Այն նվիրված է բջջային հեռախոսների համար նախատեսված լավագույն բովանդակության ընտրությանը եւ աջակցմանը: Ընկերությունները ներկայացնում են բջջային հեռախոսների համար պատրաստված ծրագիր կամ ծառայություն, որը ցանկանում են ներկայացնել աշխարհին։

Թեեւ Հայաստանում բջջային հեռախոսների արտադրություն չկա, ՏՏ ոլորտի հայաստանյան մի շարք ընկերություններ այս տարի առաջին անգամ կմասնակցեն մրցույթին: Սեպտեմբերի 5-ին ավարտվեց մրցույթի հայաստանյան փուլի մասնակիցների գրանցումը։ ՀԳՄ/ WSA-mobile-ի մրցույթին մասնակցող նախագծերի ազգային ընտրությունը կատարում է ՀԳՄ /WSA Ազգային փորձագետը:

Հենց նա էլ համաշխարհային մրցույթին առաջադրում եւ ներկայացնում է իր երկրի լավագույն ծրագրերն ու նախագծերը`  կատեգորիաներից յուրաքանչյուրում ընտրելով մեկական գործ։

Հայաստանի Ազգային փորձագետ Գարեգին Չուգասզյանը NEWS.am- Ինովացիայի թղթակցի հետ զրույցում ասել է, որ հայաստանյան ընկերությունների ցանկությունը` մրցելու միջազգային չափանիշներով, արդեն իսկ դրական շարժ է։ «Սա փորձ է հասկանալու, թե էլեկտրոնային բովանդակությունը մոբիլում, որքանո՞վ է Հայաստանում ինքնուրույն ճյուղ, եւ հնարավորություն է գնահատելու դրա հեռանկարները։»,- ասաց Գ. Չուգասզյանը։

Նրա խոսքով՝ հայաստանյան ընկերությունները կմասնակցեն համաշխարհային մրցույթին առայժմ երկու անվանակարգերում, իսկ մասնակից ընկերությունների անունները կհայտարարվեն շուրջ 10 օրից։

Համաշխարհային գագաթաժողովի մրցանակաբաշխություն Mobile 2010 մրցույթին կմասնակցի ավելի քան 160 երկիր։

Աղբյուրը` News.am

Digitec բիզնես ցուցահանդես, Հայաստան 2010

30 ընկերություն արդեն մասնակցության հայտ է ներկայացրել Digitec 2010 բարձր տեխնոլոգիաների ամենամյա ցուցահանդեսին, որը տեղի կունենա հոկտեմբերի 30-31-ը Երեւանում` Կարեն Դեմիրճյանի անվ. Մարզահամերգային համալիրում:

Ինչպես Մեդիամաքս-ին հայտնել են ՀՀ Ինֆորմացիոն տեխնոլոգիաների ձեռնարկությունների միության (UITE) մամուլի ծառայությունում, ներկայումս ցուցահանդեսի տարածքի 72%-ը արդեն զբաղեցված է:

Ցուցահանդեսի «պլատինե» հովանավորն է «ՎիվաՍել-ՄՏՍ» ընկերությունը, որն օրերս է համալրել UITE-ի շարքերը ի թիվս Publicus Hepta (ՀՀ-ում HP-ի ներկայացուցիչ), Essential Solutions, AcTrade-Soft, Sabio Strategc Solutions եւ Intracall ընկերությունների: Ներկայումս UITE անդամներ են ՀՀ 240 IT-ընկերություններից 47-ը:

Աղբյուրը` iTel.am

Ինչպես հաղորդում է Մեդիամաքսը, Orange Armenia-ի գլխավոր տնօրեն Բրունո Դյութուան այսօր ասաց, որ “այս նոր մոդեմների մեկնարկով, ինչպես նաեւ վերազինված արդիական 3G+ ցանցի շնորհիվ Orange-ն արագության եւ որակի նոր չափանիշներ է սահմանում հայաստանյան շարժական ինտերնետի շուկայում»:

նոր մոդեմների շնորհիվ կարելի է տվյալներ բեռնել 9 Մբիթ/վ արագությամբ

Բրունո Դյութուան տեղեկացրեց, որ ներկայումս տվյալների փոխանցման արագությունը տեսականորեն մինչեւ 14,4 Մբիթ/վ հնարավոր է դարձել հասցնել Երեւանում, Գյումրիում եւ Վանաձորում:

