ArmeniaMobile.net - Armenian mobile news & reviews

«РосТелеком»ը $22,5 մլն-ով ձեռք է բերել «GNC-Alfa»-ի 75% բաժնետոմսերը

Administrator — Fri, 03 Feb 2012 07:28:35 +0000

Հայաստանի ինտերնետ շուկայում նոր բաժնետեր է հայտնվել. Ռուսաստանի հեռահաղորդակցության ոլորտի առաջատար ընկերություններից մեկը՝ «Ռոստելեկոմը», 22,5 մլն դոլարով ձեռք է բերել GNC-Alfa հայաստանյան մագիստրալային ինտերնետ օպերատորի «75%՝ հանած մեկ բաժնետոմս» բաժնեմասը:

«РосТелеком»ը $22,5 մլն-ով ձեռք է բերել «GNC-Alfa»-ի 75% բաժնետոմսերը

Ինչպես հաղորդում է ռուսական Gazeta.ru կայքը, ռուսական ընկերության նախագահ Ալեքսանդր Պրովոտորովն ասել է, թե «GNC-Alfa-ի նկատմամբ վերահսկողության ձեռքբերումը «Ռոստելեկոմին» թույլ կտա զարգացած ենթակառուցվածք ձեռք բերել աճի զգալի ներուժ ունեցող Հայաստանի հեռահաղորդակցության շուկայում` ծառայություններ մատուցելու համար»:

GNC-Alfa ընկերությունը ժամանակակից օպտիկամանրաթելային մագիստրալի միջոցով (ավելի քան 1500 կմ երկարություն) ծածկում է Հայաստանի տարածքի 70 տոկոսը և ունի ելք դեպի Իրան և Վրաստան ու ապահովված է երեք միջազգային կապուղիներով. մեկը` հարավում (հարավային հատվածը` Երևանի և Հայաստան-Իրան սահմանի միջև, շահագործման է հանձնվել 2009թ), երկուսը` հյուսիսում (ցանցի հյուսիսային հատվածները` Երևանի և Հայաստան-Վրաստան սահմանի միջև, գործում են 2010թ. մարտից):

2011թ. GNC-Alfa-ի հասույթը 12 մլն դոլարի է հասել, իսկ մաքուր պարտքը, գործարքի պահին, 1 մլն դոլարից պակաս:

Այն, որ «Ռոստելեկոմը» պատրաստվում է ձեռք բերել GNC-Alfa-ի բաժնետոմսերի փաթեթը, հայտնի դարձավ 2012թ. հունվարի 13-ին: Ռուսական լրատվամիջոցները գրել էին, թե ռուսական ընկերությունը ցանկանում է գնել Հայաստանի հեռահաղորդակցության ոլորտի մեկ այլ պրոդուկտ` անկախ ինտերնետ մատակարար Ucom ընկերությունը, իսկ դա նշանակում է, որ Հայաստանի լայնաշերտ ինտերնետ հասանելիության շուկայում ապագայում «Ռոստոլեկոմի» մասնաբաժինը կարող է մոտ 13 տոկոս կազմել:

Աղբյուրը` ԹԵՐԹ.am

Հանրային զուգարանների նավիգացիա` սմարթֆոններում

Administrator — Thu, 02 Feb 2012 09:31:59 +0000

Եթե երբևէ, դրսում լինելով, սկսել եք մտածել, թե որտեղ է մոտակա հանրային զուգարանը, ապա շուտով այլևս դրա կարիքը չի զգացվի:

Daily Mail-ի փոխանցմամբ՝ սմարթֆոնների նոր ծրագիրը ցույց է տալիս, թե որտեղ է մոտակա հանրային զուգարանը` օգտագործելով կառավարության կողմից տրամադրված տեղեկատվությունը: Ծրագիրը մրցույթում առաջին տեղն է գրավել:

Այն կազմվել է Ամստերդամի համալսարանի երեք ուսանողների կողմից: Ծրագրի մյուս յուրահատկությունն այն է, որ կարողանում է տարբերել հանրային և «կիսահանրային» զուգարանները:

Հանրային զուգարանը առանձին շինություն է, որը բաց է հանրության համար, իսկ «կիսահանրային» զուգարանը մի վայր է, որը նույնպես հասանելի է հանրությանը, բայց գտնվում է խանութի կամ այլ շինության ներսում:

Ծրագիրն այժմ հասանելի է միայն Նիդերլանդներում, բայց ակնկալվում է, որ այն շուտով կտարածվի արևմտյան երկրներում, և անշուշտ դրանից ամենից շատ կօգտվեն զբոսաշրջիկները: Մրցույթը կազմակերպվել էր Նիդերլանդների կառավարության կողմից:

