ Daily Mail-ի՝ Քրիսթոֆեր Սթոներն ասել է, որ չի ցանկանում, որ մարդիկ սոցիալական ցանցում շատ երկար ժամանակ անցկացնեն, քանի որ դա «ճիշտ չէ»: Սթոներն ասել է, որ մարդիկ դրա փոխարեն պետք է փորձեն պարզել, թե ինչ են իրենք ցանկանում և սկսեն այլ բաներով զբաղվել:

Սթոներն այն մարդկանցից մեկն էր, ովքեր 2006 թ. ստեղծեցին Twitter ծառայությունը, որի օգտատերերի թիվը երեկ հասել է 500 միլիոնի: Նա այնուհետև շարունակել է աշխատել ընկերությունում` ամեն ինչ անելով, որ այն դառնա աշխարհում արդեն այսքան հայտնի սոցիալական ցանց:

Սակայն շատ հաճախ օգտվողները բողոքում էին, որ ցանցի նկատմամբ կախվածություն են ձեռք բերում: Այդ իսկ պատճառով Մոնրեալում ընթացող համաժողովի ժամանակ 37-ամյա Սթոներն ասել է, որ ինքը երբեք չի ցանկացել, որ իրենց ստեղծած սոցիալական ցանցն այդքան կախվածություն առաջացնի։

«Կարծում եմ, որ ճիշտ է, երբ դու պարզապես այցելում ես կայք, գտնում այն, ինչ քեզ պետք է, մի լավ բան սովորում և հեռանում: Եվ դա առավել ճիշտ է, չնայած, որ մենք ցանկանում ենք, որ մեր օգտվողները հաճախ այցելեն մեզ մոտ»,– ասել է Սթոները: / 1in.am

Яндекс + Twitter = նոր որոնում, նոր համագործակցություն

Administrator — Wed, 22 Feb 2012 08:48:55 +0000

Ռուսական Яндекс ինտերնետ-ընկերությունը վերջին շրջանում ակտիվորեն զարգացնում է սոցիալական որոնման հնարավորությունները: 2 օր առաջ ընկերության կողմից գործարկվել էր սոցիալական պրոֆիլների որոնման հնարավորությունը:

Հայկական բիզնեսի առաջխաղացում սոցիալական մեդիայում (Social Media Promotion and Marketing): Կազմակերպության կամ բրենդի պաշտոնական էջերի ստեղծում և առաջխաղացում Facebook, Twitter, Google+ սոցիալական ցանցերում: [գովազդ]

Яндекс + Twitter = նոր որոնում, նոր համագործակցություն

Իսկ այժմ Яндекс-ը հայտնի միկրոբլոգային ծառայության` Twitter-ի հետ պայմանավորվածություն է ձեռք բերել, ըստ որի որոնողական համակարգի օգտվողները կկարողանան փնտրել Twitter-յան հաղորդագրություններ` նրանց հրապարակումից համարյա անմիջապես հետո: Twitter-յան հաղորդագրությունների որոնումը հնարավոր է կատարել www.twitter.yandex.ru պորտալում, ինչպես նաև Яндекс-ի «որոնում բլոգներում» հատվածում: Яндекс-ին այս պահին հասանելի են Twitter միկրոբլոգային ծառայության ավելի քան 2 մլն ռուսախոս, բելառուս, ուկրաինացի և ղազախ օգտվողների հաղորդագրությունները, ինչպես նաև այլ լեզուներով գրող հայտնի անձանց հրապարակումները:

«Twitter-ում ամեն օր հրապարակվում են 250 մլն-ից ավելի հաղորդագրություններ: Սա ինֆորմացիայի ահռելի քանակ է, աշխարհում տեղի ունեցող իրադարձությունների մասին ամենաարագ տեղեկացման միջոցներից մեկը, և մեր համագործակցությունը Яндекс-ի հետ ուղղված էհեշտացնելու օգտվողների կողմից ամենաակտուալ նորությունների որոնումը», – նշում է Էյփրիլ Անդերվուդը` Twitter-ի բիզնեսի զարգացման տնօրենը:

Պրոֆեսիոնալ բիզնես-բլոգների ստեղծում և առաջխաղացում: Բլոգային համալիր ծառայություներ հայկական բիզնեսների համար: [գովազդ]

Թվիթներ (tweets – թվիթերյան հաղորդագրություններ) որոնել հնարավոր է ինչպես հաշտեգերով (hashtags), այնպես էլ օգտվողի անունով: Եթե օգտվողը չի ցանկանում, որպեսզի իր հաղորդագրություններն հայտնվեն որոնողական համակարգերի արդյունքներում, ապա կարող է անջատել իր հաղորդագրությունների հասարակական հասանելիությունը: / ArmeniaMobile.net

Twitter-ի էջերում այսուհետ կտեղադրվեն փոքր բիզնեսի գովազդները

Administrator — Fri, 17 Feb 2012 17:34:12 +0000

Twitter միկրոբլոգային համակարգը թույլատրել է իր էջերում տեղադրել նաև փոքր բիզնեսի գովազդային առաջարկները: Այս մասին հաղորդում է BBC-ն՝ վկայակոչելով ընկերության ներկայացուցիչներին:

Այսպիսով, ընկերությունը հավասարեցրել է փոքր և խոշոր բիզնեսի ներկայացուցիչների իրավունքները: Մինչ այս Twitter-ում գովազդ տեղադրելու իրավունք ունեին միայն խոշոր ըկերությունները:

Նոր գովազդը կներկայացվի կարճ հաղորդագրությունների տեսքով (promoted tweets) և կերևա օգտատերերի լրահոսում, ինչպես նաև առանձին հաշիվներում:

Twitter-ի կողմից ներկայացվել է Follow սոցիալական կոճակը

Administrator — Thu, 02 Jun 2011 05:39:20 +0000

Սոցիալական մեդիայի ինտեգրացիան համաշխարհային ցանցի այլ ռեսուրսների հետ շարունակվում է. Ցանցը ունեցավ ևս մեկ “կարևոր կոճակ” – twitter follow button.