Orange Armenia-ի մարքեթինգի տնօրեն Արամ Մկրտչյանը պարզաբանեց, որ կատարյալ պայմաններում նոր մոդեմների շնորհիվ կարելի է տվյալներ բեռնել 9 Մբիթ/վ արագությամբ, իսկ միջինում բաժանորդները կունենան 2-5 Մբիթ/վրկ արագություն:

Արամ Մկրտչյանը տեղեկացրեց,  որ նոր մոդեմները կարելի է ձեռք բերել ինչպես մեկ տարվա բաժանորդագրությամբ, այնպես էլ առանց բաժանորդագրության: Մեկ տարով բաժանորդագրվելու դեպքում մոդեմը կարժենա 15 000 դրամ, իսկ մոդեմն առանց տարեկան պայմանագրի գնելու դեպքում՝ 37 000 դրամ:

Նոր մոդեմներ կարող են ձեռք բերել նաեւ Orange-ի ինտերնետ ծառայությունների գործող բաժանորդները՝ վերադարձնելով հին մոդեմը, վճարելով 15 000 դրամ եւ երկարացնելով պայմանագրի գործողության ժամկետը:

Ինտերնետ ծառայությունների սակագնային պլանները նոր մոդեմների օգտագործողների համար չեն փոփոխվի:

Բրունո Դյութուան տեղեկացրեց, որ ներկայումս Orange Armenia-ի ինտերնետ-բաժանորդների թիվը գերազանցել է 35 000-ը:

iTel

Internet in Armenia

«Hi Line ֆիքսված ինտերնետի աշխարհագրության ընդլայմանը եւ նոր սակագնային փաթեթների գործարկմանը զուգահեռ, մենք ընդլայնում ենք երրորդ սերնդի ցանցը եւ նոր առաջարկների միջոցով բարձրացնում նաեւ շարժական ինտերնետի հասանելիության աստիճանը: Մեր հաճախորդները կարող են ընտրել այն տարբերակը, որն առավել գերադասելի է վերջիններիս համար»,- նշել է «ԱրմենՏել»-ի Գլխավոր տնօրեն Իգոր Կլիմկոն:

Շարժական ինտերնետը համակարգչից GPRS, EDGE կամ 3G  տեխնոլոգիաների միջոցով ինտերնետ ցանցին միանալու պարզ լուծում է: Դրա համար անհրաժեշտ է պարզապես տեղադրել  Beeline SIM քարտը USB մոդեմի մեջ եւ միացնել այն համակարգչին:

Աղբյուրը` News.am

Մինչդեռ, այսուհետ ՎիվաՍել-ՄՏՍ-ի «ՄՏՍ կոնեկտ անսահմանափակ» փաթեթի բաժանորդները, օգտվելով անսահմանափակ ինտերնետից, կստանան ամսական 5 ԳԲ գերարագ ինտերնետ նախկին 1 ԳԲ-ի փոխարեն: Այսինքն, բաժանորդները շարունակում են վճարել միևնույն ամսավճարը (8800 դրամ), սակայն տրամադրվող գերարագ ինտերնետի ծավալը հնգապատկվում է: Ինչպես միշտ, 1 տարով բաժանորդագրվելու դեպքում «ՄՏՍ կոնեկտ՚» մոդեմը տրամադրվում է անվճար, ասվում է ընկերության մամլո հաղորդագրության մեջ:

«Բջջային ՀեռաՀամակարգեր» ԲԲԸ դուստր ձեռնարկության` ՎիվաՍել-ՄՏՍ-ի բաժանորդների թիվը 2010 թվականի հունիսի 30-ի դրությամբ հասել է 2,1 միլիոնի: Ինչպես PanARMENIAN.Net -ին հաղորդել են ընկերության մամլո ծառայությունից, ՎիվաՍել-ՄՏՍ բաժանորդային բազայի աճն անցյալ տարվա համեմատ կազմել է 3,9%: Այդ միջոցին, ՄՏՍ ընկերության բաժանորդների կոնսոլիդացված քանակը 2010 թվականի հունիսի 30-ի դրությամբ կազմել է 98,8 մլն հոգի: «Բջջային ՀեռաՀամակարգեր» ԲԸ-ն (NYSE : MBT) Ռուսաստանի և ԱՊՀ երկրների բջջային կապի խոշորագույն օպերատորն է: Դուստր ձեռնարկությունների հետ միասին կազմակերպությունը սպասարկում է ավելի, քան 97.76 միլիոն բաժանորդի: Ռուսաստանի 82 տարածաշրջանների բնակչությունը, ինչպես նաև Հայաստանի, Բելառուսի, Ուկրաինայի, Ուզբեկստանի և Թուրքմենստանի բնակչությունը, որտեղ ՄՏՍ-ը և իր դուստր ձեռնարկություններն ունեն լիցենզիա GSM ստանդարտներին համապատասխան ծառայություններ մատուցելու համար, կազմում է ավելի քան 230 միլիոն մարդ:

ՎիվաՍել-ՄՏՍ-ի հաշիվները կարելի է լիցքավորել` ԱՄՆ-ում, Կանադայում, Գերմանիայում և Իսպանիայում տեղակայված ezetop համակարգի տերմինալների, ինչպես նաև www.ezetop.com կայքի միջոցով: ՎիվաՍել-ՄՏՍ և ezetop ընկերությունները հայտարարում են միջազգային լիցքավորման նոր ծառայության գործարկման մասին, որի շնորհիվ, արտասահմանից հնարավորություն է ընձեռվում վերալիցքավորելու Հայաստանում գտնվող մտերիմների ՎիվաՍել-ՄՏՍ-ի կանխավճարային քարտերը:

Նոր ծառայությունն առաջարկվում է Իռլանդիայում գործող ezetop ընկերության հետ համատեղ: Այն արտասահմանում գտնվողներին հնարավորություն է ընձեռում աջակցելու հայրենիքում ապրող իրենց ընտանիքներին և ընկերներին` անմիջապես լիցքավորելով նրանց կանխավճարային հաշիվները` որոշակի խոսելաժամանակով:

ՎիվաՍել-ՄՏՍ-ի վերալիցքավորման համակարգը հասու կլինի ԱՄՆ-ում, Կանադայում, Գերմանիայում, Իսպանիայում և բազմաթիվ այլ երկրներում, ուր կտեսնեք ezetop ընկերության լոգոտիպը, ինչպես նաև աշխարհի ցանկացած կետում գտվելիս` www.ezetop.com կայքի միջոցով:

Հուլիսի 21-ին Տավուշի մարզի Բերդ քաղաքի թիվ 1 միջն. դպրոցում բացվեց «Այբ» կրթական հիմնադրամի «ԱյբԼաբ» ծրագրի շրջանակներում գործարկվող ինֆորմատիկա առարկայի ուսումնական լաբորատորիան: Ինֆորմատիկայի այս լաբորատորիան համալրված է տասը համակարգիչներով և նախատեսված է մինչև 20 աշակերտ ունեցող դասարանների հետ տեսական ու գործնական պարապմունքներ կազմակերպելու համար:

Այն ծառայելու է ինչպես դպրոցական ծրագրերի, այնպես էլ արտադասարանային և խորացված պարապմունքների, համակարգչային ուղեկցում պահանջող այլ առարկաների ուսումնական նպատակների համար: Այս լաբորատորիան մտնում է բոլոր «ԱյբԼաբ»-երը միավորող միասնական ցանցի մեջ` ապահովելով փորձի փոխանակումը, ռեսուրսների համատեղ օգտագործումը, կառավարման ընդհանուր տեխնոլոգիաների կիրառումը և այլն:

Ինֆորմատիկայի «ԱյբԼաբ»-ը հովանավորել է «Այբ» կրթական ակումբի հիմնադիր անդամ, հայտնի ֆինանսիստ Արթուր Բերդը (Ֆրանսիա / ԱՄՆ), որը հատուկ ժամանել է Հայաստան` ներկա գտնվելու «ԱյբԼաբ»-ի բացմանը: Բացմանը ներկա կլինեն նաև «Այբ» կրթական հիմնադրամի տնօրեն Դավիթ Սահակյանը, Տավուշի մարզպետարանի կրթության վարչության պետ Աշոտ Փաշինյանը, դպրոցի ուսուցիչներ, աշակերտներ, ծնողներ:

Ակնկալվում է նաև Բերդի քաղաքապետի ներկայությունը: «Այբ» կրթական հիմնադրամը, ի թիվս Հայաստանի կրթական համակարգի զարգացմանն ու կատարելագործմանն ուղղված այլ ծրագրերի, նախագծում և դպրոցներում տեղադրում է արդիական ուսումնական լաբորատորիաներ: Սրանք ամբողջական լաբորատոր համալիրներ են` իրենց ուրույն տարածքային լուծումներով, կահավորանքի ու սարքավորումների համալրվածությամբ, հաղորդակցության և անվտանգության համակարգերով: Առաջին «ԱյբԼաբ»-երը` քիմիա և ֆիզիկա առարկաներից, ստեղծվել են Երևանի Ա. Շահինյանի անվ. ֆիզիկամաթեմատիկական հատուկ դպրոցում: Ընթացքի մեջ են Երևանի և մարզերի մի շարք դպրոցներում տարբեր առարկաների ուսումնական «ԱյբԼաբ»-երի գործարկման ծրագրերը:

«ՋիԷնՍի-Ալֆա»«/b» ՓԲԸ ավարտել է իր համապետական ծածկույթի 10 Գբ/վ թողունակությամբ IP/MPLS ցանցի ընդլայնման առաջին փուլը: Աշխատանքների արդյունքում Երևանում և ութ մարզերի16 բնակավայրերում (Աբովյան, Նոր Հաճըն, Մասիս, Ջերմուկ, Քաջարան, Ագարակ, Աշտարակ, Ապարան, Գյումրի, Սպիտակ, Վանաձոր, Ստեփանավան, Ալավերդի, Տաշիր, Բագրատաշեն) շահագործման են հանձնվել ընկերության ցանցի հանգույցներ, որոնք հագեցած են ամերիկյան Juniper Networks արտադրության գերժամանակակից սարքավորումներով:

Օրիգինալը` PanArmenian.net

Հայաստանում յուրաքանչյուր 24-րդ համակարգիչ և Ադրբեջանում յուրաքանչյուր 39-րդ համակարգիչ կարող են ենթարկվել վիրուսային հարձակման: Այդպիսի տեղեկատվություն է պարունակվում AVG ընկերության հաշվետվությունում: Ցուցակը գլխավորում են Թուրքիան և Ռուսաստանը: Տեղեկատվական անվտանգության առումով ամենաանվտանգ երկրներն են Ճապոնիան, Թայվանը, ինչպես նաև մի շարք աֆրիկյան երկրներ (Սիերա Լեոնե, Նիգերիա և այլն):

Հայաստանը հաքերային գրոհների և համակարգչային վիրուսներով վարակվելու քանակությամբ զբաղեցնում է երրորդ տեղը

AVG ընկերության ավագ գիտաշխատող Ռոջերս Թոմպսոնի խոսքերով, Թուրքիայում, Ռուսաստանում, Հայաստանում և Ադրբեջանում ցուցանիշների բարձր մակարդակի պատճառն անօրինական վեբ-կայքերի տարածված լինելն է, ինչպես նաև օգտագործողների անզգուշությունն ինտերնետում հղումներով և ֆայլերով փոխանակվելու ժամանակ:

AVG ընկերությունը համաշխարհային առաջատար է տվյալների պաշտպանության ապահովման ծրագրերի ստեղծման ոլորտում: Ընկերության հաճախորդներն են ավելի 80 մլն տնային օգտագործողներ և փոքր ձեռնարկություններ 167 երկրներում: Ընկերության գլխամասային գրասենյակը գտնվում է Ամստերդամում:

Աղբյուրը` PanArmenian.net

Հայաստանում սմարթֆոնների շուկայի պոտենցիալը կազմում է տարեկան 3-4 հազար նմուշ

«Հայաստանում սմարթֆոնների շուկան գնահատելը բարդ է, քանի որ այն սկսել է վերջերս զարգանալ, ինչին նպաստել է Orange Armenia ընկերությունը` Հայաստանում ներկայացնելով iPhone, HTC, իսկ հիմա BlackBerry»,- ասել է Դյութուան: Orange Armenia-ն օգոստոսի 26-ին ներկայացրել է BlackBerry Bold 9700 սմարթֆոնը: BlackBerry լուծումը սմարթֆոնների, ծրագրային ապահովումների և ծառայությունների համատեղություն է:

Աղբյուրը` PanArmenian.net

Ինչպես Մեդիամաքս-ին հայտնել են «Մեգա Պանտերա»-ում, այսուհետ այն անձինք, ովքեր ցանկանում են

MegaPay

հայտարարություն տեղադրել «Շանթ» հեռուստաընկերության «վազող տողով», կարող են կատարել իրենց վճարումները MegaPay տերմինալների միջոցով:

Պատվիրատուն պետք է վճարման հաջորդ օրը անդորրագրում նշված հեռախոսահամարով զանգահարի «Շանթ» հեռուստաընկերություն եւ հայտնի օպերատորին «վազող տողի» բովանդակությունը, որը եթեր կհեռարձակվի նույն օրը:

«Շանթի» «վազող տողում» հայտարարության 1 օրվա արժեքն է 5000 դրամ: Վճարման դիմաց MegaPay-ի կողմից միջնորդավճար չի գանձվում:

iTel.am

Երկմիջուկ նեթբուքներն արդեն իրականություն են

Intel կորպորացիան հայտարարել է առաջին կրկնակի միջուկներով հագեցած նեթբուքների վաճառքի մասին, որոնք հագեցած են Atom մոբիլ պրոցեսորներով: Մինչ այս տարվա ավարտը, այդպիսի համակարգերը կօգտագործեն Acer, Fujitsu, Lenovo, Asustek, LG, Samsung, Toshiba, MSI և այլ ընկերությունները:

Առաջին նեթբուքները կպարունակեն երկմիջուկ Intel Atom N550 պրոցեսորներ, որոնք կսպասարկեն DDR3 օպերատիվ հիշողության ինտերֆեյսներ: Նշենք նաև, որ Atom սերնդի պրոցեսորների կողմից DDR3-ի ապահովումը ներդրվել է բոլորովին վերջերս: Նոր սխեման թողարկվում է 32-նանո տեխնոլոգիաների հիման վրա և պարունակում է նաև գրաֆիկական վերահսկիչ (graphic controller):

Intel ընկերությունում հավաստիցանում են, որ Atom N550-ը կշարունակի ապահովել նույնքան ավտոնոմ աշխատանք, որքան որ ապահովում էր Atom N450-ը` չպահանջելով հավելյալ տարածություն ջերմափոխանակման համար, որն էլ թույլ կտա տեղադրել համակարգը ներկայումս օգտագործվող նեթբուքներում:

Աղբյուրը` iReport.am

Ինչ վերաբերում է փաթեթի տրամադրման պայմաններին, ապա E960 3G Wi-Fi երթուղղիչը 1 տարվա բաժանորդագրության դեպքում տրամադրվում է 20 հազար դրամով, իսկ անժամկետ բաժանորդագության դեպքում՝ 90 հազար դրամով: Մեկ տարով բաժանորդագրվելու դեպքում բաժանորդներին կտրամադրվի ամսական 100 րոպե աննվճար ներցանցային խոսելաժամանակ, իսկ անժամկետ բաժանորդագրության դեպքում առաջին վեց ամսվա համար կտրամադրվի 100 րոպե անվճար ներցանցային խոսելաժամանակ, ինչից հետո՝ ամսական 100 րոպե:

Փաթեթի շրջանակներում ամենամսյա վճարը կազմում է 9,9 հազար դրամ՝ երաշխիքային վճարի բացակայության դեպքում: Աշխատանքային ժամերին ներբեռնման առավելագույն արագությունը կազմում է 2 Մբիթ/վրկ., այլ ժամերին՝ 32 Կբիթ/վրկ, իսկ վերբեռնման առավելագույն արագությունը կազմում է աշխատանքային ժամերին 84 Կբիթ/վրկ., այլ ժամերին՝ 32 Կբիթ/վրկ: «Աշխատանքային օր» փաթեթի շրջանակներում ձայնային ծառայությունների սակագները կազմում են 10 դրամ դեպի VivaCell-MTS -ի ցանց, դեպի ՀՀ այլ բջջային ցանցեր և ՀՀ քաղաքային ցանց՝ 35 դրամ, իսկ դեպի ԼՂՀ բջջային և ամրակցված ցանց՝ 39 դրամ/րոպե:

SMS-հաղորդագրությունների արժեքը VivaCell-MTS -ի ցանցում կազմում է 5 դրամ, իսկ այլ օպերատորների ցանցում՝ 20 դրամ:ՎիվաՍել–ՄՏՍ-ը (Ղ-Տելեկոմ ՓԲԸ) Հայաստանի շարժական կապի առաջատար օպերատորն է, որն ունի ամենահզոր 2G/3G ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում:

Գործունեության հիմք ընդունելով իր բաժանորդների շահերին լավագույնս ծառայելը, հիմնադրման օրվանից` 2005թ. հուլիսի 1-ից, ՎիվաՍել–ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: ՎիվաՍել–ՄՏՍ-ը նորարարությունների առաջատարն է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի:

Աղբյուրը` Telecom.Arka.am