Աղբյուրը` 1in.am

Իրանում ձերբակալվել են Facebook-յան գեղեցկության մրցույթի կազմակերպիչները` «կոռուպցիայի եւ անամոթության» համար

Administrator — Thu, 02 Feb 2012 09:23:03 +0000

Իրանում ոստիկանության աշխատակիցները, ովքեր պատասխանատու են կիբերհանցագործությունների համար, ձերբակալել են Facebook սոցիալական ցանցում խմբերից մեկի 4 ադմինիստրատորների (group admins):

Իրանում ձերբակալվել են Facebook-յան գեղեցկության մրցույթի կազմակերպիչները` «կոռուպցիայի եւ անամոթության» համար

Խմբում գեղեցկության վիրտուալ մրցույթ է կազմակերպվել, որի պատճառով նրա ղեկավարներին մեղադրել են «կոռուպցիայի եւ անամոթության» համար:

Ձերբակալվածներից երկուսը կին են, երկուսը` տղամարդ: Նրանց խմբում ընդգրկվել են շուրջ 25 հազար իրանցի աղջիկներ ու տղաներ, ովքեր ադմինիստրատորների կոչով հրապարակել են իրենց լուսանկարները: Հիմա բոլոր նրանց նկատմամբ հնարավոր է հետապնդում սկսվի, հաղորդում է Gazeta.ru-ն:

Նշենք, որ Իրանում Facebook սոցիալական ցանցի հասանելիությունը սահմանափակված է, սակայն շատերը եղանակներ են գտնում արգելքը հաղթահարելու համար, օգտագործելով տարբեր ծրագրեր:

Աղբյուրը` News.am

ArmenTel-ը կհովանավորի 6 գյուղերի ավելի քան 100 ուսուցիչների գրագիգտության բարձրացմանն ուղղված ծարգրերին

Administrator — Thu, 02 Feb 2012 09:09:10 +0000

ԱրմենՏել ընկերության (Beeline Armenia) գլխավոր տնօրեն Իգոր Կլիմկոն և Հայաստանի մանուկների հիմնադրամի հիմնադիր և խորհրդի ատենապետ Գարո Արմենը ստորագրել են փոխհամաձայնության հուշագիր` 1 տարի համագործակցության մասին։

Համաձայնագրի շրջանակում ԱրմենՏելը հովանավորելու է երկու նախագիծ։

ArmenTel-ը կհովանավորի 6 գյուղերի ավելի քան 100 ուսուցիչների գրագիգտության բարձրացմանն ուղղված ծարգրերին

Արմավիրի և Արագածոտնի մարզերի 6 գյուղերի ավելի քան 100 ուսուցիչներ կմասնակցեն համակարգչային գրագիգտության բարձրացմանն ուղղված ծարգրերին։ Դասընթացների ընթացքում ուսուցիչները կսովորեն հիմնարար համակարգչային գիտելիքներ, ինտերնետից օգտվել և կիրառել տեղեկատվական ռեսուրսներն ուսումնական գործընթացում։

Մյուս ծրագիրը բնապահպանական է։ «Ազատենք շրջակա միջավայրը պոլիէթիլենային տոպրակներից» ծրագրի շրջանակում կարտադրվեն սկզբնական 3000 կտորե տոպրակ և կտարածվեն խանութներում, Բիլայնի ցանցի միջոցով, նվերների տեսքով և այլն։

Դրանց օգտագործումը կօգնի կրճատել շրջակա միջավայրին վնաս հասցնող պոլիէթիլենային տոպրակների կիրառումը։

«Այս ծրագրի միջոցով կլուծվի թե՛ բնապահպանական խնդիր և թե՛սոցիալական։ Կտորե տոպրակների արտադրության համար կբացվեն աշխատատեղեր գյուղական համայնքներում։ Մենք արդեն 3-րդ տարին է, ինչ իրականացնում ենք Հայաստանի գյուղական համայնքների զարգացմանը նպաստող ծրագրեր՝ ելնելով սոցիալ-կորպորատիվ պատասխանատվությունից։ Մեր ծառայություններից օգտվում է ողջ Հայաստանը, հետևաբար մեր ծրագրերի 80%-ն ուղղված է ժողովրդին»,-նշեց Իգոր Կլիմկոն։

Աղբյուրը` PanArmenian.net

ՀՀ Կառավարությունը հարկային արտոնություն է պատրաստում ՏՏ ոլորտի համար

Administrator — Thu, 02 Feb 2012 08:57:13 +0000

Թեեւ տեղեկատվական տեխնոլոգիաների ոլորտը դեռ 2000 թվականից ճանաչվել է տնտեսության զարգացման գերակա ուղղություն` ոլորտը հարկային արտոնություններ չի ունեցել: Հիմա ՀՀ կառավարությունը որոշել է լրացնել այդ բացը:

Կառավարությանն առընթեր պետեկամուտների կոմիտեի առաջարկով` տեղեկատվական տեխնոլոգիաների եւ համակարգչային տեխնիկայի բնագավառում իրականացվող ծրագրային ապահովման հարմարեցումը, արտադրության պրոցեսում նորամուծությունների ներդրումը եւ ինովացիոն գործունեությունը հարկման առումով կհամարվեն գիտահետազոտական եւ փորձակոնստրուկտորական աշխատանքներ: Իսկ դա նշանակում է, որ այդ աշխատանքների վրա կատարված ծախսերը կնվազեցվեն համախառն եկամտից (կներառվեն ինքնարժեքում):

Նշենք, որ շահութահարկի մասին օրենքով` ՀՀ կառավարությունն իրավունք ունի սահմանել գիտահետազոտական եւ փորձակոնստրուկտորական աշխատանքների դասակարգումը (հասկացությունը):

Այս հարցը ներառված է ՀՀ կառավարության փետրվարի 2-ի նիստի օրակարգում:

Աղբյուրը` News.am

Mozilla Firefox-ի 10-րդ թարմացումը հնարավոր է օգտագործել հայերեն լեզվով

Administrator — Thu, 02 Feb 2012 08:30:18 +0000

Mozilla Firefox բրաուզերի նոր` 10-րդ թարմացումը հասանելի է արդեն հայերեն լեզվով։ Այս մասին PanArmenian.Net ի թղթակցին տեղեկացրել է «Մոզիլլա Հայաստան» թիմի անդամ Հրանտ Օհանյանը։

Mozilla Firefox-ի 10-րդ թարմացումը հնարավոր է օգտագործել հայերեն լեզվով

Mozilla ընկերությունն ընդամենը երկու օր առաջ հայտնեց 10-րդ տարբերակի թողարկման մասին: Այն իր մեջ ներառում է լուռ թարմացման մեխանիզմ, այսինքն բրաուզերն ավտոմատ կերպով անջատում է անհամատեղելի հավելումները (add-ons) և նշում մնացյալ բոլոր հավելումները որպես համատեղելի;

Բոլոր այն հավելումները, որոնք աշխատում էին Firefox 4-ի հետ, այսուհետ համատեղելի կլինեն Firefox 10-ում, նշում է ընկերությունը։ Firefox 10-ը նախագծողներին ազատում է հավելյալ աշխատանքից և այդ գործընթացը տեղի է ունենում ավտոմատ կերպով։

Հայերեն Firefox 10-ը կարելի է ներբեռնել հենց Mozilla-ի պաշտոնական կայքից։

«Մոզիլլա Հայաստան» թիմի նպատակն է հայաֆիկացնել Մոզիլլա կազմակերպության ծրագրերը` հասանելի դարձնելով հայերեն լեզվով, և տարածել հայերենը տեղի ՏՏ ոլորտում: Աշխատանքը ղեկավարում են Mozilla Foundation-ի 2 կամավոր աշխատակիցներ (Contributor)` Արմեն Զամբրանո Գասպարյանը և Ռոբերտ Սարգսյանը, իսկ կամավոր թարգմանիչները 11-ն են։

Orange, Beeline եւ VivaCell-MTS. ու՞մ է ավելի հարկավոր MNP-ն

Administrator — Thu, 02 Feb 2012 08:26:12 +0000

Նախորդ շաբաթ Հայաստանում կրկին քննարկումներ սկսվեցին բջջային համարի շարժականության համակարգի (Mobile Number Portability, MNP) ներդրման խնդրի շուրջ: ՀՀ կապի եւ տրանսպորտի նախարարի հետ հանդիպմանն այս հարցը բարձրացրեց Ֆրանս Տելեկոմ-Orange խմբի փոխնախագահ Բենուա Շինը: «Դելովոյ Էքսպրես» թերթի հետ հարցազրույցում նա նշել է, որ MNP-ի ներդրումը գուցե միակ բանն է, ինչը Orange-ին չի հաջողվել անել Հայաստանում:

«MNP-ի առկայությունն ոչ միայն փոխում է բաժանորդ-օպերատոր հարաբերությունները, այլեւ սկզբունքորեն փոխում շուկայի հասկացողությունը` դինամիկան», – ասել է Բենուա Շինը:

«Հայաստանում, կարծես թե, խոսում են MNP-ի ներդրման մասին մինչեւ 2013-ի վերջ, ինչը նշանակում է եւս 2 տարի շարունակել աշխատել առանց այդ դինամիկայի: Կարծում եմ, վերոնշյալ ժամկետը չափազանց ուշ է, եւ ափսոսում եմ, որ մարդիկ ստիպված կլինեն սպասել եւս 2 տարի, մինչեւ կարողանան օգտվել այդ ծառայությունից»,- ասել է Orange-ի փոխնախագահը:

Կարդալ ամբողջության այստեղ >

«ՄՏՍ կոնեկտ անսահմանափակ» եւ «ՄՏՍ կոնեկտ անսահմանափակ+» փաթեթների բաժանորդները կստանան կրկնակի ծավալի ինտերնետ

Administrator — Thu, 02 Feb 2012 08:17:40 +0000

2012թ. փետրվարից մինչև մայիս ամիսներին Վիվասել-ՄՏՍ-ի «ՄՏՍ կոնեկտ անսահմանափակ» փաթեթի բաժանորդները միեւնույն գումարի դիմաց ներբեռնման համար կստանան ամսական 10ԳԲ գերարագ ինտերնետ` նախկին 5-ի փոխարեն:

«ՄՏՍ կոնեկտ անսահմանափակ+» փաթեթի բաժանորդները ներբեռնման համար նախկին 10ԳԲ-ի փոխարեն կստանան ամսական 20ԳԲ գերարագ ինտերնետ:

Աղբյուրը` iTel.am

Facebook-ը դիմում է IPO-ի` $5 մլրդ-ի ակնկալիքով

Administrator — Thu, 02 Feb 2012 07:11:38 +0000

Աշխարհում խոշորագույն Facebook սոցիալական ցանցը բորսայում բաժնետոմսերի առաջնային տեղադրման (IPO) դիմում է ներկայացրել: Ծառայությունը ակնկալում է ներգրավել առնվազն 5 միլիարդ դոլար, այս մասին հայտնում է Associated Press գործակալությունը:

ԱՄՆ Արժեթղթերի և բորսաների հանձնաժողով (SEC) ներկայացված փաստաթղթում ասվում է, որ Facebook-ի ամենաշատ բաժնետոմսերը պատկանում են ծառայության հիմադիրներ Մարկ Ցուկերբերգին (28,2%) և Դասթին Մոսկովիցին (7,6%), Accel ներդրումային հիմնադրամին (11,4%), ինչպես նաև Ալիշեր Ուսմանովի և Յուրի Միլների DST ներդրումային հիմնադրամին (5,5%):

Դիմումի մեջ նշվում է, որ ամեն ամիս Facebook սոցցանցից օգտվում է ավելի քան 845 միլիոն օգտատեր, իսկ Facebook-ի գրառումները ամեն օր ունենում են 2,7 միլիարդ «Like» և մեկնաբանություն:

Ինչպես նշում է Wall Street Journal-ը, Facebook-ը ցուցադրում է աճի բարձր տեմպ, սակայն փորձագետները սպասում էին ավելի բարձր ցուցանիշներ: Անկախ գնահատականներով՝ Facebook-ի եկամուտը 2011 թվականին կազմել է 4,27 միլիարդ ԱՄՆ դոլար:

Աղբյուրը` 1in.am

1.001.619 մեկնաբանություն` Facebook-յան հաղորդագրության տակ

Administrator — Wed, 01 Feb 2012 21:28:57 +0000

Fox40.com կայքը հայտնում է, որ ռեկորդակիր ստատուսի դիպվածն ունի այս պատմությունը. ամեն ինչ սկսվել է այն ժամանակ, երբ FrontierVille խաղի երկրպագուների էջում հոկտեմբերի 30-ին մի հաղորդագրություն է տեղադրվել: Այնուհետև 100 երկրպագուներից բաղկացած խումբը որոշել է, որ չափազանց մեծ թվով պատասխան մեկնաբանություններ պետք է գրվեն, որի շնորհիվ հնարավոր կլինի հայտնվել համաշխարհային ռեկորդների գրքում:

Խումբը կարողացել է կատարել երազանքը և հաղորդագրության տակ 1.001.619 մեկնաբանություն թողնել: Սա նշանակում է, որ յուրաքանչյուր օգտատեր պետք է որ էջում առնվազն 9500 անգամ մեկնաբանություն գրած լինի:

Fox40-ը խոսել է խմբի անդամներից մի քանիսի հետ, և նրանք ասել են, որ ցանկացել են ցույց տալ, թե ինչքան ուժեղ կարող է լինել խումբը և ինչերի կարող է հասնել, եթե նրա անդամները միասին աշխատեն:

Աղբյուրը` 1in.am