Twitter-ի կողմից ներկայացվել է Follow սոցիալական կոճակը

Twitter-ի պաշտոնական բլոգում հայտարարվել է Twitter-ը գործարկած նոր Follow (հետևել) կոճակի մասին։ Այն հնարավորություն է տալիս անմիջականորեն հետևել Twitter-ի հոսքին անմիջապես վեբ-կայքից։ Կոճակը պետք է ավելացնել կայքերում։

twitter.com/followbutton էջից կարող եք ստանալ Ձեր հաշվոհամարին հետևելու կոճակը և տեղադրել այն Ձեր կայքում, որը թույլ կտա Ձեր կայքի այցելուներին հետևել Ձեզ նաև Twitter-ում:

Այսպիսով, Twitter-ն ավելի մեծ նշանակություն է ստանում համաշխարհային ցանցում, որտեղ սոցիալական մեդիա ռեսուրսների մրցավազքին այսօր դժվար է արդեն հետևելը, և մրցակցությունը ստիպում է ինտերնետային գիգանտներին անել ամեն ինչ` ինտեգրվելու նոր ինտերնետային դաշտերի:

Նշենք նաև, որ նախօրեին Google-ի կողմից ևս հայտարարվել էր Google Plus One վեբ-կայքերի համար նախատեսված կոճակի մասին:

Հետևեք մեզ… )
Follow @armeniamobile

Սոցիալական որոնում Google-ի կողմից

Administrator — Sat, 06 Feb 2010 10:16:01 +0000

Google ընկերությունը դուրս է բերել ԲԵՏԱ ռեժիմից իր սոցիալական որոնման համակարգը: Այժմ արդեն Google-ի օգտվողները որոնողական արդյունքներում կարող են տեսնել իրենց ընկերների սոցիալական ցանցերի ակտիվությունը` գրառումները Twitter-ում, Friendfeed և Google Reader ակտիվությունը և այլն:

Google ընկերությունը սոցիալական որոնման համակարգը սկսել էր փորձարկել դեռ 2009-ի հոկտեմբերից, երբ այն նախատեսված էր ընդամնեը փորձարկել 1-2 շաբաթում, սակայն ժամանակը ցույց տվեց, որ փարձարկումների համար 3 ամիս ժամանակ հարկավոր եղավ:

Google-ի պնդմամբ, սոցիալական որոնման հիմնական առավելությունը որոնման կոնկրետ և գլխավոր արդյունքն է, չէ՞ որ նրանք կփնտրվեն հենց ձեր շրջապատի մարդկանց մոտ, այսինքն` վստահելի աղբյուրից:

Հիշեցնենք, որ այլ հեղինակավոր որոնողական համակարգերի նման (Bing, Yahoo!) Google-ը նույնպես պայմանավորվածություն է ձեռք բերել Twitter-ի հետ, որի շրջանակներում Google-ի սոցիալական որոնման արդյունքներում կցուցադրվեն միկրոբլոգային հաղորդագրությունների բովանդակությունները:

2 տարի անց Twitter-ում գրանցված կլինեն աշխարհի ընկերությունների 50%-ը

Administrator — Sat, 06 Feb 2010 10:15:22 +0000

Gartner ընկերության նոր հետազոտությունների համաձայն, ամբողջ աշխարհում կազմակերպությունները հրաժարվում են արդեն հնացած ինտերնետ-կոմունիկացիաներից և սկսում անցնել ավելի նորերին, ավելի ստույգ` սոցիալական ցանցերին և Twitter միկրոբլոգային ծառայությանը:

Gartner-ի վերլուծաբանները կանխատեսում են, որ հաջորդ երկու տարիների ընթացքում ամբողջ աշխարհում կազմակերպությունների մոտավորապես կեսը կսկսեն օգտագործել թվիթերը (Twitter.com): Իսկ մոտավորապես կեսը կփոխարինեն սոցիալական ցանցերով իրենց կոմունիակցիոն հիմնական եղանակը:

Աշխարհահռչակ Twitter միկրոբլոգային ծառայության հանրահայտության շնորհիվ շատ կազմակերպություններ փորձում են ստեղծել «կորպորատիվ թվիթեր հաշվեհամար» (corporate twitter account), որը կլինի ավելի պաշտպանված և հարմար աշխատակիցների միջև օգտագործման համար:

Թվիթերի առավելությունները կազմակերպությունների համար կայանում են նրանում, որ այս ծառայությունը թույլ է տալիս չափազանց արագ ստանալ շատ հարցերի պատասխաններ ցանկացած հարցերի վերաբերյալ, արագ իմանալ, թե ինչով է զբաղված իրենց կոլագենարից որևէ մեկը և այլն: Ավելին, շատ կազմակերպություններ թվիթերն օգտագործում են որպես համատեղ աշխատանքի հարմար գործիք կամ որպես մտքերի քննարկման և հավաքման տիրույթ: